بكره بإذن الله بحاول اخلص اغراضي
لبس النفاس ولبس الاستقبال
وبطلب صياني عدد ٤ وبطلب استاند البيبي بالاسم
بحاول اول شي اخلص لبسي واغراضي بكره
وابدأ في اغراض الاستقبال
مره اقول اطلب اشتري صياني تقديم الشوكلت والموالح
ومره اقول وشوله استاجر من نفس المحل الي بعبي منه وارجعها
بدال مااجمع عندي صياني
بس فيه شي عجبني من الصياني وهو الي خلاني اترك فكرة اني استاجر من نفس المحل
وفيها فراشات الصياني وودي اخلي الثيم كله فراشات
مثل الاستاند لقيت حساب يسوي استاند مع تعليقتين
يعني شي اعلقه ع الاستاند ( اللهم انبتها نباتاً حسنا ) تتعلق ع الاستاند جنب الباب
وشي اعلقه ع باب غرفة المستشفى تكون على شكل فراشه وعليها اسم البيبي
بحاول انزل لكم صورة الاستاند عشان يوضح لكم شرحي 😬
وزينة الاستاند تقدرين تشيلين الاسم وتعلقين بداله اي شي ثاني
بدور سكر ع شكل فراشه الي عندها حسابات كذا ترسل الله يعافيكم
ناويه اجيب تعليقات للمويه ع شكل فراشه عليها اسم البيبي بس قلت ماراح استفيد منها بعدين بتاخذ مني مكان وبس ..
يمكن اجيب علب مناديل الشفافه الاكريلك والصق عليها فراشه بإسم البيبي يعني اطلب ٦ او ١٠ حبات بشوف اذا بيطلع حلو سويته
ايه وفيه حلا تسويه حرمه تحط فوقه شوكولاته على شكل فراشه شكلها يجنن ينفع اتوقع مع العصير بس برد 🤔 يمكن الغيه واسوي كابتشينو واحط الاقراص الي فوق الكابتشينو باسم البيبي بدور احد يسوي لي شكل فراشه مو دوائر
مادري التوزيعات محتاااره مره اقول بسوي مره اقول ماله داعي 😪
بخليها اخر شي اذا خلصت اشغالي وولدت ع خير افكر فيها اذا لي مزاج سويت مالي مزاج خليتها
بكره بإذن الله بحاول اخلص اغراضي
لبس النفاس ولبس الاستقبال
وبطلب صياني عدد ٤ وبطلب استاند...
انا اذا ابيه يصحى احارشه اضغط ولا اضرب بخفيف ولا اتقلب << ام نكديه من البدايه 🤪