ارضعها بس للان مانزل شي
نزل اول يوم شوي ماي اصفر ووقف حتى مارضعت منه
اللهم امييين
ارضعها بس للان مانزل شي
نزل اول يوم شوي ماي اصفر ووقف حتى مارضعت منه
اللهم امييين
EMAN H H
•
غـيوم :
اسحبيه بالشفاطة وحطيه برضاعتها وخل ترضعه اول اسبوعين جدا جدا منهك الرضاعة الطبيعية الطفل مايعرف يمص الحلمة والله كتفي ما اقدر احركه من كثر ماعانيت من هالموضوع ، وصدري بعد ثلاث ايام او اربع ايام من الولادة بدا يتحجر من الحليب والطفل تعب من الصياح والجوع ومو عارف يرضع فاشتريت الشفاطة الكهربائية تبع ايفنت وريحتني صرت اسحب كل اللي بصدري واعبي برضاعته ويرضع ، بس حاليا ماعاد في صدري شي ما ادري ليه ماصار يطلع حليب ، يمكن لاني صرت اعطيه اغلب الوقت صناعي ف بدا يقل صدري
نودي7
•
نودي عورتي قلبي الله حسيب كل ممرضة ودكتورة في الولادة ماتخاف الله الله ينتقم منهم بس دايم اسمع نفس الوصف عن الكمام خلاص لاتاخذونه وش تبون فيه دام ماله فايدةنودي عورتي قلبي الله حسيب كل ممرضة ودكتورة في الولادة ماتخاف الله الله ينتقم منهم بس دايم اسمع...
ماأدري ولا عمري جربته وربي وهم اللي اعطوني وتعرفين وقتها تبغي اي شي يخفف عنك الطلق حار الحمدلله
EMAN H H
•
نودي7 :
😄😄😄😄 خلاص أوعدك ماعاد احطه هههههه الله يسعد قلبك الحمدلله انا طيبه بس تعب الولاده ظهري واسفل بطني شويه بس الحمدلله راح الكثير بكتب لكم اكشن ولادتي بما اني فاضيه الحمدلله على كل حال صحيت صباح الجمعه على الم اسفل بطني يروح ويجي كل ربع ساعه او ٢٠ دقيقه بس لاحظته يروح ويجي مافصل اخذت مسكن ماتوقعت ولاده لاني توي ومافاد المسكن بالعكس الساعه ثلاث العصر اتصلت على زوجي بالعمل قلت ابغى المستشفى بسرعه ورحت فحصتني قالت ٢ بس انتي قريب ينزل معايا دم وانتو بكرامه وسبب الربط عندي ضعف بعضلات عنق الرحم وانا مو بكريه كلها اسباب تدل اني مو بعيده ولادتي ممكن بنفس اليوم المهم قالت الدكتوره اطلعي للممشى امشي بالهواء شيلي النقاب سيبي الطرحه على وجههك واستنشقي الهواء وامشي مشي سريع اذا حسيتي انك وصلتي تعالي ،، انا انهبلت انا تعبانه تعبانه بنات اقسم بالله شوي واطيح قدامها قلت أنا مقدر لا ممشى وهم يحزنون وماراح اطلع من هنا جيتك ميته تعب راضيه يربطوني بالسرير بس استقبلوني دخليني مره تعبانه مهدود حيلي ومعايا دوخه وخايفه اولد بيتي لوحدي وضعي صعب قالت امشي بالاسياب وتعالي ثاني وامشي وادعي ودموعي تنزل احس بضعف شديد الحمدلله بس رجعت لها قالت القسم فوق قسم الولاده فل مليان خليك هنا امشي اذا جاتك ولاده اولدك بالطواريء والبيبي احتمال يحتاج حضانه اطلعه حضانه دموعي ماوقفت صدمني كلامها قلت لاااااا مستحيل اقبل اولد بالطواريء انا طالعه ادور لي مستشفى وافتح شنطتي بكلم زوجي قالت لا ياحبيبتي بدخلك خلاص انتي ممنوع تروحي لان البيبي صغير وعامله ربط وملفك عندنا مكانك هنا بس مابغى يعذبوكي فوق قلت انا تعبانه الان محتاجه اكون بملاحظه مشي ماراح امشي خلاص قالت طيب وتسوي الاوراق وادخل القسم الجميل 😁 قسم الولاده وتلبسني اللبس حقهم وتعطيني الحقنه الشرجيه 🙈 واروح واجي عالحمام في طلق بس اتحمل مو مره وتركب مغذي والغرفه مشتركه جنبي بكريه يالطيييف يالطيف صراخها وصياحها فوق الوصف الدكتور يحلف انو اعطاها كل المسكنات بس ماتسكت صراخ متواصل متواصل اتوقع هو سبب تأخر ولادتها الله يكتب الاجر لها بس تعبت نفسيًا انا من الصوت تعبت وربي الممرضه تسد اذانيها بيدها انا مدري وين اروح احس زاد الالم معايا بنات مو صراخ صوت فظيع الله يكون بعونها ولايبلانا زاد الطلق معايا جاني دكتور مافي دكتورات الاغلب رجال احراج احراج مو طبيعي قالي ابفحص لقى الرحم ٥ قالي لسى خذي الكمام واستنشقي بالانف لما تسمعي صوته استنشقي وراء بعض هذا بنج قلت خايفه يضر بنتي قال لا ،، حطيت الكمام زي ماقال دوخني احس رأسي يدور واحس بالالم ومقدر اتكلم احساس يخوف بنات ااشر بيدي لهم ومع هذا صراخ اللي جنبي احس كأنها تصرخ برأسي ودوخه دوخه ويجي الدكتور عالساعه اظن ١٢ او ١١ ناسيه قال بفتح المويا فتحها بيده 😭😭😭 اول مره تصير معايا دايم يفتحوها بالعود الخشبي هذاك فحصني وفتح المويا بنات الالم جننوني فوق الوصف قالي شويه وتولدي وراح صرت احس البيبي يدف ابولد خلاص ومقدر اتكلم الكمام دوخني واضغط على نفسي حسيت بالضعف يالله الانسان ضعيف وااشر بيدي للقابله الموجوده ياويلها من ربي وهما مشغولين بالبكريه اللي جنبي وجاتني بعد ايش جايبه عريبه اتخيلو تقولي قومي ابنقلك للكشك تولدي سبحان الله ربي نزل عليا قوه قلت ابغى سرير انقليني بسرير بنتي بتنزل خلاص احس بالدف خلاص حسبي الله عليها قالت مافي سسرير عربيه انا سبق ولدت عندهم وقابله فلبينيه شاطره جابت سرير ونقلتني للكشك بهدوء وبالكشك ولدت بنتي هذي لا ااا رافضه كيف اجلس بعربيه ووضعي كذا !!! رفضت وتنادي ممرضه ثانيه تقنعني والدكتور وراهم بس ماانتبه علباله انا لسى واناديه انا يادكتور بنتي لاتنكتم نزلت بنتي تحت اللحاف بنات موقف يحزن يحزن دموعي ماوقفت نسيت الالم خفت تنكتم اللحاف ثقيل والسرير وصخ مويا ودم والله اعلم ايش وهما يتفرجو قومي عالعربيه جاء الدكتور يجري ورمى اللحاف لقي البيبي نص طالع ونص لا وقفت دف انا مدري ضعفت قال دفي بسرعه اخاف اسحبها تتعور ونزلت بنتي وقص الحبل ولفوها واخذوها يجروا فيها جابو سرير ونقلوني للكشك ودموعي ماوقفت دموع بدون صراخ ولا صوت حسيت اني ضعيفه وحزنت على بنتي وجاء الدكتور قال ماصار شي يابنتي انتي ولدتي بالمستشفى ومافي شي والبيبي طيبه والان نطلع المشيمه ونخيط لان البيبي خرج بطريقه غلط يعمل جروح شديده وخلصو كل هذا وجاتني ممرضه ثانيه وتحاول تهديني وتدعي لي وتجيب مويا ومطهر وتنظف جسمي وتلبسني لبس نظيف الله يجزاها خير طيبه مره حنونه وبعدها طلعوني للتنويم ،،والحمدلله على كل حال جلست كم يوم مفجوعه عمري مامر عليا زي ولادتي هذي ولا الغرفه المشتركه هذي والعذاب الحمدلله سبحان الله تمنيت عندي عصفر اشرب منو وقت التنويم احساس خوف وروعه ماينوصف مدري كيف اوصفلكم الحمدلله على كل حال الممرضه لو اعرف اسمها اشتكيتها كيف اطلع عريبه والرحم مفتوح ١٠ مجنونه هيا ممكن تصير مضاعفات اصلًا الحمدلله ماسمعت كلامها ..😄😄😄😄 خلاص أوعدك ماعاد احطه هههههه الله يسعد قلبك الحمدلله انا طيبه بس تعب الولاده ظهري واسفل بطني...
يااااعمري عليك ربي يعظم أجرك ويعوضك خير ويرزقك بر بنوتتك يارب ، الحمدلله اللي ربي يسر لك وقمتي بالسلامة ، شكلك فترة الحمل ماتتغدي كويس ، نصيحة لك ولكل وحدة اهم شي فترة الحمل تحافظوا ع الفيتامينات وتتغذوا كويس ، ولما تحسي بالطلق ضروري تاكلي لاتروحي وبطنك فاضي عشان يكون عندك قدرة بعد الله ع الدفع ، شوفوا وضعنا برمضان لما نصوم كيف الجسم مرهق مانقدر نسوي ا ي شي بس نفطر ترد ارواحنا ، فعلا انا هربت من الحكومي للخاص عشان الصراخ رغم اني اصرخ بس صوتي الطبيعي اللي لما انادي احد بصوت عااالي 🤭😁
EMAN H H
•
ماشاءالله اكثر ولاده ب القائمه يوم الاثنين😍 والحمدلله كلنا بخير بس بنوتتي فيها صفار وبقولكم ي صبايا خذو احتياطكم حتى لو طبيعي يمكن تحتاجون تجلسون كم يوم بالمشفى طبعا اكشني بتحريض وطلق صناعي 💔💔💔🔥مراح أقوله الان مابي احطم باقي الحوامل بس ان شاءالله محد يذوق التعب اللي تعبته😭 والحمدلله على عطاياه ومانسيتكم من دعواتي 🌹ف البدايه اما بعد ما اشتد الطلق ادعي عليهم 🤦🏻♀️ مادعيت حتى لنفسي😂😭 وعقبال نفرح ب ام التجمع توتو والباقين ياربماشاءالله اكثر ولاده ب القائمه يوم الاثنين😍 والحمدلله كلنا بخير بس بنوتتي فيها صفار وبقولكم ي...
ياروحي الحمدلله ع سلامتك ومبارك البنوته تتربى بعزكم، وربي يعظم اجرك الحمدلله اللي قمتي وطفلتك بالسلامة
الصفحة الأخيرة
كذا كلام جداتنا مدري عاد ، اللي براسها هواء تحشي راس الخروف شوي رز مع بهارات مثل كمون وحبة سوداء واشياء ثانية ما اعرفها وتخيط الراس وتطبخه وبعدين تحطه بصحن وتكون هي متغطيه ببطانية وتدخل الراس معها وتفك الخيوط وتتبخر بالهواء تبعه واذا برد تاكل منه وتنام