انا كتبت اكشني
اللي مايعرفه بختصار عانيت الامرين مفتوح ١٠ سم
الراس منحشر تحت ادفع و ماتطلع
و بعدها حولوني قيصري
و انا اول مرة اولد قيصري اكتب لكم تجربتي صار لي والد ممم٩ ايام تقريبا
اول شي البنج النصفي يادافع البلا محررررروله ما احس برجولي بعد الافاقه
والنيرس اللي تتابعني تقول لي حاولي تحركين رجايلك
تعبت مو راضين يتحركون حاولت و حاولت ويالله بالموت استشعرت بركبتي و بديت احرك شوي عضلاتي وكذا
و صعدوني الغرفه (مالكم بالطويل) تبقين منسدحه كامل من غير مخده عن الصداع وكذا
وفيج مغذي و امورج تمام
وبعد ١٢ ساعه تجي السستر و ترفعج شوي و تقول لج اشربي مويه و عصير
هنا اشربي بكمية مرررة قليلة لا تشربين كثير يجيك غثيان و تستفرغين
قليل قليل قليل رشفه رشفه بعد ٥د رشفه
و اذا خذتي ٢٤ ساعه تجي تشيل القسطرة
وهنا تاخذك تمشين الى ان تغيرين ملابسك و كذا و تغسلين وجهك القومه صعبه بس بالهون بالهون
تستغربين من بطنك ماكانك والد منفوووووخ بشكل مو طبيعي و قاسي كانو فيه بيبي😅
هنا لا تخافين مع الوقت تفش
اي الم ببطنك تراه بسبب الغازات مو الغازات اللي بالامعاء و تطلع ريح
غازات في الجلد هي المسبب بالالم
شلون تروح امشي بالهون روحي وتعالي حاولي قد ماتقدرين
تعبتي وشد بطنك و الم بظهرك رجعي سريرك و انسدحي
رحتي دورة المياه لان يعطونك بس سوايل فقط موية و عصيرات بس
خذي لج فرة قبل لا ترجعين سريرج
اشربي سواخن عادي افضل لج
انتي امورج بالمستشفى تصير تمام عال العال يعني فيج الم ببطنج ومكان العمليه يعطونج مسكن ابره والله تمام
طبعا الحكومه يومين ورخصونا
في البيت الويل ويلاااه
انا طلعت بنوعين من المضاد و فيفادول بس
لا ملين و لا مسهل ولا طارد للغازات
مت مت وابكي على روحي و اتحسر اذا انسدحت ماقمت و اذا جلست اخاف انسدح
الم بالبطن مو طبيعي
حوالين السره و فوق السرة يالم الم ما اقدر المسه كانها سكاكين


تروشت بموية من الله ساخنه و نزل ع بطني وحسيت بغرغرة داخل بطني ااااااااه ااااه والله راح الالم اللي يالمني يومين
و صار لي شي موحلو ان المضاد في يوم الرابع من اخذه عدم معدتي عدام
اضطريت ارميه بالزباله
ليش
العلاج اللي يضرني ماينفعني
وثانيا حرراة بالمعدة و ما اشرب موية الا اطرشة و لا اية حاجة الا اطرشها ماكنت متخيلة انه من المضاد اساسا مت مت الا ان كلمت الدكتورة وقالت لي هذا اهو قوي ع المعدة
المهم
اسبوع تصير لج ان بالموت تقومين وتجلسين و صعبه عليج الاخراج و طرد الغازات لكن بالهون و امشي بالبيت
اليوم بس صرت اوك لقيت روحي والله
ولا كنت ابكي ع حالي


ياحلو الولادة الطبيعي لكن امر الله
وبس خلاص هادي مع القيصري
يمكن يوم من الايام ثلاث او اربع سنوات اعيد التجربه اشوف ردي مع القيصري😂
اي صح الجرح انا كبس و استخدم المسحة الطبية مع الايدين الاحمر و احط شاش و اثبته باللزقه من الاطراف

لا مو متحجر
ان شاء الله تروح عني و مايحتاج اراجع بس زوجي بيوديني من اذوني خخخخ

ي عمري بنات الله يعافيكم ويسعدكم على الدعاء الحلووو
❤️❤️❤️❤️

احس اي حركه بسرعه اتعب خلاص نزل البطن والثقل وصل حده 😩
ارتب دولابي بس بدرج واحد تعبت واخذ بريك
ابحط بس الملابس اللي احتاجهم بنفاسي وملابس ولدي
وبنوتي فقط الشتويات والفساتين والاشياء مالها لازمه بطلعها
رتبت شنطه الولاده ناقصه اغراض بسيطه بس يالا ماعليه ان شاءالله اكون جهزت كل شي قبل الولاده

بالنسبه للحمل مره ثانيه 😫
بعد خمس سنوات يمكن افكر بطفل ثالث
لما تصير بنوتي خمس سنوات وولدي عشر سنوات
الفرق لازم يكون بينهم ان شاءالله خمس سنوات اقل شي
ماعندي صحه بالنسبه لتحديد النسل احس حتى لو تحددين يمكن تغيرين رايك بالمستقبل انا اقول دايم ي حلو اربعه عدد حلو
بس اني احدد من الحين لا تاركته للمستقبل اسال الله يعطينا الصحه والعافيه الواحد يشوف وضعه الصحي والمادي ومن ومقدرته على تحمل الحمل والتربيه منها يقرر بلحظتها وكل طفل كذا شوفي وضعك الصحي وماديه زوجك واستعدادك لرحله الحمل
انا كذا اسوي بكل طفل بس هالمره ظروف غير عطلت بعض الارزاق الله يسهل ياربي وصارت الماديه اضعف مع ان كنا مستعدين انا وزوجي لطفل الثاني والحمدالله على كل حال متشوقه لطفلتي الحمدالله وبعدها برتاح