ام فطوومه .. ياعمري انتي لاتشيلين هم الراس لسى باقي وقت (( ماراح اقول طويل ))😂
باقي وقت وينزل سبحان الله بيوم وليله البيبي يقتلب ويتعدل وبتنزل راسها باذن الله بس يلا سوي لها مساج الدلوعه عشان تنزل على خير
وكثري من الحبي والسجود برضوا كلها تساعد باذن الله
والحممدلله اللي فك الحبل السري هذا اللي كان مخوفنا وصار طبيعي والسداده عادي جدا تنزل قبل الولاده بوقت يوصل لاسبوعين واحيانا اكثر
ويلا اجمعي قواك وخلصي باقي اغراضك وسكري شناطك شكلها ان شاء الله ولادتك بتكون اول التاسع 😍

هوووب .. الكتمه وما ادراك مالكتمه 😭
ضيق تنفس خاصه اذا جيت انام وراي ثلاث مخاد ونايمه على جنبي وحالتي حاله ولو قلت بخفف شوي منهم اقوم اششششهق وادور الهواء اختنق مرا الله المستعان 💔

روح .. حبيبتي سلامتك من التقلصات ريحي نفسك تماما وخففي من الطلعات وركوب السياره والمشي الزايد ووقفي الجماع كلها اشياء ممنوعه مع التقلصات لحد ماتختفي تماما بعدها خوذي راحتك


فروحه .. عليك بقهوة الشعير ممتازه لالتهاب البول وحده بوحده باذن الله وبالنسبه للدم انا مثلك كان ١٠،٦ وقالت لي الدكتوره دامه عشره فهو بالمستوى الطبيعي بس باقل نسبه وخلتني اكمل حبه باليوم بس انا صرت ذيبه ووصفت لنفسي حبتين باليوم مع حبة فوليك يساعد ع الامتصاص 🤓 ابربس على كيفي مايخالف عسى الله ينفع فيه ويوصل دمي ١٥ بغمضة عين 🙄

ام جوريه وغيرها .. ابد لاتسمحووون لاي احد يكشف عليكم من تحت قبل لا يسوون تخطيط ويتأكدون ان فيه طلق
طالما مافيه مغص ولا دم ولا ماء ماله اي داعي الكشف بس بيحرض الرحم ع الفاضي


سلسبيل .. الف سلامه عليك انتبهي على نفسك من الاجهاد الزايد ودام نزل دم ريحي نفسك تماما لاطلعه ولادخله ووقفي الجماع لحد ماتستقر امورك على خير

ام قنصوع .. 🤣🤣🤣
ياخي انتي انسانه رهيبه اجل كيك وشاهي وخياطه وصياح وشلوووون تجي بس هههههههههههههههههههههههههههههههههههه المره الثانيه حددي وضعك ياتصيحين ياتروقين اما جو البيض والتونه ذا مانبيه 😂😂


وسن .. شكل البطن كان غير بالاشهر الوسطى بولدي كان خصري فاضي وبطني طالع لبرا اماببنتي صار عريض ودب من الخصر بس من السابع خلاص نفس الشكل تقريباً
وتشققات الحمل تطلع من الشهر الرابع يعني الحقي على نفسك وتلطسي بكريمات الترطيب ليل نهار عشان تخففين منها باقل الاضرار 😅