قصة ولادتي
امبارح تقريبا الساعة 12نص الليل بدأت احس بتقلصات أو بالأحرى تحجر مو تقلصات صريحة توقعت انها ولادة بس قلت اكيد لسه بدري بنام وان شاء الله أصحى الصبح يكون زاد الألم بس ماجاني نوم من الرهبة والتفكير صرت اتقلب ودخلت التواليت مع الساعة 2 الله يكرمكم شفت بقعة دم وكل ماامسح بالمنديل الاقي بقع عرفت انها ولادة لا مفر بس مااستعجلت رجعت تسطحت وصرت احسب التقلصات واقرا ادعية تسهيل واحيان تاخدني غفوة واصحى علي انقباض الين الساعة 6 الصبح صحى زوجي صلى الفجر وقلتله خلني اروح اشيك رحت لمشفي قريب مالقيت الا طبيبة طوارئ كشفت وقالت لسه مطولة وقلتلها انو الجنين مستعرض سويلي سونار اتطمن اذا قلب وفعلا سوتله ولقته لسه راسه لاعلى قالت لازم دخول نسويلك تخطيط واستدعي الاخصائية لعملية طارئة خفت بصراحة وانحشت منهم كان عندي امل إنه يتعدل لاخر لحظة واولد طبيعي بس بس قدر الله وما شاء فعل رجعت عالبيت ارتحت شوي وصحيت بناتي جهزتهم وخليتهم عند أم زوجي ز رحت لمشفى ثاني كبير وفيه استشاريين واخصائيين موثوقين وللاسف اكدولي لي نفس الكلام الرحم مفتوح 4 سم والحنين قاعد ينزل بلمقلوب برجوله وهالشي خطر عليه وعليا وعلي طول دخلوني قيصرية مستعجلة ودموعي علي خدي من الخوف بس عدت علب خير الحمدلله رغم التعب وشفت طفلي بصحة وعافية هذا اهم شي
قصة ولادتي
امبارح تقريبا الساعة 12نص الليل بدأت احس بتقلصات أو بالأحرى تحجر مو تقلصات صريحة...
ماشاء الله الف مبروووك توتو والحمد لله على سلامتكم والله يجعله ذرية صالحة يا رب