اهلين مامات
بما انها توها بنوتتي نايمة بقولكم سالفتي 😊
كنت قلت لكم انه الدكتورة طلبت مني تخطيط يومي علشان خركة البيبي قليلة ..
فكنت اروح يوميا
يوم الخميس بالليل بموعد روحتي شافتني دكتورة طوارئ وعرفت سالفتي وقالت ليش تعذبين حالك كل يوم جاية تخطيط
وتشيكين على البيبي اللي حركته اساسا بطيئة وقليلة
خليني أفحصك من تحت ولو فاتح الرحم راح أساعدك واسوي لك توسيع (تحريض)
انا بالبداية خفت
بس لما شاورت ريلي وأمي شجعوني انه ان شالله اخلص وارتاح من الثقل وكذا
المهم وافقت وكنت ميييتة خوف لأني ماقد جربت التحريض ودايم اسمع انه مؤلم .
شافتني ولقت فاتح 2 سم ووسعت لي
طبعا مع نفس عميق واسترخاء علشان نطلع بنتيجة .
والحمدلله كان الألم حق التوسيع جدا محتمل
وبعدها رحت البيت وانتظرت يجيني الطلق او ينزل الماي حق البيبي
وفعلا ربي لك الحمد
بعد 3 ساعات بدأ ينتظم الطلق معاي وصار ينزل علي دم
ومباشرة رجعت المستشفى وفحصتني لقته فاتح 5 سم الحمدلله
والألم كل ماله ويشتد ويتقارب
وجلست كذا بالغرفة وكل ماجتني طلقة اتنفس عميق وسريع على حسب قوتها وتحملي
لين طافت علي ساعتين مع الطلق وشرفت بنتي عالدنيا الحمدلله
كاانت لحظة مثل الحلم وربي ماني متهيلة شلون الله سهل الأمور بهالطريقة
طبعا التعب موجود والجهد والألم لابد منه
بس نفعني جدا الاستغفاااااار
والحوقلة
والصلاة عالنبي صلى الله عليه وسلم .
وبس يطلع البيبي كل التعب يطلع معاه
الحمدلله حمدا كثييييرا يليق فيه سبحانه
ربي يبلغ الأمهات الواصلات بالولادة السهلة ويسخر لهم الطاقم الطبي بأكمله ..
الحمدلله على كل شي❤

الحمدلله عالسلامه افاق وحكاية احساس
ربي يحفظ لكم ماعطاهم وتفرحو فيهم


وعقبالي وباقي الكروشات

ما شاء الله حكايه ..الف مبروووك ياعمري ويتربى بعزكم العريس

افااااااق الف مبرووووك ...حبيبتي والحمد لله عسلامتك انتي والبيبي

الحمدلله الذي بنعمته تتم الصالحات رزقني الله بولد بعملية قيصرية