ياسمينة٩٢ :

مساء الخير في صباح يوم الاثنين ٩ ربيع اول قررنا نروح للمستشفى اللي راح اولد فيه افتح ملف ومنها اسوي الكشف عندهم اشوف وش انا عليه .. بما اني خلصت التاسع بيومين بعد انتظار ساعة دخلت وكشفت علي قالت لي الدكتورة : مفتوح ٤سم تنويم 😨.. ما كنت احس بشيء وقتها كلمت زوجي يسوي اجراءات التنويم ودخلت كشك التنويم بـ الطوارئ على الساعه ١٢ إلا ربع الظهر لما جت الساعة ٢ الظهر نقلوني لكشك الولادة وهنا العذاب صدق 😔😔😔😔. اسمع صياح البنات من الطلوق وانا ما معاي شيء لاهم اللي طلعوني ولا اللي حطوا لي شيء يجيب لي الطلق واقعدي يابنت على الحال الين ٧ونص العشاء والحمدلله جاء الفرج قالوا انتِ واضح ما حولك ولادة بنحولك للتنويم إن استجد شيء جاك طلق نزلت مويات تبلغينهم ينزلونك هنا قلت على خشمي 😂 رحت للتنويم ورجعوا حطوا لي التخطيط 😭😭 طبعًا نسيت اقول ان طول الوقت بكشك الطوارئ و الولادة حاطين لي جهاز التخطيط 💔 .. قعدت نص ساعه وكلمت الدكتورة ابي اطلع وارجع إذا حسيت بشيء .. وفعلًا على الساعة ٨ سوينا اجراءات الخروج على مسؤليتي ورحنا تعشينا 😅 لأني ميته جوع طبعًا رفضوا اني اكل شي لين اولد مدري وش السبب .. عقب ماتعشيناعلى الساعة ٩ رجعنا للبيت نظفت ورتبت وغسلت ملابسي وجلست على التلفزيون وعيني على الجوال احسب للطلق لأني بديت احس بالآلام بسيطة على الساعه ١٢ الليل بدا ينتظم الآلم لكن محتمل قلت ابنام شوي .. زوجي شافني مو مرتاحه اخذ شنطتي وطلعنا للمشفى وكَ العادة انتظار وكشف وبعدها ركبوا التخطيط واخذوا عينات تحليل وعلى طول كشك الولادة كانت الساعة ٢ونص الليل من اول مادخلت بدأ الآلم يزيد وينتظم ويقرب اول ما تبدأ الطلقه كنت اسوي ( شمي وردة طفي شمعة ) تريح شوي وتخفف الألم وبالأخير شرف اميري الصغير 👶🏻💙 الساعه ٤ونص الفجر يارب لك الحمد و الشكر ... مافيه تفاصيل كثيرة لكن تيسرت من ربي الحمدلله. بمَا اني خلصت القصه ابنصحكم وانبهكم على شغلات ممكن تكون سبب في تيسير ولادة وحدة منكم .. اول شيء اول ما دخلت التاسع بديت امشي وما اضغط على نفسي ١٠ د احيانا ربع ساعه وهكذا كنت اكل تمر كثير ، واشرب مشروبات دافيه وكنت مجهزة زيت زيتون مقري فيه ورد تسهيل الولادة يوميا اقري سورة مريم و الزلزلة العلاقة الحميمة كان لها دور كبير انصحكم ما تغضون الطرف عنها .. مع انها صعبة نفسيا و جسميًا لكن ربك يسهلها يوميا اتروش بماء اقرب للحار الدرجة المحتملة واخليها تمشي على ظهري كنت اسوي تمرين نصحت فيه رولا تحركين وسطك يمين ويسار ممكن هالتمرين هو اللي خلا البيبي ينزل بالحوض اكثر ابتعدوا عن الاعشاب قد ماتقدرون خصوصًا اللي تحرض على الولادة صدق مو ضبطت مع وحدة بتضبط معك انتِ .. انا شريت فقط ينسون لما الآلم بدا ينتظم .. ونص الكوب بعد هذا بخصوص ماقبل الولادة لما تحسين ان بدا الطلق معك .. ريحي اعصابك واذكري ربك ترى فترة وتروح الصراخ والاهات اللي بتطلعينها ماراح تنفعك إلا بتزيدك وجع وبتخلين البنات حولك يتوترون ويخافون زي ماصار معي 😭 من الآن ابدأي تعلمي حركة التنفس الصحيحة بتساعدك مرة .. في وقت الطلق ادعي ربك و كثري من الحوقلة والصلاة على محمد والله العظيم ان الآلم يروح بس تشوفين ولدك بحضنك 😭❤️ طولت عليكم بس لازم اقول كل شيء عشان تستفيدون

مساء الخير في صباح يوم الاثنين ٩ ربيع اول قررنا نروح للمستشفى اللي راح اولد فيه افتح ملف...

wedyann :

ما شاء الله والحمدلله على سلامتك عندي سؤال كيف فاتح ٤ سانتي وما نزلت موية البيبي ؟؟

ما شاء الله والحمدلله على سلامتك عندي سؤال كيف فاتح ٤ سانتي وما نزلت موية البيبي ؟؟

شموخ الفراج :

وانتهت رحلة تسع شهور رزقت بمولوده طبيعي الحمدلله عقبال الواصلات يارب

وانتهت رحلة تسع شهور رزقت بمولوده طبيعي الحمدلله عقبال الواصلات يارب

روضان :

بفضل من الله ولدت البارح الساعه9 مساء ورزقني اللهث ببنوته وسميتها ود العقبى لكم 💐

بفضل من الله ولدت البارح الساعه9 مساء ورزقني اللهث ببنوته وسميتها ود العقبى لكم 💐