صرخة لقا :

اكشن ولادتي والحمدلله على كل حال.. يوم الأحد رحت الدكتورة وسوت تحريض وقالت لي اشربي زنجبيل مع عسل واشتري حقنة شرجية أو زيت خروع رجعت البيت سويت زنجبيل مع عسل والعصر استخدمت الحقنة الشرجية.. الخروع خفت منه.. وبالليل كنت معكم بالتجمع تقريبا ع الساعه عشرة والطلوق كالعادة تجي وتروح وخفيفه وغير منتظمة.. اشتهيت بيتزا دومينوز وقلت لولدي وديني بروح اشتري بيتزا.. خرجنا وجاتني طلقه قوية وانا بالسيارة.. الطلقة اللي تمسك دقيقة كذا وتفك.. المهم تكررت مره ثانية وثالثه بس الأوقات بينهم مو منتظمة.. وطولنا واحنا ننتظر الطلب رجعنا البيت يادوب أكلت قطعتين ورجع الألم.. عرفت انه فعلا خلاص طلق ولادة قلت بنتظر لين خلاص يصير قوي وغير محتمل.. وسويت خلطة قمم التميز وشربتها ع الساعه ٤ حاولت انام بس ماقدرت لأن كل مااغفي تصحيني الطلقه.. وقمت أخذت دش أقرب للحرارة كانت تجيني الطلقة واخلي الموية على ظهري بطني ارتحت كثير تجهزت للمستشفى قلت متى ماصار قوي اروح لهم... واستمر الألم للساعه عشرة صحيت زوجي ورحت مستشفى الولادة اه من الزحمه الحريم والله ع الكراسي في الأسياب وكلهم معهم طلوق.. وقفت وقلت لهم خلاص انا مااقدر أوقف اكشفو علي.. قالت الممرضه نامي في أول سرير وماكنت اقدر امشي ماسكة بالجدار وشادة عليه إلا حورمة تقولهم حرام عليكم ساعدوها للسرير عالاقل اول مافكت الطلقه الا الحرمة الله يجزاها خير ماسكة يدي وصلتني للسرير.. كشفت الدكتورة قالت ٣سم بموووووووت توقعت ٦-٧على هالالم ومن ١٢الى١٠بس سم واحد فتح.. وقالت سوي تخطيط في التخطيط تخيلو اختفى الألم بعد نص ساعه قلت لها بروح الحمام قالت بكشف قلت لا بول قالت خلاص على مسؤوليتك قلت طيب.. شوية الا الممرضه تنادي علي وتدق باب الحمام الله يكرمكم طلعت قالت يلا اجلسي بطلعك الكشك.. قلت لا ماابغى اطلع الان قالت لازم يااختي انتي عندك قيصري وهذا خطر عليك مع ان غيري وربي يصرخون في الأسياب قلت لا ابغى امشي هنا لين يزيد الطلق ويفتح الرحم أكثر اطلع قالت وقعي على مسؤوليتك وقعت وخرجت رحت الألماني كشفو على قالوا ٦سم الألم ماوقف قلت لها هاتي إبرة الظهر انا جيت عشانها تخيلو رفضت قالت انتي عندك قيصري ماراح نعطيك لو جاك ألم بالعملية ماراح تحسين ولااحنا راح نعرف ممكن لاسمح الله يصبر انفجار بالرحم بس اعطيك مسكنات وابرة تريحك ووقت خروج الراس اعطيك كمامة.. قلت طيب زاد الألم صرت مااقدر اتحمل خلاص العملية صارت تألمني وكل مازاد الألم أشد على يد زوجي ووهو يقرأ علي ويدعي اول مره يحضر ولادتي و اول مره يسوي فيني كذا الطلق الطبيعي سبحان الله كأني أخذه طلق صناعي لما قلت لهم العملية تألمني قالت خلاص قيصري الان قلت سوي اي شي بس خلاص فكيني وربي بموت راح زوجي خلص الأوراق وبسرعه دخلوني العمليات كانت بتعطيني بنج كامل رفضت والطلق شغال معاي قالت طيب تقدري تجلسي للنصفي قلت احاول.. جاء دكتور التخدير وبسرعه أعطاني مدري كم إبرة في ظهري على طول رجولي تخدرت بعد شوي قال ارفعي رجولك قلت مااقدر بدأو شق وانا اطالع فيهم كانت الإضاءة فوقنا عاكسة البطن😭 بس حسيت اني دخت كل شوي انام بس حاسه فيهم واسمع أصواتهم واسمعها تقول ماني قادرة واحسها تسحب شي وتحاول تطلعها فوق لأن يدها تجي على صدري.. وطولت وهي تسحب بنتي.. لين الحمدلله سمعت صرختها يا رووووحي هي.. واشوفهم من بعيد ينظفونها.. بس رأسها كان فيه خفسة من قدام 💔خفت يوم شفتها.. قالوا انه عظمتين الحوض كانت ضاغطة ع الراس عشان كذا نموه موقف مازاد والقوة قدرت تطلعه.. يعني لو ولدت طبيعي تعسرت وماطلعت سبحان الله.. الحمدلله على تيسير الله سبحانه.. بنتي الحمدلله طيبه مافيها شي والراس يقول الدكتور مع الايام راح يرجع للان ماشفتها قالوا الصباح يجيبونها لي.. الحمدلله للان ع المسكنات جات النيرس قومتني بالليل مشتني، بالغرفه غيرت لي ملابسي الله يجزاها خير.. اخواتي حاولو يجون بالليل ومنعوهم بس، طلعو لي الاكل.. ويادوب أخذت كاسة شوربه وكاسه يانسون.. الحمدلله الآم العملية أهون من العملية القديمة شتان مابينهم مدري يمكن لأني ع المسكنات.. اتوقع الطلق اللي جاني بسبب الزنجبيل والحقنة الشرجية الله لايعيدهم لأن الحمدلله عمره الطلق ماوصل معي لكذا نصيحة يابنات وكلو أمركم لله خلاص لاتاخذون اي شي.. مايصير غير المكتوب ثلاث اسابيع شاردة عن الطلق الصناعي والقيصري واخر شي ولدت قيصري ولأول مره اشوفه ارحم مليون مره من الطبيعي.. ناخذ أشياء ع بالنا بتسهلنا الولادة ماندري انها خطيرة وتقوي الطلق.. انتظرو نصيحة لو تاخذون اسبوعين من العاشر لاتستعجلون.. والله يعظم اجرنا قد ماتعبنا..

اكشن ولادتي والحمدلله على كل حال.. يوم الأحد رحت الدكتورة وسوت تحريض وقالت لي اشربي زنجبيل مع عسل...

غلاها بدرها :

يااعمررري الحمدلله على سلامتك الله لايحرمك الاجر الحمدلله انهم ماحاولو طبيعي الحمدلله ربي سهلك وسخرلك دكاترة وممرضين كلهم خافوا عليك تصدقي كنت حاسة من حلمك انك راح تولدي قيصري بس ماحبيت اقول وافاول عليك عشان كذا قلتلك فسريها وسبحان الله كيف مشت الاقدار .

يااعمررري الحمدلله على سلامتك الله لايحرمك الاجر الحمدلله انهم ماحاولو طبيعي الحمدلله ربي...

~ ورد :

الحمد لله 🥺😭 شعور جمييل يارب يتممه على خير وسعادة لي وللجميع كان حلم عندي ادخل التاسع

الحمد لله 🥺😭 شعور جمييل يارب يتممه على خير وسعادة لي وللجميع كان حلم عندي ادخل التاسع

ام الوليد بن طلال💌 :

انا جاتني المشكله هذي وقت الدفع تعبت مرا احاول ادفع ماقدرت ..تقولي تدفعي من فمك انتي..

انا جاتني المشكله هذي وقت الدفع تعبت مرا احاول ادفع ماقدرت ..تقولي تدفعي من فمك انتي..

نووني نجد :

النقطة هاذي عجزت أفهمها اسمع و اقرأ و أشوف مقاطع بس وقت التنفيذ يقولون لي غلط كل ما دفعت قالوا غلط و بالأخير تنط على بطني ممرضه و تدفعه لي تحت ما أدري متى بأضبطها🥺 رحت اليوم للمستوصف و صلحت لي كشف و قالت عندك فاتح ١ سانتي و وسعت لك شوي و عنق الرحم لين و رأس البيبي تحت مرررره ممكن تولدين بعد أسبوع و ممكن تكملين شهرك بس كثري مشي و سي السيد يشوف شغله و قالت رأس البيبي هو اللي مسبب ألم الظهر لك و قالت اذا جاء السبت و ماولدتي تعالي أوسع لك زيادة طبعا بس سمعت إن عنق الرحم لين كل جسمي صار يألمني و فخوذي ماأدري من الخوف صار فيها ألم و طبعا من الألم مواصله ما نمت و بناتي وولدي عندهم منصة ما أدري كيف بأسوي

النقطة هاذي عجزت أفهمها اسمع و اقرأ و أشوف مقاطع بس وقت التنفيذ يقولون لي غلط كل ما دفعت قالوا...