[Faith] :

البكريه واللي خايفه لاتقرى 🏃🏻‍♀️ بكتب بالتفاصيل، الله يقومكم جميعاً بالسلامه.. من قبل صلاة الفجر يوم الخميس وانا فيني أوجاع بس قلت انها أوجاع طبيعيه، لاني اشتغلت في بيتي.. صليت الفجر وجيت بنام والله مافي نوم، أوجاع فعلا واقوي من أوجاع الدوره وتجي وتروح.. قمت من فراشي ورحت الصاله والاوجاع تروح وتجي وماتخف، قلت شكله طلق وقلت خليني اتزبرق لااروح بكشتي (ليتني ماتزبرقت بس 😁) استشورت شعري لاني كنت متروشه أساساً، وبعد الاستشوار كنه خف الألم.. قلت يابنت مافي ولاده وشكله طلق كاذب وخسارة التعب والاستشوار😁🏃🏻‍♀️، كانت الساعه عشره صباحاً.. رحت نمت الين ١٢ ساعتين بالضبط بعدها قمت مع أولادي ورتبت البيت وقلت لزوجي جاني طلق الصباح بس شكله كاذب.. بعدها قلت انام ساعه قبل العصر علشان اقوم نشيطه شويه، ومن يوم ماانسدحت رجع الطلق🥺 قمت من النوم امشي وادور واحسب كم بين الطلقه والطلقه.. قعدت ساعه كامله بين الطلقه والثانيه ٥ دقايق، والاوجاع كانت محتمله.. صرت اقرفص وادور في البيت ودخلت الحمام وانتو بكرامه ومسحت لقيت دم (علامة ولادتي دائماً الدم) عرفت اني ولاده، اخذتلي ملعقه عسل اصلي واكلت رطب وقاعده ادور في البيت واقول لزوجي ماني رايحه بدري خليها بعد صلاة العصر او الساعه اربعه خمسه.. اول مااذن العصر نزلت عليا مويات كثيره أكرمكم الله.. وهذا الشي اول مره يصير لي انا دايماً الدكتورات هم اللي يفكو لي المويه في المستشفى 🥺 لما شفت المويات انفجعت وبسرعه لميت عفشي وع المستشفى 👈🏼.. المستشفى بعيد عن بيتي وفي الطريق وقف الطلق عاد انا خفت ليش وقف.. توقعت بعد نزول المويا تزيد الآلام 😥.. رحت للطوارئ وقلتله نزلت المويا وسوولي كشف داخلي، كنت متوقعه الرحم مفتوح ٣ او ٤ سانتي طلع ٢ سانتي فقط 😥.. قالولي بما انه نزلت المويا بعد ١٨ ساعه من الان اذا ماولدت بنعطيك طلق صناعي، خفت مره لكن وكلت أمري لله وطلعوني كشك الولاده.. واسمع صياح اللي بيولدون وابكي وادعيلهم وادعي لنفسي 😭.. سوولي تخطيط طلق الطلق موجود بس خفيف، بعد ماخلص تخطيط قمت امشي مع انهم منعوني يقولون خطر تمشين والكويت نزلت علشان ماتنزل كلها 😥.. صرت امشي في نفس الغرفه واروح الحمام الله يكرمكم واقرفص، بدت الآلام تزيد 😭 ورجع الطلق وكان متوسط وصرت ادور في الغرفه.. سوولي تخطيط طلق مره ثانيه وفكوني ورجعت امشي وادور والاوجاع زادت 😭 كنت مرا خايفه واقولهم تعالو قيسو يمكن فتح الرحم رافضين يقولون خطر كثرة القياس لانه المويا انفكت.. الأوجاع زادت واللي خرب علي انه جاني خوف فضيع خصوصا مع أصوات الولادات اللي جالسه اسمعها، المهم بدت تصير الأوجاع غير محتمله واصريت انهم يكشفون يشوفون كم فتح.. الساعه كانت عشره ونص الليل تخيلو من العصر اطلق توقعت انه الرحم فتح كثير طلع مافتح الا سانتي واحد ثلاثه سانتي 😭.. بكيت لما قالتلي لاني اتوجع من الصباح +مانمت +مااكلت +ماني قادره اكل مع الطلق.. لما صارت الساعه ١١ كلمت زوجي وانهرت صرت ابكي قلت ابغا قيصري ابغا اطلع ابغا ابرة ظهر، الأوجاع تزيد والرحم مو راضي يفتح مو قادره استحمل.. جاني خوف ووجع وانا اصلا عارفه انه المستشفى مايعطون ابرة ظهر بس كنت منهاره من الألم.. راح كلمهم قالو خطير طلوعها من المستشفى لانه نزلت المويا، وقالي مااقدر اطلعك مسؤوليه، صرت ابكي والاوجاع زااادت🥺، قعدت امشي وكل ماجات الطلقه وقفت وصرت اقرفص لعل وعسى الرحم يفتح اكثر، الساعه ١١ ونص ترجيت الممرضه تقيس الرحم وقاسته طلع اربعه وودوني غرفة الولاده.. سدحوني وحطو جهاز الطلق، وعاد بدا الطلق الحار من قوته صرت مو قادره اتكلم او استغفر او اسوي اي شي، بس صرت اون وحلقي ناشف طلبتهم مويا مااعطوني يقولون ممكن تستفرغين.. اول مره يصير كذا في ولاداتي السابقه كنت استغفر وادعي ذي المره من حرارة الطلق بس اون حتى صياح او دعاء مو قادره.. الطلق كان في الظهر والبطن وينزل ع الرجلين، رجولي احسها تشنجت من الوجع (يارب يكون اجر وتكفير لي ) من ١١ ونص الين ٢ والطلق نار وكل شويه اترجاهم يشوفون كم فتح ابغا اولد وارتاح.. اثنين وعشره قالو مفتوح تسعه، وعاد بدا الدف، وصرت ازاحر مع الممرضات يقولون لي دفي وانا ادف فعلا بس مو راضي ينزل،. يخاصموني صارو يقولو ساعدي نفسك صرت اصيح والله اني ادف وادف بأقوى ماعندي.. وطولت الين جات ممرضه الله يسامحها وبركت على بطني علشان تساعد ويطلع البيبي، بس مانفع 😭.. الدكتوره جات وقالت لا تدفين ا لا في طلق وانا من الوجع مو قادره صرت بس ادف ابغا ارتاح واصيح يارب يطبع بصحه وعافيه 😭 صارت الدكتوره تقول قراءات نبض البيبي مو عاجبتني ساعدي نفسك دفي وانا والله ازاحر وادف بس مو داريه وين الغلط الين ماربي ساعدني وبدأ يطلع 😭 وطلع الحمدالله، لونه كان ازرق مره فجعني بس الحمدالله انه بخير.. البيبي كان صغير وأعتقد هذا الشي ماساعد اثناد الولاده الكبير يساعد في الدف لكن الصغير يتعبك، الحمدالله تعبت لكن اهم شي انه الطفل بخير وانا بخير، ولاداتي السابقه كانت أسهل والرحم يفتح بسرعه لكن لكل شئ حكمه، وأهم شي تمت الولاده بسلام بدون تعقيدات.. مازلت ادعيلكم يابنات بالولادات الميسره، وبإذن الله كلكم تكون ولادتك سهله أسهل من ولادتي في نص ساعه والبيبي خارج بصحه وعافيه 💖💖💖... الله يفرجها عليكم جميعاً، مازلت اتابع بس مشغوله مع أطفالي والبيبي الجديد وماعندي وقت ارد.. الله يبشرني فيكم وحده وحده بإذن الله، خصوصا شموس اذكرك بالاسم في دعائي 💖💖💖

البكريه واللي خايفه لاتقرى 🏃🏻‍♀️ بكتب بالتفاصيل، الله يقومكم جميعاً بالسلامه.. من قبل صلاة...

نور وضيا :

انا باقلي ١٠ أيام مع السونار واكمل التاسع بس كنت حاسبه ع حساب الدوره تاريخ ٥ يالله كله خير ان شاء الله سوهاني فكره حلوه مال الديتول حق المرحاض راح اسويها ان شاء الله ولا رايك اشيل معاي مناديل ديتول المبلله الجاهزه؟؟

انا باقلي ١٠ أيام مع السونار واكمل التاسع بس كنت حاسبه ع حساب الدوره تاريخ ٥ يالله كله خير ان شاء...

ام كندة ٨٧٨ :

ديتول لايكون للخياطة ؟؟!! بيتادين طيب افضل وطبي

ديتول لايكون للخياطة ؟؟!! بيتادين طيب افضل وطبي