الحين كل اللي بالتاسع لازم يسوون تخطيط ؟

بعضهم يتهاونون ب العمليه و مشاكلها حسبي الله عليهم
يدورون الفلس

في وحده اخذت ابرة الظهر ب مانع الخبر ؟ او سمعت احد اخذها عندهم
زائد خايفه من شي في بكري تعسرت ولادته لان وزنه حول الاربعه بسم الله عليه فما طلع الا بطلوع الروح و الحين وزن البيبي 3 ونص
تهقون الوزن الكبير يتعب بالدفع و الابره تزود المشكله لان يكون الجسم متخدر
ابي تجاربكم بخصوص هالشي

لا مو ضروري انا بكل عيالي اراجع اول التاسع وخلاص مااروح الا وقت الولاده
طبعاً اذا ماعندك مشاكل صحيه

مساء الخير جميعا
اول شي لازم اقوله وحشتوووني وحشتووني اقسم بالله
كل تفكيري معاكم وبالي عندكم بس لولا الشديد القوي ماتركتكم كل هالفترة
ويلا ع الاكشن الجميل 😛
يوم الثلاثاء كان عندي موعد الظهر رحت وانا اخلاقي قافله من الم البواسير ولان هالموعد بجد ماكنت متوقعه اوصله حامل كان لي يوم بالاسبوع ال39 لما شافني الدكتور قال انتي ماعندك نيه تولدي صح انا هنا قفلت زود وضاق صدري قاله زوجي تراها واصله لا تقول لها كذا بعدها كشفت على الدكتوره السعودية الامور كلها تمام وطلعت عندي نتيجه المسحه البكتيرية ايجابي للاسف قالت ابكشف من تحت قلت لها طيب قالت فاتح بس 1 سم وقربت مني وبصوت واطي سالتني علشان مايسمع الدكتور قالت ايش رايك اوسع لك قلت لها طيب الله يسعدك
وسعت لي وكانت يدها خفيفه مره ماشاء الله وقمت من عندها وقالت للدكتور اني وسعت لها قال ليش توسعين خطر عليها وهي عندها نتيجه المسحه ايجابي المهم سالني عن الحركه قلت له قليلة وانا اصلا مو مركزه فيها من اسبوع لان الم البواسير مغطي على كل شي قال لازم تسوين تخطيط علشان نطمن بنات وانا اسوي تخطيط جات طلقتين وصلوا ميه ولما رجعت للدكتور قلت له شوف عندي طلق قال لا مافي شي
المهم صدقته وسالته عن البكترياء وكيف علاجها قال نعطيك مضاد وقت الولادة ورجعت البيت ونزل على بعدها افرازات بنيه زي نهاية الدورة انا هنا عرفت ان الفرج قرب نمت بعدها وع العشاء بديت معاي الم محتمله جداا بس نفسينا تضايق وقلت لزوجي اني ضايقه مره ابي اطلع اي مكان اغير جو مليت من البيت والتعب وطلعنا مطعم وانا هنا انتظم عندي الطلق صار يجي كل خمس دقايق اوقف اكل وبعدين ارجع اكل زوجي خاف قال يلا البيت قلت له لا اصبر اخاف اروح البيت يهدا خلينا هنا لانه اصلا باين انه كذبي هههههههه المهم رجعت البيت وطلعت درج واخذت دش ساخن وشربت عسل وبعدها شربت قرفه وقبلهم بالمطعم شربت عصير اناناس لان معي طلق والرحم مفتوح وصار الطلق غير منتظم مره كل 7 دقايق ومره كل 10 دقايق ومره كل ربع ساعه بدا يتأخر صليت الفجر واخذت دش ساخن للمره الثانيه ورحت المستشفى قلت بس بشوف كم فتح وهل هذا طلق ولا لا وكان الرحم فاتح 2 قالت الدكتوره اطلعي وروحي البيت واذا نزلت موية او حسيتي الالم لا محتمل ارجعي قلت طيب رجعت البيت وافطرت واخذت عسل واكلت تمر وكل اشوي امشي وخليت زوجي ينام اشوي لانه كان مواصل معي قلت ورانا ولاده نم اشوي وانا قعدت العب بنفسي من كوب عسل لكوب قرفه ولتمر لمشي بالبيت وادخل التجمع اشوف ساليفكم هههههه والطلق كل ماله يحمى بس ثابت على 10 دقايق والافرازات بدا يخالطها دم خفيف لما اذن الظهر قلت له خلاص انهديت ودني المستشفى اكيد وصل فوق الاربعه اخذت دش للمرة الثالثة وخليت الموية الحارة مركزه على ظهري ونقعت رجولي بموية حارة بعد رجعت المستشفى قالوا لسى 3 قلت مستحيل الالم لا محتمل قالت خلاص بوسع لك واطلعك القسم وسعت لين اربعه و طلعتني وطلبت ابرة ظهر قالت طيب بس نعطيك اياه بالكشك مو هنا والكشك ذلحين مره فل خليك الين يفتح الرحم من نفسه قعدت من الساعه 1 الظهر الين الساعه 8 ونص بالليل وانا طلقي حامي بس رحمي اشوي اشوي يفتح طيب ساعدوني قالوا مانقدر طيب الحل قالوا اصبري نخلص اللى بالكشك اول طيب عطوني الابرة خلاص ماقدر اتحمل قالوا ماينفع ويريد الله ويبداء شفت دكتوري اللى انا معاه بالمتابعة جاء قلت له انت اللى بتولدني قال لو مافي عمليات ايوة طبعا احنا متزاعلين امس فصرت مثل اللى شارده من احد ولقته بوجهها ههههههههههه مااكذب عليكم ارتحت لوجوده لانه مره شاطر وسبق انه ولدني قيصري فطمنت اشوي وجاء ع الساعه 9 الا وسوا لي توسيع وفتح الرحم لسته وودوني الكشك وعطوني ابرة الظهر (راح اتكلم عن تجربتي بتعليق الحال عنها ) وقعدت بالكشك من الساعة 9 وولدت الساعة 1 و40 دقيقه فجر الخميس الحمد لله ولادة طبيعية بأبرة ظهر اقدر اقول عنها انها من اجمل ولاداتي ربي لك الحمد والشكر رغم اني اتخيطت وانا لي عن الخياطة 15 سنه بس الحمد لله على الخلاص الجميل وعقبالكم ياأحلى اخوات بالفرج الجميل العاجل