بنت قابوس عمان :

اكشني الحمدلله بتيسير من الله ان كان مريح وسريع اول شيء قبل الولادة بأسبوع خبرتكم نزلت علي افرازات بنية كثيفة وخيوط دم طبعاً مع طلوق متوسطة بدأت بألم الظهر بس مامنتظمة وكان هذا بعد جماع، بعدها كان عندي موعد بعده بأربع أيام وقاست الرحم حصلته مفتوح ٢-٣ سم وتقول انه لين ,, طبعاً طول الاسبوع اللي قبل الولادة طلق وآلالم بس مو منتظمة وخبرتكم متى اقدر اروح المستشفى لان يبعد عنا ساعة ونص خبرتوني لماينتظم الطلق وانا انتظره ينتظم وهو يختفي ويرجع بعد فتره، ماكنت عارفة الطلق الطبيعي لان اول ولادة كانت طلق صناعي، طبعاً طول هالاسبوع كان مشي يومياً مدة ساعة واكل اناناس والفواكه الاستوائية والتمر يوميا والجماع كذلك... طبعاً كان عندي موعد طلق صناعي بالأثنين لان بكون معدية التاسع وخلاص سلمت امري لله ان اروح لهم لكن يوم السبت كان الالم قوي بس محتمل انا قلت اكيدبيختفي مثل كل مرة وكانت تنزل لي افرازات شفافة وكثيييرة ويوم الاحد الفجر اشوف انه بدأ ينتظم الطلق كل ربع ساعة قلت راح اسبح بماي ساخن اذا طلق كاذب بيروح واذا لا بيستمر بعد الماي الساخن زاد الطلق وصار كل ٦ دقايق هنا قلت لازم اروح المستشفى لان كان بعيد وقبل ما نطلع اكلت نص بابايا وتوكلت ع المستشفى ويمكن بسببها بدأ الألم القوي كل ٣ دقايق وطول الطريق كان الالم يشتد وصار كل دقيقتين وانا مو قادرة اتحمل ( طبعاً زوجي يسرع واظن انه صاد كم مخالفة 😂) ووصلنا الطواري وانا موقادرة اجلس قال اجيب لك كرسي متحرك قلت لا بمشي لان يخفف علي الالم لكن من قوة الطلق جلست على الكرسي واخذوني لجناح الولادة وهناك اقول للقابلة مو قادرة اتحمل وهي في مزاج تسالني متى بدأ الالم ؟ فيك سكر حمل؟ هذا حملك رقم كم؟ 😂😂 وانا اقولهاا بسرعة خلصيني قالت بقيس الرحم كم فاتح بالاول وكانت تتحرك ببرود ولما قاست حصلته فاتح ٩ سنتي 😳😳 قالت انتي خلاص ولادة وتجمعن ٣ قابلات وقالن لما تحسي بالطلق دفعي ودفعت المرة الاولى فتح الماي ونزل راس البيبي لتحت بعدها دفعت٣ او ٤ مرات وطلع حبيبي ونور عيوني ولدي والحمدلله سمعت صياحة وقلت الحمدلله على التسهيل داخله جناح التوليد ٣ الظهر وولدت ٣:٢٤ اللهم لك الحمد كله هذا توفيق من الله والحمدلله بس ولدي طلع فيه صفار زيادة والتهاب في الدم بس الحمدلله الحين اموره طيبة

اكشني الحمدلله بتيسير من الله ان كان مريح وسريع اول شيء قبل الولادة بأسبوع خبرتكم نزلت علي...