بسألكم تشربوا البيبي موية ؟ ومتى تبدأ تعطونهم موية ؟
بسألكم تشربوا البيبي موية ؟ ومتى تبدأ تعطونهم موية ؟
دندا
•
والله انا قريت كثير ان المولود مايعطى مويه الا بعد ست شهور لان الحليب فيه نسبه ماء سواء طبيعي او صناعي
هلا بنات شخباركم اليوم رحت موعدي و الدكتوره طلبت تخطيط طلع عندي طلق و قوي فطلبت مني تفحصني قالت اذا مفتوح الرحم معناته ولاده بس الصدمه انه مقفل مره 🙂 ليه كل هالاوجاع ضاق صدري والله بس حمدلله على كل حالهلا بنات شخباركم اليوم رحت موعدي و الدكتوره طلبت تخطيط طلع عندي طلق و قوي فطلبت مني تفحصني قالت...
حبيت افيدك كثري اكل اناناس وكيوي ومانقا ملينات لعنق الرحم
وكمان طريقة تدليك الصدر بالزيت ومرا يمدحوها
وكمان طريقة تدليك الصدر بالزيت ومرا يمدحوها
الصفحة الأخيرة
أنا من تجمع سابق لكن وضعك قريب من وضعي بولادتي الأولى
خلص شهري ولا عندي بوادر ولادة
وبداني الطلق وانتظرت بالبيت لين اشتد مرة قلت بكرية ولا ودي أروح بدري يعطوني طلق صناعي
المهم رحت المستشفى بعد وقت والطلق حارررر مرة وخفت اولد بالسيارة
وكان بين كل طلقة والثانية نص دقيقة والمفاجأة لما وصلت لقوا الرحم فاتح بس نص والطلق عالي بالتخطيط وفيني كرب الولادة وجسمي يرجف
قالوا ما تطلعين وضعك ولادة لكن الرحم ما فتح
امشي شوي يمكن يفتح
مشيت عندهم وانا ما اقدر امشي من قوة الطلق والكرب وتعبت جدا وبعد مشي رجعت للكشك وفحصوني صار الرحم لازال على وضعه!!
انا هنا ما ادري وش اسوي لأن المشي ما فاد ولا أقدر أمشي أصلًا من تقارب الطلقات وراء بعض وكرب الولادة تنفض جسمي نفض
تذكرت وقتها وحدة بالدوام الله يجزاها خير قد سمعتها تمدح التشطف بالموية والمرة والحلتيتة قبل الولادة تفتح الرحم
وتذكرت اني وانا اجهز شنطة المستشفى جهزتهم احتياط ومستبعدة اني بحتاجهم
اخذت من الشنطة قارورة موية جديدة وكسرة المرة والحلتيتة ورحت لدورة المياه الله يكرمك ورجيت القارورة لين صار الماء عكر وتشطفت فيهم وصبيت من القارورة على فوطة ولبستها ورجعت للسرير مستسلمة لمصيري
ما عاد عندي طاقة اتحرك
أول ما انسدحت على السرير جوا يفحصوني لقوا الرحم فاتح أربعة سم !!!!! والحمد لله
رقوني لغرفة الولادة وممرضة الولادة قالت انتي بكرية وشافت الساعة وجلست تحسب
قالت هي يعني بعد ثمان ساعات تقريبا تولدين (بناءً على خبرتها مع البكريات)
وانا اصيح من الاحباط لان الطلق يموّت والرأس بعنق الرحم احسه ولا اقدر اشفطه على فوق وتقول ما فيه ولادة الا بعد ثمان ساعات ولا اتخيل اقدر اعيش ثمان ساعات زيادة
واقعد اتحسف ليش احمل اصلا واستغرب من كل هالناس اللي يحملون ليش يحطون نفسهم بهالوضع
وبعد كلام الممرضة بأقل من ساعتين ولدت والحمد لله اللي خيب ظنها
وبعد الولادة الممرضة تقول لي انتي عندك سر وشو؟
ما شفت بكرية تولد هالسرع
قلت فرج رب العالمين أسرع
الخلاصة إذا كنتي ما ولدتي جربي التشطف الآن بمرة بس
وخلي الحلتيتة لا تستخدمينها دام الرحم مسكر تماما
لأن اللي أعرفه إن الحلتيتة قوية ما تجرأت استخدمها الا وأنا بالمستشفى تحت يدينهم وعارفة ان الرحم على الأقل فاتح لو شوي. لأني أخاف الحلتيتة تزيد الطلق والرحم مسكر. لكن ما يمنع تجهزينها وتاخذينها للمستشفى لو احتجتيها هناك.
والله يهون على الجميع في هالتجمع الطيب.