الحمد لله الذي اخرجني من حلق الضيق اللي اوسع الطريق رزقت بمولودتي ( ميـان )
مااقدر اقول لكم وش صار لي بس الحمدلله حسيت روحي بعثت لي مره ثانيه
من الليل الثلاثا وانا احس بالم يروح ويجي نفس كل مره بس ذالمره يمكن اكثر ودخلت الحمام فجر الاربعا بصلي الفجر وشفت الدم نزل مني وخلاص عرفت انها ولاده ... انتظرت لين جهزت بناتي يروحون المدرسه لان عندهم تخرج وماابي اخرب عليهم ونزلناهم المدرسه ورحت لمستشفى وكشفت علي وبالموت خليتها تكشف لاني خوافه وقالت لي ٢ ونص وظليت صابره وكل مره تكشف اسوي مناحه وصياح لين جات الساعه ٢ قالت لي لازم اكشف وكشفت وشافته اربعه سم وقالت لازم افتح موية الجنين وخليتها بطلعة الروح تفتحها على قد الالم اللي كنت اتالمه على قد الصبر اللي الله رزقني فيه بسسسسسسسسسس صبري ماطول كشفت علي الساعه ٤ وشافته سبعه وكررته وشافته سبعه وجلست اصارخ صراخ غير طبيعي ابي عملييه وترجيتهم ياعمليه ياايقتلوني ماعاد اعرف افتح رجلي شي نفسي سبحان الله وجلسو يصارخون علي شلون سبعه سانتي ويمكن الحين فتح بس انتي فتحي رجلك وانا مااحاول اسمع لهم ابي عمليييه وجلست لاشعوريا امشع في شعري على حالتي بسرعه راحو جابو الاوراق ووقعت على العمليه وجلست اترجاهم يسرعون في التخدير بس كانو الممرضات والدكتور تبع التخديز يتعمد يتاخر علشان اولد طبيعي خذوني نقلوني غرفة العمليات وحطو علي بنج خفيف اسمعه يقول خمسة ملي او شي كذا وانا اصارخ تكفى حطه كله انا بمووووت رحموني بعدها بديت اغيب واجلس وهم يصارخون علي دفعي دفعي وكل من رجع لي الوعي دفعت شوي بعدها ماحسيت بنفسي الا الساعه سبعه الليل وهم يصحوني من البنج قالو لي قومي ولدتي طبيعي الحمدلله بس تمزعتي تحت لانك ماساعدتينا بشي وتركوني خلاص وانا مابين مب عارفه كيف ولدت طبيعي وكيف كنت اصارخ وانا مبنجه وكيف بعد اللي صار لي الحمدلله رد لي ربي روحي
انا زعلانه على نفسي حيل اقول ليه مااعرف افتح رجلي ليه مااقدر اتحمل الم الولاده ولاالطلق احسه الموت سبحان الله .. الحين رجلي اليمين مب قادره احركها من كثر ماشدوها علي ومن كثر ماتمزعت من الشق يارب يجعل مااصابنا تخفيف ورحمه يارب
الحمد لله الذي اخرجني من حلق الضيق اللي اوسع الطريق رزقت بمولودتي ( ميـان )
مااقدر ...
ام مهند وام خالد وام باسل وسكره
ومناورر والشمريه
الله يرزقكم بولاده سهله يسره ياكريم 🌺🌺🌺