😄😄😄😄 خلاص أوعدك ماعاد احطه هههههه الله يسعد قلبك الحمدلله انا طيبه بس تعب الولاده ظهري واسفل بطني شويه بس الحمدلله راح الكثير
بكتب لكم اكشن ولادتي بما اني فاضيه الحمدلله على كل حال صحيت صباح الجمعه على الم اسفل بطني يروح ويجي كل ربع ساعه او ٢٠ دقيقه بس لاحظته يروح ويجي مافصل اخذت مسكن ماتوقعت ولاده لاني توي ومافاد المسكن بالعكس الساعه ثلاث العصر اتصلت على زوجي بالعمل قلت ابغى المستشفى بسرعه ورحت فحصتني قالت ٢ بس انتي قريب ينزل معايا دم وانتو بكرامه وسبب الربط عندي ضعف بعضلات عنق الرحم وانا مو بكريه كلها اسباب تدل اني مو بعيده ولادتي ممكن بنفس اليوم المهم قالت الدكتوره اطلعي للممشى امشي بالهواء شيلي النقاب سيبي الطرحه على وجههك واستنشقي الهواء وامشي مشي سريع اذا حسيتي انك وصلتي تعالي ،، انا انهبلت انا تعبانه تعبانه بنات اقسم بالله شوي واطيح قدامها قلت أنا مقدر لا ممشى وهم يحزنون وماراح اطلع من هنا جيتك ميته تعب راضيه يربطوني بالسرير بس استقبلوني دخليني مره تعبانه مهدود حيلي ومعايا دوخه وخايفه اولد بيتي لوحدي وضعي صعب قالت امشي بالاسياب وتعالي ثاني وامشي وادعي ودموعي تنزل احس بضعف شديد الحمدلله بس رجعت لها قالت القسم فوق قسم الولاده فل مليان خليك هنا امشي اذا جاتك ولاده اولدك بالطواريء والبيبي احتمال يحتاج حضانه اطلعه حضانه دموعي ماوقفت صدمني كلامها قلت لاااااا مستحيل اقبل اولد بالطواريء انا طالعه ادور لي مستشفى وافتح شنطتي بكلم زوجي قالت لا ياحبيبتي بدخلك خلاص انتي ممنوع تروحي لان البيبي صغير وعامله ربط وملفك عندنا مكانك هنا بس مابغى يعذبوكي فوق قلت انا تعبانه الان محتاجه اكون بملاحظه مشي ماراح امشي خلاص قالت طيب وتسوي الاوراق وادخل القسم الجميل 😁 قسم الولاده وتلبسني اللبس حقهم وتعطيني الحقنه الشرجيه 🙈 واروح واجي عالحمام في طلق بس اتحمل مو مره وتركب مغذي والغرفه مشتركه جنبي بكريه يالطيييف يالطيف صراخها وصياحها فوق الوصف الدكتور يحلف انو اعطاها كل المسكنات بس ماتسكت صراخ متواصل متواصل اتوقع هو سبب تأخر ولادتها الله يكتب الاجر لها بس تعبت نفسيًا انا من الصوت تعبت وربي الممرضه تسد اذانيها بيدها انا مدري وين اروح احس زاد الالم معايا بنات مو صراخ صوت فظيع الله يكون بعونها ولايبلانا زاد الطلق معايا جاني دكتور مافي دكتورات الاغلب رجال احراج احراج مو طبيعي قالي ابفحص لقى الرحم ٥ قالي لسى خذي الكمام واستنشقي بالانف لما تسمعي صوته استنشقي وراء بعض هذا بنج قلت خايفه يضر بنتي قال لا ،، حطيت الكمام زي ماقال دوخني احس رأسي يدور واحس بالالم ومقدر اتكلم احساس يخوف بنات ااشر بيدي لهم ومع هذا صراخ اللي جنبي احس كأنها تصرخ برأسي ودوخه دوخه ويجي الدكتور عالساعه اظن ١٢ او ١١ ناسيه قال بفتح المويا فتحها بيده 😭😭😭 اول مره تصير معايا دايم يفتحوها بالعود الخشبي هذاك فحصني وفتح المويا بنات الالم جننوني فوق الوصف قالي شويه وتولدي وراح صرت احس البيبي يدف ابولد خلاص ومقدر اتكلم الكمام دوخني واضغط على نفسي حسيت بالضعف يالله الانسان ضعيف وااشر بيدي للقابله الموجوده ياويلها من ربي وهما مشغولين بالبكريه اللي جنبي وجاتني بعد ايش جايبه عريبه اتخيلو تقولي قومي ابنقلك للكشك تولدي سبحان الله ربي نزل عليا قوه قلت ابغى سرير انقليني بسرير بنتي بتنزل خلاص احس بالدف خلاص حسبي الله عليها قالت مافي سسرير عربيه انا سبق ولدت عندهم وقابله فلبينيه شاطره جابت سرير ونقلتني للكشك بهدوء وبالكشك ولدت بنتي هذي لا ااا رافضه كيف اجلس بعربيه ووضعي كذا !!! رفضت وتنادي ممرضه ثانيه تقنعني والدكتور وراهم بس ماانتبه علباله انا لسى واناديه انا يادكتور بنتي لاتنكتم نزلت بنتي تحت اللحاف بنات موقف يحزن يحزن دموعي ماوقفت نسيت الالم خفت تنكتم اللحاف ثقيل والسرير وصخ مويا ودم والله اعلم ايش وهما يتفرجو قومي عالعربيه جاء الدكتور يجري ورمى اللحاف لقي البيبي نص طالع ونص لا وقفت دف انا مدري ضعفت قال دفي بسرعه اخاف اسحبها تتعور ونزلت بنتي وقص الحبل ولفوها واخذوها يجروا فيها جابو سرير ونقلوني للكشك ودموعي ماوقفت دموع بدون صراخ ولا صوت حسيت اني ضعيفه وحزنت على بنتي وجاء الدكتور قال ماصار شي يابنتي انتي ولدتي بالمستشفى ومافي شي والبيبي طيبه والان نطلع المشيمه ونخيط لان البيبي خرج بطريقه غلط يعمل جروح شديده وخلصو كل هذا وجاتني ممرضه ثانيه وتحاول تهديني وتدعي لي وتجيب مويا ومطهر وتنظف جسمي وتلبسني لبس نظيف الله يجزاها خير طيبه مره حنونه وبعدها طلعوني للتنويم ،،والحمدلله على كل حال جلست كم يوم مفجوعه عمري مامر عليا زي ولادتي هذي ولا الغرفه المشتركه هذي والعذاب الحمدلله سبحان الله تمنيت عندي عصفر اشرب منو وقت التنويم احساس خوف وروعه ماينوصف مدري كيف اوصفلكم الحمدلله على كل حال الممرضه لو اعرف اسمها اشتكيتها كيف اطلع عريبه والرحم مفتوح ١٠ مجنونه هيا ممكن تصير مضاعفات اصلًا الحمدلله ماسمعت كلامها ..
😄😄😄😄 خلاص أوعدك ماعاد احطه هههههه الله يسعد قلبك الحمدلله انا طيبه بس تعب الولاده ظهري واسفل بطني...
تو عرفت انه تطبيق
وضبط معاي
جزاكم الله خير