گل الغلا لگ :

صباح الخير كيفكم مع رمضان ♥️ مبروك للي ولد واللي يسهل على الباقي ابي استفسر وش أفضل مستشفى ولاده بالرياض ولادتي باقي لها عشر ايّام باْذن الله وللحين ماادري وين أولد ابي مستشفى خاص حلووو وابي اسأل عن الخياطه التجميليه من جربتها وعند من وبعد الطفل كم مفروض تتسوى؟! والله يجزاكم خير ويسعدكم ويتمم علي وعليكم يااارب

صباح الخير كيفكم مع رمضان ♥️ مبروك للي ولد واللي يسهل على الباقي ابي استفسر وش أفضل مستشفى...

ام تروكي وخواته :

السلام عليكم كيفكم كروشات الله يجزاكم جميعاً خير عني وعن سؤالكم علي حبيباتي ابشركم ولدت من فضل ربي الطفله سليمه رغم كل اللي صار بالحمل من ضغط وتخبط سكر وتخثر دم حددولي الولاده اخر التاسع قيصري عشان الضغط وبنفس الوقت لانهم تاكدوا من الملف ان كل ولاداتي لازم يعطوني تحاميل تلين عنق الرحم وطلق فقرر الدكتور انه يدخلني قيصري عشان ماادخل بطلق طبيعي ثم قيصريه المهم دخلت التنويم قبل العمليه بيوم كان يصادف٢٩ مايو وعمليتي يوم ٣٠ مايو حضروني للعمليه وحددوا لي التخدير كامل لان النصفي مايناسب اللي عندها تخثر وكانت من الله خيره لاني خوافه🙈 والحمدلله سويت العمليه وطلعت للافاقه طولت شوي بالافاقه عشان الضغط ولانه جاني زي الرجفه يقول من الضغط اضطروا يغطوني ببطانيه حراريه عشان ترجع حرارتي طبيعيه وبعدها شفت بنتي الحمدلله سليمه معافاه من كل زياده ونقصان ووزنها طبيعي مو مثل ماقالواوزنها كبير بس الصدق فيها خدود كنها حبتين مارشيملو😂😂😂اللي بالواتس شافوها 😝 بالنسبه للمستشفى العسكري بتبوك من اروع الخدمات الحمدلله قياساً بالمستشفيات الحكوميه ربي سخر لي الطاقم فلبينيات بالولاده من تحضير وتحاليل وتخدير وافاقه احمدالله عليهم ..طبعاً اكثر شي تعبني الكتمه واختفى صوتي ثاني يوم بسبب البنج الكامل جلست ساعه اكلم امي على بالي سامعتني بالاخير قفلت بوجهي الخط وارسلت لي وين صوتك😅 بالنسبه لمابعد الولاده اللي لاحظته الالم ازود من ولادتي بتركي رغم كانت قيصريه كمان والمسكنات هالمره خففوها لي والمسيلات للدم زودوها لدرجة كاني والده طبيعي اقصد الدم اللي ينزل معي زايد .. ونجي للرضاعه 😫😫😫الوجع اللي حلو ومؤلم بنتي للاسف طلعت من نوعية الاطفال اللي تعض وتقرص بلثتها على حلمة الصدر ارضعها واصرخ وارضعها واقرص اذنها او خدها الله يصلحها متعبه جدا جدا جدا بالرضاعه اعطيها رضعه وحده مشبعه بالليل والباقي على صدري اكلت حلاوه طحينيه وجبت مغلفات زيادة الادرار لكن الصراحه ماشفت للان نتيجه بستمر عليها كمان يومين الان لي من يوم الثلاثاء التنويم وعمليتي كانت الاربعاء وخروجي باذن الله بيكون الاحد لانهم مشتبهين عندي خثره (تجلط بسيط) بساقي اللي تخبرون اشتكي منها ايام الحمل ... وسلامتكم جميعا الله يبشرني فيكم بمايسرني ويسركم .... الحمدلله من قبل ومن بعد انتهت شهور حملها ويوم ولادتها ورزقني الرحمن من فضله بسلامة جسدها اميرتي الثالثه ((( وتين ))) اسال الله ان يجعلها من الصالحات البارات وكل بنات المسلمين❤️🌹

السلام عليكم كيفكم كروشات الله يجزاكم جميعاً خير عني وعن سؤالكم علي حبيباتي ابشركم ولدت من فضل...

- حبيبة الجمـاهير :

الله يبارك فيكم حبيباتي وعقبالكم ❤ الحمدالله كنت انتظر هاللحظه منذ زمن 😊💙 الحمدالله الي بلغني إياها اكشن ولادتي بكتبه قبل يكتبون لي خروج وانشغل 😁 دخلت التنويم لاني طوفت شهري بأسيوع ف البداية كشفت علي الدكتورة وشكله سوت تحريض و قالت مفتوح ١ سم و رفعوني لتنويم بعدها بساعه ونص جاء دكتور و فحصني وقال ٤ سم ولادة انا انصدمت و خفت مره ما كان معي الم مجرد الم خفيف محتمل ولا يطول ودوني لكشك الولادة وجلست فيها ٢٩ ساعه ونص والرحم واقف ع ٤ سم ولا معي طلق والجنين مرتفع ونفسيتي تعبت من صياح الي يولدوني وكان نفسي اطلع و جات الدكتورة و قالت لازم نفك المويه وقالت ننتظر لك ساعتين اذا ما جاك طلق نعطيك طلق صناعي انا وقتها كنت ابي اولد و اطلع لو بطلق صناعي.. فكت موية الجنين الساعه ١:١٤ الظهر و بدا الطلق من الساعه ٢ ونص و كنت احسب بين كل طلقه كانت تقريبا ١٠ دقايق كان الطلق يذبح قسم بالله جاتني حاله بس اصييييح اذا حسيت المغص جاء اصيح واضرب الي قدامي لدرجة جرحت يديني بدون احس والله فرق بين طلق بنتي وولدي سبحان الله طلق بنتي يألم مره بس مقارنه بطلق الولد فرق 😣 عالساعه ٣ بدأت استفرغ و صار الطلق بينه ٥ دقايق و فحصتني عالساعه ٣ ونص وقالت ٤ سم لسه بغيت اموت هنا قلت شكلهم بيعطوني صناعي خلاص هونت هذا طلق طبيعي ولا قادره اتحمله وابكي واصيح من قوة الالم 😭 والله في بنتي كنت اون و صوتي خفيف هذا صياحي يسمعونه الي عند مدخل المستشفى 🤦🏻‍♀ وبعدها صار الطلق بينه ٣ دقايق و احس بدف و قاست قالت ٧ سم والله فرحت يوم عرفت انه فتح 😭 و قاموا يجهزون المكان و جاتني طلقتين احسه يدف خلاص و الم فظييييييييييييييييع قاست قالت ٩ ونص و جات الدكتورة والممرضات وقالت اذا جاك الطلق دفي ياللله تعبت وقت الدفع دفعت اول مره و ثاني مره وكنت احس بالالم براسه والالم فظيع 😢😥 في بنتي خدرت المنطقه لدرجة ما احس بخروج البيبي ولا حتى الخياطه و جلست احاول ادف مافي فايدة طولت وقت الدف والله اني اتشهد ونقص الاكسجين عندي و جات الدكتورة ووسعت و قالت يلا وادف وادفع ٤ مرات و طلع راسه و ع طول جسمي كله طاح معد اقدر اشيل نفسي و طلعت جسمه و المشيمه والله من التعب انهم يجيبونه لي وتقول الممرضه عطيه بوسه و اعطيته بدون نفس ابي اتنفس وارتاح 💔 طلعوه لونه موف ولا له صوت و راسه طوييل لانه طول ما طلع الراس هههه ما قصوا المنطقه بس الجنين شق خفيف وحسيت فيها 😖 خياطتي كانت غرزتين الحمدالله يالله شعور يهبل جاني بعد ما ارتحت ١٠ دقايق واسمع صوت ولدي يصييح احس اني توني صحيت من كابوس واقعد اصيح واحمدالله الحمدالله الحمدالله ❤😭 الحمدالله من فكت المويه جلست ٣ ساعات ونص وولدت تتريخ ولادته مميز 😊💙 ١٤٣٩/٩/١٥ - ٢٠١٨/٥/٣١ بس فرق الولادة في بنتي كانت سهله ما شاءالله طلقها والمها ووقت الدفع والخياطة الحمدالله الذي بنعمته تتم الصالحات والله يكتب لنا الاجر يارب 👐❤

الله يبارك فيكم حبيباتي وعقبالكم ❤ الحمدالله كنت انتظر هاللحظه منذ زمن 😊💙 الحمدالله الي بلغني...