نور قلبي* :

اكشن ولادتي الحمدلله كانت ولادتي سهله كنت ماخذه اجازه من الدوام وجالسه بيت امي لان زوجي مداوم و يوم الجمعه طول الليل وانا احس بتحجر بين فتره وفتره بس بدون الم صحيت يوم السبت الصباح فطرت وتقهويت مع امي شوي الا احس بشي ينزلي دخلت الحمام وحصلت افرازات مخاطيه فيها دم وانتوا بكرامه لاكنها بسيطه وجاني اسهال بس ماشي اي الم جلست امشي شوي وطول اليوم بطني يتحجر ويفك و العصر طاحت بنتي من الدرج وتعورت 😣 ف اسنانها ولثتها ونسيت نفسي ورحت بها العياده و ع الليل زاد معي التحجر وبدا الم بسيط شربت كوب حليب مع زعفران وجلست اقرا ادعية تسهيل الولاده وكنت قارتنها قبل ف ماي ومسحت بالماي ع بطني وشربت منه صار التحجر يجيني بشكل منتظم ويزيد معه الالم ورحت انام بس ماجاني نوم التحجر يجيني تقريبا كل ثلث ساعه و امي سوت لي زعتر وشربته وقمت امشي ف الحوش وبنتي كانت تعبانه من اسنانها ولاجاها نوم وانا يزيد معي الالك وبعدين شربت كف مريم ولما جات الساعه 2 ونص رحنا الطواري وكشفت الدكتوره علي قالت الرحم فاتح واحد سانتي وعنق الرحم بعده مو لين يحتاج لك ثلاث او اربع ايام لين تولدين ورجعي البيت 😑 رجعت البيت وانا الالم يزيد معي ورحت انام نمت شوي وكل حين يزيد معي الطلق وكانت امي معي تمسح لي ع ظهري اذا جاني الوجع وانا كنت انام بين الطلقه والثانيه لين صار الالم مايتحمل راحت امي تصحي اخوي مره ثانيه عشان يوديني المستشفى وانا رافضه دخلت الحمام وحصلت نازل معي وصخ مع دم ويجيني اسهال الله يكرمكم وعاد شلوني الطواري كانت الساعه 4 ونص وطول الدرب معي طلق يروح ويرجع وكنت اتنفس اخذ شهيق طويل املي فيه بطني واطلعه من فمي ماقدرت اصارخ ف السياره معي اخوي واستحيت منه بعده عزابي 😐 وصلت المستشفى وكشفت علي قالت فاتح سانتيين ونص 💔 وقالت لي روحي امشي ف الممر وانا ف خاطري اقول كل هالالم وثنين ونص فاتح جيت بنزل من السرير وتجيني طلقه قوووويه ورجعت انام لين راحت ورجعت انزل مره ثانيه وتمسكني طلقه اقووى جلست اصارخ منها قالت لي الدكتوره اذا ماقادره تمشي مامشكله تسدحت وشوي الا احس شي يدفع وانادي على الممرضات وكشفت علي حصلت الرحم فااتح 9 سانتي وقالت ولاده وفتحتي لي ماي البيبي وبدت تقولي دفعي ودفعي وسبحان الله ف هالوقت سمعت اذان الفجر وطلع ع الدنيا ولدي حبيبي والحمدلله

اكشن ولادتي الحمدلله كانت ولادتي سهله كنت ماخذه اجازه من الدوام وجالسه بيت امي لان زوجي مداوم و...

شباصه مدعوسه :

خلصت توزيعات حصن المسلم ورتبتها بوريكم اياها 😊 واذا خلصت ان شاء الله ترتيب الاشياء الثانيه بصور لكم كمان

خلصت توزيعات حصن المسلم ورتبتها بوريكم اياها 😊 واذا خلصت ان شاء الله ترتيب الاشياء الثانيه بصور...

سكرة2014 :

زي ماقلتي اسوي ومايتعدى 120 لكن اليوم افطرت ونمت ويمكن من النوم انهبلت قلت معقوله جاني السكر 😓😩😩😩 بس تغديت وحسبت له والحمدلله طلع تمام😐😪

زي ماقلتي اسوي ومايتعدى 120 لكن اليوم افطرت ونمت ويمكن من النوم انهبلت قلت معقوله جاني السكر...

ناريز 2018 :

وانتهت رحلة وهن على وهن الحمدالله حمدا يدثرني عمقا حتى يرضى فأرضى الحمدالله على تباشير افراحي رزقني الله بفظله ومنه وكرمه بمولوده اسأل الله ان ينبتها نباتا حسن

وانتهت رحلة وهن على وهن الحمدالله حمدا يدثرني عمقا حتى يرضى فأرضى الحمدالله على تباشير افراحي...

شباصه مدعوسه :

الله ييسر اموركم ويوصلكم جده بالسلامه ويكفيك ماهمك من امور الدنيا والاخره والجميع يارب

الله ييسر اموركم ويوصلكم جده بالسلامه ويكفيك ماهمك من امور الدنيا والاخره والجميع يارب