الحمدله حمدا يبلغ عنان السماء ..الحمدلله حمدا يرضيه عني الحمدلله على تمام النعمه واكتمال المنه ولدت ورزقني ربي بولدالحمدله حمدا يبلغ عنان السماء ..الحمدلله حمدا يرضيه عني الحمدلله على تمام النعمه واكتمال...
آفاقq8 :
اهلين مامات بما انها توها بنوتتي نايمة بقولكم سالفتي 😊 كنت قلت لكم انه الدكتورة طلبت مني تخطيط يومي علشان خركة البيبي قليلة .. فكنت اروح يوميا يوم الخميس بالليل بموعد روحتي شافتني دكتورة طوارئ وعرفت سالفتي وقالت ليش تعذبين حالك كل يوم جاية تخطيط وتشيكين على البيبي اللي حركته اساسا بطيئة وقليلة خليني أفحصك من تحت ولو فاتح الرحم راح أساعدك واسوي لك توسيع (تحريض) انا بالبداية خفت بس لما شاورت ريلي وأمي شجعوني انه ان شالله اخلص وارتاح من الثقل وكذا المهم وافقت وكنت ميييتة خوف لأني ماقد جربت التحريض ودايم اسمع انه مؤلم . شافتني ولقت فاتح 2 سم ووسعت لي طبعا مع نفس عميق واسترخاء علشان نطلع بنتيجة . والحمدلله كان الألم حق التوسيع جدا محتمل وبعدها رحت البيت وانتظرت يجيني الطلق او ينزل الماي حق البيبي وفعلا ربي لك الحمد بعد 3 ساعات بدأ ينتظم الطلق معاي وصار ينزل علي دم ومباشرة رجعت المستشفى وفحصتني لقته فاتح 5 سم الحمدلله والألم كل ماله ويشتد ويتقارب وجلست كذا بالغرفة وكل ماجتني طلقة اتنفس عميق وسريع على حسب قوتها وتحملي لين طافت علي ساعتين مع الطلق وشرفت بنتي عالدنيا الحمدلله كاانت لحظة مثل الحلم وربي ماني متهيلة شلون الله سهل الأمور بهالطريقة طبعا التعب موجود والجهد والألم لابد منه بس نفعني جدا الاستغفاااااار والحوقلة والصلاة عالنبي صلى الله عليه وسلم . وبس يطلع البيبي كل التعب يطلع معاه الحمدلله حمدا كثييييرا يليق فيه سبحانه ربي يبلغ الأمهات الواصلات بالولادة السهلة ويسخر لهم الطاقم الطبي بأكمله .. الحمدلله على كل شي❤اهلين مامات بما انها توها بنوتتي نايمة بقولكم سالفتي 😊 كنت قلت لكم انه الدكتورة طلبت مني تخطيط...
من السبت احس بضغط شديد تحت والأحد عيالي تعبانين وسويت شوربه وكثرت الفلفل الأسود من غير قصد وتعشينا ونمت ع الفجر قمت ع طلق متباعد جدا كل ساعه حاولت انام بس تقعدني الطلقه عرفت انه اليوم ولاده قلت لزوجي اليوم بولد قال لا جديد كل يوم تقولين كذا😳 ع الظهر صار كل ٢٠ دقيقه بس زاد الالم صارت الطلقه أقوى شربت حليب و٣ تمرات وهذي غلطتي ما اكلت شي بعدها رحت المستشفى دخلت ٢ ونص فحصتني٣ سانتي تحطمت من الفجر و٣ قالت بتقعدينتنويم او تروحين قلت لا وين اروح احس بطلق قوي المهم مشيت بالممرات ع٤ خلاص رجعت للدكتوره الا٤ سانتي ورحت كشك الولاده والحمدلله ع ٧ ولدت ربي سهلها ويسرها الحمدلله عالفرج والفأل لكم بوالده سهله
بنات انصحكم ما تكونون جوعانين ولادتي سهله بس تعبت مافي طاقه وادوخ خفت لا يغمى علي من الجوع يعني مو مأكله ولاشي وم ادري اذا الشوربة اللي كثرت الفلفل لها دخل بتحميه الطلق او لا وأول مره اولد قبل موعدي الحمدلله كان باقي٥ ايّام واقفل التاسع وسلامتكم