tena2020 :

صباح / مساء الخير،،، بكتب لكم الاكشن اللي صار معي مخلصة شهري ودخلت الاسبوع 41 كان عندي موعد يوم السبت العصر تقرر الدكتورة وضعي اللي صار معي … يوم الخميس نفست من حالي بس ابكي خلاص معاد في امشي خطوتين قدام انتظار الولاده لحالة قلق الله يعظم اجرنا جاء الليل يوم الخميس قلت خليني اسوي عشاء وبعدها بطلع امشي اشم هواء نظيف كود النفسية تضبط ،،،، وفعلاً تعشينا سريع سريع وخرجنا نمشي بس مشيت ١٠ دقايق وعقلي شغال متى يجيني الفرج وابو الشباب معي موترني هذا مو مشي امشي مشيه عسكرية زيدي السرعة شوي وانا قافلة معي ويطالع بالساعة الحين بحسب لك شوي يقول تمشين والا ماتمشين مافيه ولاده قلت ومن قالك طالعه امشي عشان اولد ابي اشم هواء وخلني لحالي امشي مابي اتوتر صار قال هذا مزح اللي تسويه مو مشي قلت تعال احط البيبي ببطنك وجرب الثقل وبقولك امشي بشوف وقتها ايش تسوي لقيت رمل ومشيت عليه حافية القدمين 🙈 ابو دقيقة الا درعمت للسيارة وديني البيت طالع مالك الا ١٠ دقايق قلت كيفه هونت مابي اولد ولا ابي امشي واجي البيت واخذ شور دافي ابي اهدا الا شوي جاني حرقان قلت يالله بروح اشرب حليب بارد وجلست شوي احس بثقل قلت مو غريب كالعاده الم يجي ويروح ماعطيته اهتمام واذن الفجر صليت وقريت الاذكار ودهنت زيت زيتون اسفل بطني وظهري وسويت لي يانسون وحبه سوداء ابي الالم يهدا بنام جيت انسدح فيه شي غريب احس ثقل رجولي ماقدر اقفلها وانا رايحة جايه للحمام زوجي بالغرفه الثانية يطالع في يقول خير فيك شي قلت لا بروح انام وفعلا جبت منشفه مدري وين مخي يوم سويت الحركة هذي وحطيتها بين رجولي ابي الثقل يخف وخفت ينزل مويه او دم وقت النوم ماينفع فوط قلت منشفة احسن واحضن ولدي وانام جاني الم لاشعوريا تذكرت الطلق يمسك بنفس الوقت في الفرج والشرج طارت عيني قلت طلق لا مستحيل مو وقته بنام طبعا اصبحنا الجمعة قلت برجع انام وزوجي شهران ويراقب الوضع من بعيد رجع الالم بعد ساعتين وكان الوقت تقريبا ١١ ونص رحت الحمام وعجزت انام وجاء وقت صلاة الجمعه وقتها جاني النوم قلت اعوذبالله من الشيطان بقوم اصلي ومسكت جوالي اشوف الساعة الا اختي تراسلني واحكيها اني تعبانه وكذا قالت الله كريم خلاص اولدي مو قادرة اشوفك حالك ضيم قفلتها معي وقمت قلت لو تجيني ولاده واليوم جمعة 🤦‍♀️ ورطة الموجودين اي كلام ودخلت الحملم بتوضى الا اشوف دم واطلع من الحمام وامسك جوالي ارسل لاختي وزوجي صلى الجمعه وجاء بينام سهران قلت له قوم معي ولادة قال اقولك ارجعي نامي ماعندك ولاده متعشمه انتي وانا اقوله قوم بسرعة نزل دم عيونه طارت من جدك تعقد من كثر مانروح ونرجع ونركب السيارة بالقايلة 🥺 المسلمين طالع من المسجد وانا عيوني فيهم وكلها دموع نظره مودع واتصل ع اختي تجيني بالمستشفى وندخل ع الدكتورة وتسال قالت يالله نكشف قالت واحد سانتي يدها كلها دم بعد الكشف بس الرحم قاسي قلت 😭 يعني وش طلق صناعي قالت تفائلي خير سويت تخطيط مافيه طلق قلت دكتورة اعرفه الالم هذا طلق اللي احسه مستحيل قالت بس تخلصي تخطيط برجع اكشف كل ماجاتني الطلقة جلست ادعي المهم خلصنا وجات قالت مفتوح ٣ سانتي خلاص اليوم ولادة قالت ابن القزمة القهاز دا مش مطلع الطلق ليه قلت ابي ابرة ظهر قالت انتظري نجهزك وتحاليل قالت ارجعي للتخطيط قلت لا بمشي واذا جاتني الطلقه ناديت اختي تسوي مساج لظهري وتقرا علي قالت بنتاكد ضروري نسوي سونار وننزل بالكرسي قسم الاشعة الممرضه داعسه في ووقتها جاتني الطلقه اقولها وقفي خليها تروح 🤦‍♀️🥺 ماوقفت فكرت انزل بس عرفت اني بطيح 😂 هونت سوينا الاشعه وخلصنا ورجعنا دربنا ربطوني في التخطيط وانا كل شوي انادي دكتورة مابي المويه تنزل وانا ماحذت ابره الظهر قالت انتظري بشوف السونار واجيك قلت للممرضه ابي حمام المقصد بنحاش من التخطيط واطالع من طرف باب الحمام شفت الممرضه راحت وانا اطلع😂 قلت بمشي بغرفتي ووقفت على اطالع الشباك اشوف السيارات تمشي ودموعي تهلي 😂 انهم متونسين وانا وراي ولادة الا شوي الدكتورة وراي بتفكري في ايه قلت امور الدنيا قالت وهي الدنيا لها حل ! قلت شكرا ههههه زادت طاقتي السلبية قلت ابي الابره قالت الان بس بكشف وكشفت ٤ سانتي الطلق مايفتح الرحم عندي بسرعه السانتي اقعد فيه كم ساعة😔 المهم ودخلوني خرفة التخدبر واخذت ابره الظهر قلت دكتور بدوخ مافيه تركيز 😂 قال من الخوف انا يهمني التنميل حسيتيه قلت اي بعدين قلت لا الخرشه الف المهم جاني التنميل ورجعوني غرفتي كان الساعة ٦ العصر قالت الدكتورة بكشف لقته ٥ سانتي فرحت قلت ساعه استجابة بدعي الا جات الممرضه وركبت القسطرة والتخطيط وعيني على الساعه من ٦ العصر الى ١٠ بالليل وهو مازال ٥ سانتي 😭 قالت الدكتورة ايه في ايه الدنيا هديت الطلق راح بالتخطيط بفتح لك المويه قلت انتظري علي شوي تركتني ورجعت بعد ساعة وشوي وجهزوني بيفتحون المويه قلت من اول احس بثقل وشعور بدف 😭 مو قادرة اوقف كشفت قالت يامسهل ولادة ٩ سانتي دخلوني الكشك وجهزو رجولي شفت عربية المقصات والعفش حقهم خفت قالت بتخافي من دي 😂 وانتي في ولادة يامسهل ادعي طووولت وانا ادف ٦ دفات وطلعت بنتي 🥺 بس مابكيت قمت جلست اتفرج فيهم بنتي ليه مابكيت دكتورة فيها شي قالت انتظري وهي تخبط عليها قالت مدام انتي بتعملي ايه ارجعي نامي قلت بنتي مابكيت بشوفها الحبل السري ماقصته لسى تخبط فيها وبعدين بكيت 😞 وارتحت كملت تنظيف وخياطة وانفجرت بكى 😭😭 شعور غريب بكى حق ٩ شهور فيه ايه ليه بس كدا الحمدلله على السلامة بتعيطي ليه الغريب اني ابكي بصوت 😂 عالي ودموعي حاره دي يامدام الحمدلله على السلامع تحسب اني انجنيت😂 مافيش حاقة والله احنا خلصنا وانتي ولدتي😂

صباح / مساء الخير،،، بكتب لكم الاكشن اللي صار معي مخلصة شهري ودخلت الاسبوع 41 كان عندي موعد يوم...

^Ro0oZ^ :

أمس الطلوق الكاذبه طفشتني بس أقوم أتحرك يجيني الوجع وبصراحه مررره ما أتمنى أولد هذي الأسبوعين.. عندي شغلات ما خلصتها وكمان غالباً حيحتاج حضانه لو ولدت في الأسبوعين هذي فعشان كدا أتمنى بعد ٣٧ أسبوع على خير إن شاء الله..

أمس الطلوق الكاذبه طفشتني بس أقوم أتحرك يجيني الوجع وبصراحه مررره ما أتمنى أولد هذي الأسبوعين.....

JustJan :

بنات السكر واللي عندهم خبرة قست قبل الاكل ٧٣ و بعد الاكل ٧٢ ، ليش ابغى افهم 😓 وانا ما اخذ لا انسولين ولا ادوية ولا منظم وبعد حاطة ملعقة سكر ومستخدمة حليب عادي مع كاسة القهوة اخاف اكتب لهم ذي القياسات ويحسبوني اكتب من راسي بالموعد الجاي 😹

بنات السكر واللي عندهم خبرة قست قبل الاكل ٧٣ و بعد الاكل ٧٢ ، ليش ابغى افهم 😓 وانا ما اخذ لا...

ام عبد اللطيف1 :

ماشاء الله تحللين بعدساعتين؟؟ عاد تبغين الصدق اواخر التاسع😆 طفشت من الكتابه وصرت اضرب انسولين واكل والتحليل اكتب لهم اي شي بالدفتر مرات صح احلل ومرات لا اخبر وحده نفخت علي من المثقفات كان سكري شوي عالي ومرمططتني خلتني انتظر ويجي استشاري وخرابيط في الاخير قال سكرها كويس مايعتبر عالي مره🙃 قلت اوريك بيني وبين خاطري عرفت ازود وانظم الجرعات ماعليه فيهم بكتب بالدفتر من راسي عشان اذا جت تشوف تقول كويس ولااطول بس تصرف لي انسولين واروح😂 بس الصراحه فعلا كان كل ماحللت سكري مره تمام مايطلع ابد عن٢٠٠ دايم بحدود ال١٢٠ وتحت اذا طلع يكون ١٣٥ ١٤٥

ماشاء الله تحللين بعدساعتين؟؟ عاد تبغين الصدق اواخر التاسع😆 طفشت من الكتابه وصرت اضرب...

راايمه :

بكرا باذن الله ادخل الاسبوع ال٤٠ موعد ولادتي الاحد الجاي ان شاءالله عاد مدري اولد ع الموعد ولا قبل ولا بعد الله اعلم 😩😂 اليومين هذه تعب تعب الله يكتب اجرنا واحس بدفع تحت !! طبيعي الشي هذا ولا لا ؟ لدرجه يصحيني من النوم وضغط وثقل تحت بزياده اليومين هذه 🥺🤍يارب يارب ولاده قريبه ميسره وسهله يارب

بكرا باذن الله ادخل الاسبوع ال٤٠ موعد ولادتي الاحد الجاي ان شاءالله عاد مدري اولد ع الموعد ولا...