Muna1980 :

انا ما كتبت اكشني انا وصلت المستشفى السبت اظن تسعة الصبح فحصوني عندي طلق منتظم وكان ضغطي مرتفع طبعا ما قالولي واكدت عليهم يستنو دكتوري ورنو عليه ما استنوه استغربت وكان بغرفة العمليات سبعة اشخاص دكتورتين نسائي ودكتورتين تخدير وممرضتين ودكتورة اطفال كلهم دكتورات الدكتورة مقيمة لا استشارية ولا غيره وكان الاصرار على العمليه مبالغ فيه ما كنت اعرف ان الضغط مرتفع بس سبحان الله ما قلقت عادي ركبولي دربين بايدي وجهز ضغط وجهاز تخطيط قلب وقالتلي الدكتورة حرفيا لا تخافي العمليه ما بتخوف ولا التخدير وضلت تحكي معي قصص وحكايات عني وعن زوجي وعن البيبي واهلي لاعطوني الابرة وجعتني بس مرت وبعدين قالت بدي اجرح ما رح استنى رح تحسي بشد هون قلقت حسيت بالشد مو الم فعلا شد مزعج بس مو الم طولت لطالت البيبي بس طالتو ما عيط دغري وكان ازرق اعطتو لدكتورة الاطفال بقلها ما عيط بتقلي عيط بس ما سمعتي شفت دكتورة الاطفال نضفت مناخيره وتمه ودغري عيط الحمد لله بتقلي هيو عيط وصارو يحكو معي لان كنت بعيط وشو بدك تسميه وما شاء الله بطبوط شو كنتي تاكلي وجابته لعندي ليهدوني ومان لونه دغرئ صار احمر وخلته عندي قبالي اتفرج عليه تحت شي متل الحماصة ودكتورة الاطفال عنده وبعدين طلعوني للانعاش والبيبي للحضانة وساعتين بالانعاش ينزلو ضغطي اعطوني بغرفة العمليات سوائل كتير وبس طلعت عرفت ان كان ضغطي مرتفع وخافو عالبيبي ودكتوري قلهم ما تستنو اعملوها وكان معاهم بكل شي واطمن علي دغري الحمد لله جوزي قلي الصبح عندي احساس سيء وخايف طبعا جوزي كان عارف ومقضيها عياط ومنجن انا بس طلعت فكرت معيط من الفرحة طلع من الخوف ومن الفرح والحمد لله الله جبر بخاطري وخاطره وما ضيعلي تعب

انا ما كتبت اكشني انا وصلت المستشفى السبت اظن تسعة الصبح فحصوني عندي طلق منتظم وكان ضغطي مرتفع ...

غيوم ☁️ :

اتوقع موعدها الثلاثاء اليوم

اتوقع موعدها الثلاثاء اليوم