هذا الاكشن حقي 🥺
طبعا صحيت الأحد على اوجاء بالظهر مثل وجع الدوره وكان معاي غثيان فضيع والاوجاع بس بالظهر مع شد بالبطن بدون ألم وكان يجي مرات كل 5دقايق ومرات كل ساعه يعني مو منتظم مالقيت له بال لين جات حزة المغرب جاني الم بالبطن والظهر لاكن محتمل واقوم اسوي عشا لخالتي وعيالي اشتهيت قرصان مع رز ابيض واطبخهم وانا مسكني الوجع صار كل نص ساعه واعشيهم واطلع لشقتي اسوي قرفصاء وامشي والتروش ماي حار وشربت دارسين وكل هذا والوجع محتمل واسولف مع البنات عن التلحيم وغيره 😂
رحت نومت عيالي وعلى ماناموا قلت معاي ولاده خلاص والتروش مرة ثانيه بماي حار الى على دخلت زوجي وقلت له شد حيلك معاي ابي اولد وصار جماع 🙈 واقوم اتروش وصار الألم منتظم كل 5دقايق وعلى طول اروح مستشفى دله وصلنا قبل صلاة الفجر وقاست الرحم الطبيبه قالت يادوب 1سم انا هنا انهبلت الطلق يب وصل 80 وكل 5دقايق وبس 1سم طبعا قالت لازم تنزلين لغرفة الولاده ونزلوني واسمع أصوات صياح حريم وبكي اطفال المهم صليت الفجر وتمشيت وانا الوجع خلاص بموت منه شي مو طبيعي وقاست الرحم وعلى ما دخلت يدها انفجر كيس الماي وقالت دام انفجر بتولدين ان شاء الله طبعا هذا الساعه 6الصبح وعلى طول عطوني حقنه شرجيه قالوا بتساعد على الولاده طبعا الوجع شي لا يطاق طلق حامي والرحم مررره مافتح ولا هم يقدرون يسوون لي شي انا من شدة الوجع لا شعوري اجر شعري ابي شي يخفف الوجع قلت ابي ابرة ظهر قالوا خليه بس يفتح الرحم 4سم واقعد على هالحاله من 6الصباح الى الساعه 2الظهر والطلق حامي وكل 5دقايق والرحم يادوب 2.5سم واقعد اصيح ابي ابرة ظهر خلاص تعبت قالوا لي ابرة الظهر مو شامل التأمين وسعرها 1800 قلت ان شاء الله مليون وادق على زوجي حول لي فلوس ابي ابرة ظهر وهو على طول حول لي ودفعت وحطوا لي ابرة الظهر وهنيه انا ارتحت والله انها نعمة يا بنات لاتطوفكم ابرة الظهر وجات الساعه 4العصر ويادوب وصل الرحم 4سم هنيه قالوا لازم نخفف ابرة الظهر ونعطيك ملين لعنق الرحم وكل ماجات طلق حاولي تدفعين قلت بس انا لسه 4سم قالوا عشان البيبي راسه مرره بعيد وعنق الرحم عندك قاسي وهنيه بدأت وجع الطلق مرة ثانيه وجات دكتوره سودانيه وسوريه هم اللي يتناوبون علي يفحصون الرحم وتحريض مررره مؤلم بس عشان يوسعون الرحم وقالوا لازم نوقف ابرة الظهر ووقفوا وهنيه صياحي يسمعه كل اللي بالمستشفى حيل تعبت جات الساعه 6المغرب وهم اللي يوسعون الرحم بايدهم مع دفع مني ليمن وصل الرحم 10سم خلاص ولاده وجهزوا أغراضهم وانا ادفع اول 4دفعات كانت كويسه والمره الخامسه انفجر دم وعلى طول قالوا وقفي لا تدفعين وين زوجك يوقع على عمليه انفصلت المشيمه وعلى طول لغرفة العمليات ورجعوا حطوا لي ابرة الظهر لاكن كنت احس بالشق واقعد اصيح انا ماتبنجت وعطوني ابره ولكن مافيه فايده وعطوني أكسجين وادوخ وانام وكانت الساعه 7 العشا وطلعوني من غرفة العمليات الساعه 8 وقعدت ساعه وعلى الساعه 9 وانا بغرفتي...
اول مره تمر علي ولاده جذي الحين فتحت المهبل عندي احس بكهربا فيها من كثر ماكانوا يوسعون لي بايدهم
طبعا المستشفى دله قمه بالتعامل وماكان ا مستعجلين علي بالعمليه مع ان لي 16ساعه وانا اطلق وكانوا مررة يبون لي الطبيعي دام نبض الطفل كويس لكن خانتنا المشيمه وهنيه حولوني عمليه لكن الحمد لله اللي كتب لي حياة وليتني طلبت عمليه من زمان قبل لا اجرب الولادتين..
هذا الاكشن حقي 🥺
طبعا صحيت الأحد على اوجاء بالظهر مثل وجع الدوره وكان معاي غثيان فضيع والاوجاع...
الحمد لله على البلاغ
كثري حمد وشكر اللي ربي خلصك وخلص بنتك
بشري ان شاء الله طبيعي