Hnosh_9 :

صباح الخير .. ببدا بالاكشن ع طول طبعا من يوم الاثنين بالليل الاحظ ينزل معي شي ومع طلوق خفيفة الطلوق متعوده عليها ف ماخذتها بجدية صراحة لان صارلي اسبوعين طلق ولاينتظم ولا شي .. المهم جاء صباح الثلاثاء واحس بالموية تنزل بعد بس طبعا ع دفعات ومو كثير مرة بس عرفتها يعني ميزتها 😩 نفس ولادتي الاولى بالضبط😊😭.. المهم واروح الطوارىء من الصبح ٨ ويكشفون قالوا توسع ٢ سم والموية بادية بتنكب وخلاص ولادة م تطلعين .. انا خفت قلت بروح بمشي بتحرك عيوا مرة 💔💔 اول شي خذوا مسحة الكورونا .. بعدين دخلوني قسم الولادة ع ١٠ كذا قالوا بنستنى الطلق معك طلق خفيف لو زاد ولا عطينا صناعي 😪 قلت مابي صناعي الا مع ابرة الظهر معليش قالوا م في مشكلة وانتظروني لين ١ ونص الظهر .. وجاء الاستشاري ركب الابرة و عقب ركبوا الطلق الصناعي بالمغذي طبعا توسع صار ٣ سم .. بدا الطلق مفعوله طبعا الصدمة وش هي ؟؟؟؟؟ ابرة الظهر م سكنتني ١٠٠٪؜ بنات تخيلوا احس بمغوص الطلق بس كان ع خفيف ع ٤ العصر جوا كشفوا قالوا ماشا الله ٥ سم .. وكل ماله الالم يزيد واصيح اقول زودوا المسكن زود شوي بس قال ماقدر اكثر من كذا 💔😭 طبعا الطلق محتمل يعني مغصة باسفل بطني بس تعور والله ، ظهري وفخوذي ورجولي ماحس فيهم .. انا مجربة الطلق بدون الابرة بالابرة اهون والله ع انه م تسكن مرة بس نعمة من انه تحسين بكلش.. صارت الساعه ٦ ونص جت كشفت قالت ماشاء الله ٨ 😩 وبنص ساعه صار ١٠ يعني ٦ ونص بدت المعركة وهنا صارت العن فقرة استغفرالله طلعت رووووحي جاء وقت الدفع بنات ادفع اساعدهم كل شي سويته م قدرت عيت تطلع 😭😭😭😭 متخيلين ساعة ونص احاول يجوني منا منا مرة ماهي راضية تطلع الراس تحت بس مدري شفيه ويحاولون يبوني اولدها بدون تدخلات قلت خلاص بموت مافي امل اشفطيها تكفين وتحاول والله صبروا معي كثير ويدفعوني من بطني وتساعد وتدخل يدها مرة اعوذ بالله لازقة 😖😖 وانا صار يغمى علي وادوخ ويشربوني موية ويغسلون وجهي قالت يالله بشفط معك وانتي حاولي دفي قد م تقدرين وادف وتشفط واللي يغفص بطني واخخخخ ٨ ونص طلعت بنتي 😭😭😭😭 تعب تعب مو طبيعي لدرجة م قدرت اناظرها ولا اقول جيبوها .. قامت تكمل شغلتها مشيمة وخياط الخياطة طوليه ممتدة لفتحة الشرج 😞 ع خياطتي الاولية .. والحين اخخخخخ من الخياطة ومادراك مالخياطة تعووور تعور احس بموت منها ، و البول الله يكرمكم بالعسر اتبول مدري شفيني 😭 بالله اللي تعرف وش الحل تقولي احس بنط من مكاني وش ذا طبعا طلعوني تنويم عزل يقولون ننتظر نتيجة الكورونا وبنتي خذوها الحضانة م شفتها زين بس صورتها 😢😢💔💔💔 بصيح والله صح ارتحت ونمت شوي بس مدري ابي اشوفها اتطمن عليها ننتظر المسحة عاد ونطلع تنويم ولادة كلنا .. وسلامتكم 😞

صباح الخير .. ببدا بالاكشن ع طول طبعا من يوم الاثنين بالليل الاحظ ينزل معي شي ومع طلوق خفيفة...

صرخة لقا :

ايه والله سبحان الله وانا اقرأ اكشنك اقول سبحان الله حتى طلوقنا كانت سوا... الحمدلله اللي ربي خلصنا..

ايه والله سبحان الله وانا اقرأ اكشنك اقول سبحان الله حتى طلوقنا كانت سوا... الحمدلله اللي ربي...

تنشد السعاده :

الحمد لله على تمام النعمة واكتمال المنة حمدآ تطيب به النعم وتستديم به الأنفس اكرمني الله بقدوم مولودي" مهند " اللهم انبته نباتآ حسنآ وارزقني بره وصلاحة ارتاح ان شاء وراجعه لكم باكشن الولادة ابو يومين

الحمد لله على تمام النعمة واكتمال المنة حمدآ تطيب به النعم وتستديم به الأنفس اكرمني الله بقدوم...

نووني نجد :

و انتهت رحلة وهن على وهن،الحمدلله الذي تتم بنعمه الصالحات رزقت بمولودي قطعة قلبي لك الحمد يا الله عدد ما خلقت، يا رب ارزقني بره و صلاحه و عافيته و أنبته النبات الحسن 🤱🏻👦🏻💖 الحمدلله ولدت قيصري بعد محاولات مع الطبيعي بسبب ارتفاع حرارتي و زيادة في نبضات البيبي أرتاح و أرجع اكتب لكم الأكشن

و انتهت رحلة وهن على وهن،الحمدلله الذي تتم بنعمه الصالحات رزقت بمولودي قطعة قلبي لك الحمد يا الله...