فطفط٩٤ :

السلام عليكم ورحمه الله وبركاته كيفك بنات انا كتبو لي الحرس بالمدينه تنويم يوم الاثنين رحت لهم الساعه سبعه المغرب ونمت ولمن جت ٧الصبح جت الدكتوره قالت ماعندنا تحاميل بسوي لك تحريض قلت طيب قالت ٢سم، بنزلك تحت ونفك المويا 😳 مدري حسيت انه بدري وانا ماعي طلق ولا الم ولاشيء خقت صراحه نزلنا تحت قلت يدكتوره كيف كذا اصبرو علي لاني قد قريت ان فك المويا الجنين بدري موزين ،قالت احسلك تولدي بسرعه وبنحط طلق بالوريد المهم فكت المويا بعود وبعدها بساعه حطو الطلق الصناعي ٩الصباح وماحس بشي ابدا لين١٢ ونص نعست ونمت وصحيت فجاه على النيرس تحرك بطني خوفتني وتضغط حق الانذار ورا السرير بيبي مافيه نبض بيبي مافيه نبض خرشتني مرا نبضه بالجهاز كان١٥٠-١٧٠صار ٥٠ يمه خفت مرا وجلسو يحيسون فيني. بعدين رجع النبض ١٥٠ قالو شيلو الطلق وشالوه وفكت بعد جزء من المويا وبدا الطلق يحمى قلت ابي ابره ظهر قالت لا مانقدر تنزل النبض بزياده قلت مورفين قالت لاهذي ولاهذي المهم بدا الطلق لين٦المغرب حسيت بالدفع وجات النيرس الي عندي وولدتني وقصت العجان وخيطتني عاد مادري ي بنات هل من مسوليتها تولدني مو مفروض دكتوره🤷🏻‍♀️ انا تاركه بيتي بالقصيم كله عشان الحرس انصدمت شوي صراحه وبعدها جاني نزيف خفيف وقعدت تحوس وتمسح وتدلك بطني الدكتوره بعد مادقو عليها صراحه كنت ابي ابره ظهر وابي بدون قص بس مالله كتب وخيره ان شالله وسلامتكم

السلام عليكم ورحمه الله وبركاته كيفك بنات انا كتبو لي الحرس بالمدينه تنويم يوم الاثنين رحت لهم...