العضوية الراقية
•
مغلي البقدونس ممتااااز ، الشوفان - مرق اللحم او الدجاج - و كثري ماي وسوائل - السمك 👍🏻
العضوية الراقية
•
افيدونا بالمشروبات والاكلات اللي تدر الحلييييب ووش الحل مع تشقق حلمات الثدي😭افيدونا بالمشروبات والاكلات اللي تدر الحلييييب ووش الحل مع تشقق حلمات الثدي😭
الحل مع تشققات الحلمه ؛ بعد الرضاعه خذي من حليبك شوي بطرف اصابعك و ادهني الحلمه بحليبك و رطبيه بعد الرضاعه افضل و وقت الرضاعه عقمي الحلمه 👍🏻
العضوية الراقية
•
نياسه :
مساء الخيرات. انا اتابعكم بصمت. ،، بس عندي سؤال باقي يومين واكمل التاسع ،،. اليوم تنزل معاي افرازات دمويه. يعني فيها خيوط دم مع طلق غير منتظم هل هذه ولاده واييش اعمل ،، المستشفى بعيد اخاف اروح والطلق مو منتظممساء الخيرات. انا اتابعكم بصمت. ،، بس عندي سؤال باقي يومين واكمل التاسع ،،. اليوم تنزل معاي...
لا تسكتين على وضعك ، انا تأخّرت ساعتين عن المستشفى بالرغم من انه ماكان فيه دم او طلوق منتظمه و الحمدلله على كل حال ولكن صابني نزيف وانقطع الاكسجين عن البيبي و دخلنا العنايه
mlk91 :
" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ " الحمدلله دائمًا وأبدًا ♥️ بعطيكم تفاصيل يوم الولادة لأني شخصيًا استفدت واستمعت بالتجارب المكتوبة قبل صحيت الساعه ٦ الصباح يوم الجمعة ، كنت أحسبه حوسة نوم ك العادة لكن كل محاولاتي إني ارجع انام ماضبطت لأنه يمسكني مغصكل ماحسيت خدرت وقربت نومتي وأرجع اصحصح من جديد 😔 ماكنت ادري إنه طلق 💔 بعد مااستمر كم ساعة قريت واستفسرت هينا واستوعبت اني بديت بمرحلة الولادة حملت برنامج يحسب لي الوقت والمدة بين الطلقات ويعطيني تنبيهات لوضعي كنت هادية وطبيعيه < ردة فعل منصدمة منها نزلت تحت وسويت الفطور مع امي وافطرنا سوا وانتظرت زوجي يصحى ويكلمني كلمني على الساعة ١ قلت له يجي يمرني نطلع نمشي بمول ونتغدا ونروح للطوارىء اشوف شوضعي دخلت الطوارىء ٥ العصر تقريبًا لمن ارسل لي التطبيق رسالة انه صار وقت اتوجه للمستشفى أول مادخلت كان يجيني طلق ينفضني شوي ويهدا شوي كشفت علي الدكتوره قالت رحمك مفتوح ٣ سانتي تبين ارقيك فوق والا تطلعين وترجعين لنا بعد كم ساعه ؟ قلت وش الاحسن قالت الاحسن تطلعين وتعالي بعد ٣ ساعات طلعت ورجعنا لنفس المول ومشيت مشيت مشيت قد مااقدر لين وصلت المرحله اللي خلاص اتوجع وجع واضح مااقدر اوقف منه ، بعد المشيرجعت للبيت صليت المغرب وتقهويت مع اهلي بس امي ماخلتني اكمل قهوه عرفت اني خلاص واصصصصله خرشتني وقالت لاختي تقومتودينا الان الان لبست عبايتي ووجهت للطوارىء واول ماركبت السياره بدا الطلق المؤلم جدًا وترت اختي بالونونه ماعرفت تسوق 😔 وصلنا ودخلت عليهم كشفت علي قالت لسى للحين مفتوح ٣ سانتي 💔😭 بس بدخلك عشان نتابعك لين توصلين ٤ سانتي نعطيك الابره " لأني طالبه إبرة الظهر " نقلوني للترقيد وقالت اذا صار الم الطلق لايحتمل ناديني جلست اقل من نص ساعه وصار اني مااقدر اتحمل خلاص لدرجة اصيح على النيرسات انه شفايدة الابره اذا بعيش كل هالوجع !!! نزلوني تحت غرفة التخدير ، التخدير بلحاله حكايه ساعه ونص عشان يخدروني ! تخيلو دكتور التخدير وخز بكل مكان عجز يلقى مجرى للأبره !! يقول فقرات ظهرك مقفله ! تخيلو الموقف وقت طويييييل قاعده ومنحينه على قدام وانا فيني طلوق وممنوع اتحرك ! كان وقت صعب صعب صعب والم ماينطاق وتعب لدرجة كنت اصيح واقولهم خلاص ماابيها اذا هذا وجعها عشان تطقونها مااستفدت شي😭 واترجى النيرسات يمسكوني على وضعية التخدير لاني خلاص مااتحمل احني نفسي وقت اطول خصوصًا مع الم الطلق والله يابنات يديني ورجليني زرقو من كثر ماطولت منحينه 💔 بعد محاولات كثيييييييييييير قدرو يلقون لها مدخل دكتور التخدير عيا يستسلم وطول مره يحاول معي بعد مابدا مفعولها كنت دايخه من جلستي المنحينه الطويله + اوجاع الطلق ف احس حيلي خلاص انهد مااقدر على شي اكثر شالوني وودوني للكشك 💔💔💔💔 مربع الرعب 🤢 اول ماوصلت شبكو علي اجهزة التخطيط والمتابعه وكشفت علي وكان فاتح ٥ سانتي بس ! الكلام هذا الساعه ١٠ بالليل تقريبًا خلتني وطلبت من النيرسات يراقبوني منسدحة ودكتور التخدير بين كل ساعتين تقريبًا يجي يزود الجرعه لاني اصير ابدا احس بألام الطلق على الساعة ١٢ صارت اصعب لحظة مرت علي 💔 نبض بنتي بدا ينزل هبووووط سقوط من ١٧٠ تقريبًا لل٥٠ < هذا اخر شي شفته لاني بعد كذا صديت ماابي اشوف لحظة وصول الصفر💔 والنيرس جت تركض وتصارخ وتنادي وكلًا يجي يركض دكتورتين توليد ودكتور التخدير ودكتوره ثالثه مدري حقت ايش ويصارخون يبغون يستدعون استشارية العمليات بحجة اني احتاج عمليه الانالاننننن ! والدكتوره دست يدها وصارت تحاول كنها توسع وتراقب النبضات ! مدري ليه تسوي كذا ودكتورة تشبك فيني ماسك الاكسجين وتصارخ علي خخخخوذي نفسسسسس والدكتوره الثالثه تصارخ تقول انقذو الام ركزو ع الام خلكم من البيبي الام اهم 💔 طلع ضغطي انخفض فججججججأه ومع نزوله نزل اكسجيني ومع اكسجيني نزل نبضها 💔 أنا باللحظة هذي جاني هدوء وسكينه عجييييييييبه يابنات أتوقع من دعوات احبابي لي ♥️😢 تخيلو ولا كأني بوضع حرج قمت اطالع فوق واردد بهدوء " لاحول ولا قوة الا بالله " بكككككككل يقين فجأه ويرتفع الضغط ، ويرتفع معه الاكسجين وترتفع النبضات ويستقر الوضع الحمدلله 😢♥️♥️♥️♥️ واسمع دكتورة تقول للثانيه مدة هبوط نبض الجنين ٣ دقايق 💔 كنت اعيشها ٣ ساعات والله الكلام هذا الساعة ١ ومن ١ ل٤ الفجر وعيني على نبضها انسكرت رقبتي لانه وراي عجزت ارتاح مع ان فيه نيرسين يتابعون لمن صارت ٤ خلاص جدًا تعبت واستفرغت وارتفعت حرارتي وكنت اصيح وانادي الدكتوره تجي تولدني باللي فيه جت وقاست قالت مفتوح رحمك ٩سانتي ونص بس راس الجنين بعييييد !! لدرجة كل شوي تسأل عن وزنها وهل هم متأكدين او لا على الساعه ٤ جت وحطت فيني شي جوا " لونه بني " اتوقع طلق صناعي بعدها بنص ساعه رجعت الدكتوره لي وطلبت حضور استشارية العمليات لاني للان ممكن احتاج عملية وقامت تقولي ادفعي وتحاول تولدني طبعًا دفعت كثير بس مافيه فايده اخر شي قالت للنيرسات وحده ترقى معي بالسرير تدف بطني والثانيه تجيب جهاز الشفط وشفطوها مع دفع طلع روحي 💔 لمن طلعت ماصاحت وكانت زرقااااا 💔 رمتها الدكتوره وراها على طاوله ورجعت لي وقالت استدعو دكتورة الاطفال حححالاً < انا هينا خلاص انهرت اخذو بنتي ورا الستاره دقيقه كذا واسمع صياحها😭😭😭😭😭😭😭 مع ان صوتها رايح صياحها ياالله ينسمع بس احياني والله😭 والحمدلله جت دكتورة الاطفال وطمنتني عليها وانها كويسه ♥️ لكن من الشفط راسها تشوه مره 💔 والحين اذا لمسته ماتت من الصياح شكله يوجعها او مدري بس ماتبي شي يلمسه 💔 نظفتني الدكتوره وخيطتني بدون مااحس بأي شي " ممكن هذي حسنة الابره الوحيده " بعد ماولدتها رقوني ملاحظه ساعه كامله عشان يراقبون الضغط لانه فجأه ارتفع 💔 وطول ماكنت بالملاحظه كان مرتفعععععع مع الام فضيعه بالبطن اون ون منها نجي للزبده : ١/ هل اللي صار لي قضاء وقدر او من تأثير الابره ؟؟ ماأدري لان دكتورة الولاده تقول من اثارها الجانبيه هبوط الضغط وخلاص بطلو تعطونها جرعات زياده ! لكن دكتور التخدير مُصريعطيني وملزم ان الابره مالها دخل ... ٢/ هل ارجع اخذها لو حملت على خير مره ثانيه ؟ برضو ماأدري لاني شفت الام تروع وانا مخدره كيف بدونها وش بيصير علي ! بنفس الوقت حاسه بتأنيب ضمير واني انا الليتسببت على بنتي بالتعسر اللي جاها💔" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ " الحمدلله دائمًا...
اخخ بس و الله بكيت و انا أقرأ معاناتك يارب يكتب لك الاجر اضعاف مضاعفة و الحمد لله على سلامتكم انت و بنوتك ربي يبلغك فيها و يحفظلك اياها
mlk91 :
اسألتي لكم يابنات ، هل الشفط يأثر على الجنين صحيًا غير تغير الراس ؟ وهل عشان يستخدمونه يقصون مني زياده توسيع ؟! لاني حاسه اني حفله من تحت وان الدكتوره خذت راحتها بالقصقصه عشاني مخدره ومااعرف وش قاعد يصير تحت ! بنتي شربها للحليب بالملي الاثنين ، طبيعي ؟ او تحتاج تشرب اكثر ! فيه طرق اسويها لراسها عشان يتعدل ؟ والسؤال الاخير انا بعد مارقوني للترقيد نمت وصحيت ولمن نزلت من سريري انكب دم كثيييير ملى ملابسي والارض كشفت علي الدكتوره وقالت ماعندي نزيف وان هذا دم الولاده توه يطلع من وقتها وانا ماينزل مني الا دم خفيف وبدون قطع هل هذا طبيعي ؟ بطني احسها كبيره كني لسى حامل بالخامس برضو هل هذا شي طبيعي ؟ ومتى ابدا البس المشد اعذروني طولت عليكم وكثرت اسأله بس مالي غيركم ♥️اسألتي لكم يابنات ، هل الشفط يأثر على الجنين صحيًا غير تغير الراس ؟ وهل عشان يستخدمونه يقصون...
اول سؤالين ماعندي علم والله
اما بالنسبة للدم اي عادي لانك كنتي مستلقية و اول ما قمتي انكب اما النزيف و انت مستلقية يكب الحمد لله اللي عافاك منه
و كبر البطن بعد عادي شوية شوية يصير الرحم يرجع لحجمه الطبيعي و البطن تصغر
اما بالنسبة للدم اي عادي لانك كنتي مستلقية و اول ما قمتي انكب اما النزيف و انت مستلقية يكب الحمد لله اللي عافاك منه
و كبر البطن بعد عادي شوية شوية يصير الرحم يرجع لحجمه الطبيعي و البطن تصغر
الصفحة الأخيرة