اي لازم تولدي قبل ٤٠ علي الأسبوع ٣٧ او٣٨
انا ولدت بالاسبوع٣٨ لان موية الجنين زيادة وكانوشاكين سكرالحمل بس طلع ماعندي

الله يسهل امرك ان شاء الله ويرزقك ساعه سهله

اهلا بنات كيف حالكم .. اكشني الجميل
تعرفون يا بنات يوم الاحد كانوا مقررين لي طلق صناعي استخرت الله وما رحت لاني كنت خايفة
ع العصر رحت للمستوصف اللي جنب بيتي و قاستلي الدكتورة الرحم قالت لي تقريبا ٣ سانتي و العنق بدا يطرا قلت لها ممكن اخذ زيت خروع قالت ايوا
الحمد لله رحت اخذته من الصيدلية و بعدين مشيت لين المغرب رجعت البيت و خلطت ملعقتين زيت مع نص كاس عصير و جلست انتظر لين منتصف الليل ما سوالي شي غير مغص خفيف جدا نمت وصحيت قبل الفجر وجلست ادعي اني اولد وادعي وادعي لين قرب الفجر رحت اخذتلي مرة ثانية ملعقة ونص زيت خروع خلطتها مع كاس لبن و صليت الفجر ورحت انام ع الساعة ٧ بدأ معي الاسهال الله يكرمكم لين الساعة تسعة هدأ شوية و رجعت انام
الساعة عشرة جيت اتقلب وانا اسمع طق قمت ع الحمام الا والموية تنكب بس مو كثير مقدار فنجان او اقل بعدها بعشرين دقيقة اشتغل معاي الطلق بس كان حامي وبين كل طلقة وطلقة ثلاث اربع دقايق كان لمن يجيني الوجع اتقرفص و لمن يروح امشي و رحت سويتلي كوب زنجبيل و شربته مع تمرات و اخذتلي دش بعد الدش الطلق حمي مرة وصار بين كل طلقة وطلقة دقيقتين و الطلق مرة مرة حامي وانا اقول يارب كيف راح اصبر عليه مدة طويلة بحكم طلق فاولادي كله يستغرق يوم واكثر
زوجي ع الظهر لما شافني اتلوى ومو قادرة حتى اتنفس قال انت فيك مشكلة يلا ع المستشفى قلت لا العصر اروح اشوف الحين ما ابغى يلعبو فيني وانا توي بدأ معاي الوجع الا وتجيني طلقة حسيت روحي بتخرج واقول لزوجي احس شي يدف
لما شافني كذا قال لا تزيدي دقيقة بالبيت و لبست و ١٠ دقايق كنت بالمشفى
دخلت قلت للسستر ابغى تقيسيلي الرحم و تشوفينه اذا هو طري قاسته وجلست تصارخ ولادة ولادة اقول يا سستر الله يهديك قوليلي كم ابغى اخرج امشي و هي ما ترد علي بس تقول ولادة ولادة و راحت تنادي الممرضات و اللي تاخذ دم للتحاليل واللي تركب مغذي وانا اقول لها والله لا انزعه واطلع انتو خمسة سانتي تقولو ولادة انا ابغى امشي كل هذا وانا اصارع الالم
لما شافتني راح انزل قالت لي ياماما وين رايحة انت عشرة اذا في الم دفي انا فهاد اللحظة جاتني بلادة اقولها ادف ايش تقول بيبي هذا اشوفه ماعرفت ادف و المغذي دوخني لين ماصرخت علي تقول اذا فيه الم دفي ولما جاتني الطلقة وانا ادفع بكل قوتي وحسيت بنتي انزلقت وخرجت بسهولة وانا ماني مستوعبة هو حقيقة ولا حلم والحمد لله بعدها طلعوا المشيمة ولما انتهى المغذي استوعبت اني خلصت بهاد السرعة
بس بعدها جاني نزيف وهادي كانت اصعب مرحلة فالولادة الله لا يذوقها مسلمة شفت الموت و هي تحاول توقفه الحمد لله كله باجره ان شاء الله
ولدت الساعة وحدا وعشرة و جلست ثمان ساعات تحت الملاحظة و طلعت بيتي الحمد لله

الحمد لله كانت هادي اسهل ولاداتي بفضل الله


يا بنات لا تتركوا القرفصاء تراها مرة ممتازة
وتدليك العجان بزيت الزيتون كنت كل يوم اسويه واالحمد لله ما احتجت لخياطة و المنطقة ما تضررت الحمد لله


عموما يابنات طبقوا نصايح هدى الله يسعدها مرة مفيدة

الله يسلمكم يا بنات و يسعدك و ربي انكم زي اخواتي و فرحتلكم زي ما فرحتولي و عقبال باقي الكروشات بالولادة السهلة اليسيرة يارب
والله مابعد الضيق الا الفرج


ودي ارد عليكم وحدا وحدا بس الرسائل طارت بين الصفحات ربي يسعدكم في الدارين و يحقق لكم امانيكم و يحفظ لكم اهاليكم