حياكم الله
ليتني اقدر ادخل يدي واذوقكم السبنابون وحده وحده ونخفف السكر للي حلاهم بفمهم 💕
ولبس العافية لودي يلبسه الشيخ وانت واياه بسلامة وعافية 💙
وحياك الله مراد ولابأس على عمتك أجر وعافية وطهور ونور الله يشفسها ويطمنكم عليها شدة وتزول بإذن الله
طمني نفسك ووكلي أمرها وأمرك لرب العالمين الله يتمم لك العافية ويقومك ويقومها بالسلامة


هايدي وسعي صدرك الحين وصدر زوجك وان شاءالله اللي شريتي فيها كفاية واذا ولدتي على خير وحسيتي إنك احتجتي داخليات أكمام طويلة السوق قريب والطلب متيسر اللي ييسر لك ربي سويه بعدين حاليا ان شاء الله اللي معك بيكفي وعلى قولة البنات مع اللبس والمهاد والبطانية أو المدس بيدفى ان شاء الله
الله يبارك لنا ولكم في الارزاق والاعمال ويعين كل من يصرف على بيته وأهله ويحزاهم خسر ويسخرنا لهم ويسخرهم لنا يارب 💕

اهلين بنات وشلونكم
ياعمري عمركم كلكم لاعبه فيكم النفسيه وانا اولكم اليوم كله فيني الصيحه ونفسيتي براس خشمي ادور الهوشات بس 😶
ودخلت ولقيت الكل يشتكي كملت معي نفست زياده
اعوذ بالله من ابليس سبحان الله يوم وصلنا للنهايه بدينا نجزع وننفس ونتذمر !
منقهره من نفسي والله ليش اسمح اني اضعف بسرعه وانا عارفه ان قدامي شي جميل ينتظرني !!
والمفروض نفرح وننبسط خلاص قرب الفرج ولانخلي للشيطان علينا اي مدخل الله يكون بعونا ويعطينا الصبر والقوة
مشكلتي اني موب قادره اسلي نفسي باي شي مدري وش اسوي عشان انسى وتعدي الايام بسلام
بس خلاص من اليوم ورايح بنتفق مانبي نفسيات ولا تذمر ولا تشكي هذا الحمل وهن على وهن وكلها كم اسبوع وننتهي منه وتصير ذكرى جميلة ♥️🙄


^
^
المهم اني ماعرفت لي انا اتشكى ولا اواسي مشوا مشوا تكفون 😂😂💔

مراد الحياة وييينك فقدناك ولبسناك تهمة الولادة 🤭
قلنا البنت سوتها وفقست بس الحمدلله طلعتي براءة 😂♥️
وماتشوف شر عمتك الله يقومها بالسلامة وكثري من الدعاء لها وتصدقي عنها بنية الشفاء هذا اكبر شي تقدمينه لها وربي يفرحكم بسلامتها

فتاة الخير .. ياعمرري انتي والله فرحت يوم شفتك 😍
اخبارك ان شاء الله بخير
عقبالك يارررب تبشرينا بحملك وتفرحين بشوفة ذريتك عاجلاً غير آجل باذن الله تعالى ♥️

ياعمررري عقبال مايلبسهم الشيخ بالسسلامة 💙💙💙