ندند2015 :

يلا ب احكيكم ع اكشني المهم زي ما انتو عارفين اني عوشرت وكان أول يوم بالعاشر يوم موعدي سبحان الله كان موعدي الساعه 1 الظهر وانا بدأت معي الآلام والشد والمغوصات من الساعه 10 الصبح وكنت أكرر ياخالق النفس من النفس يامخرج النفس من النفس يامخلص النفس من النفس خلصني واكرر وكل شوي اقوم من النوم واروح الحمام الله يكرمكم ولا نمت زين فيه قلق صحيت الساعه 12 وروحت الحمام واستحميت بموايا شبه حاره مررره واركز ه بطني وظهري وطولت كمان حسيت الألم زاد مع الحراره وعرفت اني قربت اولد وقمت قولت خليني اشيل شعري رجليني ومن تحت🙈 كان دوب طالع لاني ناويه اكشف ب موعدي اشوف كم فاتح وأصحي زوجي من النوم وأجهز بنتي واتصلت ع امي وقولت لها لو ولاده حرسلك بنتي قالت جيبها دحين قوتلها أمكن ما اولد اكشف واكلمك كنت متفائلة مع متحطمه ههههه المهم روحت واستنى موعدي وقبلي 5 حريم وانا شد مع الم يزيد كل شوي وتحجر والم زي الدوره مره وجاء دوري وكشفت وكان دكتور وانا كنت ابغى دكتوره وقولت يلا خيره وقولته عند الم وشد ومغص وظهري قال بكشف من اسفل قولت لازم قال كيف نعرف انه ولاده ومفتوح الرحم المهم رضيت وكشف طلع مفتوح 3 داخل ع 4 وأحمد ربي قال بحولك طؤاري لو فتح يدخلوك الكشك والمهم خرجت من عندو واستنى ب طؤاري الين الساعه 4 ونص ودخلت وسو تخطيط وطلع مافي طلقه غير وحده مع كل هذا الألم وكشفت علي من اسفل فتح 4 بتمام قالت خلاص يلا كشك وكلمي زوجك يسوي أوراق الدخول وسوا زوجي الأوراق ودخلت وانا كلي خوف وهيناء بدأ الجد مع السستر اعطتني لبس الولاده وقالت نزلي كل شيء وحطي بالكيس اغراضك المهم دخلت وغيرت ولبست عبايتي وخرجت قالت ليش لابسه عبايتك المهم انا من خوفي معاد اعرف هههههه نزلتها وانسدحت ع سرير الكشك 😟 ع ساعه 5 العصر وحطو المحلول وجهاز النبض والطلق وكنت اترقب الطلق وكان يزيد من 1 ل 20 وكل شوي يزيد 25 و 30 و 40 والم محتمل وتجي الدكتوره تكشف زي ماهو 4 الين الساعه 8 وتيجي تفك الكيس وقالت البيبي متبرز الموايا خضراء وبدأ الألم الحقيقي يارب يجرنا والله ي بنات اصرخ واصرخ من الطلق وانا كنت ناويه ما اصرخ واناديهم تعالو ولدوني وابكي بكاء فضيع جاتني السستر مدام مافي إلا دكتور خليه ادخل وانا من الالم ابكي خليه يدخل وكشف طلع فاتح 7 وابكي واقولهم هذا كله 7 والم وأحس زي الدفع واصرخ بوووولد تعالو ويجي الدكتور يقول فتح 8 وابكي ولدني وأحس ارتاح شوي ثواني وأحس بشيء يدف وطلق قوي وابكي ويقول 9 ويرفعون رجولي فوق ويجهزون الأشياء واطالع فيهم مقصات وخيوط ومدري ايش وتيجي الطلقه وكشف فاتح 10 المهم واصرخ ويقولي دفي دفي وأدف مع كل طلقه والسستر كلهم دفي بوش بوش طوليها معاد عندي طاقه من صراخي وادف ووقف وهما لا لا لا يقولون والدكتور يقول طوليها لاتوقفي وادف وبدأ نبض حبيبي ولدي يضعف والدكتور قلي نبضه ضعف وادف بدون انقطاع واسمع نبضه يقل قال لو ماولدتي قيصري وادف الدفه الي بدون انقطاع وهما هيا كمان لا توقفي لا توقفي بيخرج بيخرج واتشجع كمان ماقطعت نفسي ويطلع حبيبي ومابكي ويشليونه غرفه ثانيه وانا اقول اشبه مايبكي وابكي قال الدكتور دحين يبكي وبكي وسمعت بكاءه يارب يحفظه ويخرج بسلامه وجابوه لي وفيه براز ب جسمه قالت السستر حنوديه حضانة وهذا بيبي حقك خلاص شوفي وراحت وانا أكرر الحمدالله الحمدالله اني ولدت وارتحت وخطوني ودوني الملاحظة عشان يشفون الدم كيف واعطوني حبوب ومضادات عشان تبرز ببطني عشان رحمي لا يتجرثم واتصل ع امي أبشرها إلا طلعت عارفه حبيبتي كل شوي تتصل وتساءل ع كشك وعرفو اني ولدت الحمدالله وجلست نص يوم بمستشفى وخرجت ولسه البيبي حقي ف مستشفى حروح الصباح ارضعه من صدري لأنه بدا يحجر دعواتكم ربي يحفظه لي بسلامه طولت عليكم ههههه المهم نصائح ب أنصحكم انا خاطرت وشربت كف مريم وزنجبيل وقشر بن ف ما ادري ايش الي السبب منهم تبرز ببطني ف اتوقع من الثلاث مافي غيرهم شربت هم وربي يسهل عليكم ي وتولدون بسلامه جلنار انتي ب نفس مستشفى الي ولدت فيها مره مره مره كويسة واهتمام وراحة ونظافة ماشاءالله وبنصحكم نصيحه خذوا معاكم صرف عشرات وخمسات ووزعو على العاملات الي ينظفون وأدعو انا من صدقه ولدت طبيعي كنت بتحول قيصري كنت اناديهم ووزع وادعي والحمدالله ولدته طبيعي وب آخر لحظه الحمدالله طلع وعليكم بدعاء وكررو ايه الكرسي ودعا ياخالق النفس من النفس واللهم لا سهل إلا مجعلته سهلا وعقبالكم كلكم يناير وفبراير

يلا ب احكيكم ع اكشني المهم زي ما انتو عارفين اني عوشرت وكان أول يوم بالعاشر يوم موعدي سبحان الله...

نهر الألم :

مدام الفهد ايوه كانت بنتي نازله كثير بالحوض حتى الدكتوره كانت متفائله حيل ان وﻻدتي مقربه بس باخر يوم شكلها انقلبت وصارت مقعدي

مدام الفهد ايوه كانت بنتي نازله كثير بالحوض حتى الدكتوره كانت متفائله حيل ان وﻻدتي مقربه بس باخر...