Hope breeze :

اذا بتاخذينه اخذي ابره ظهر انا جربته وكانت تجربتي صعبه جدا وجعلني ماجربه مره ثانيه .. لكن كل انسان تختلف تجربته استخيري الله يسهل امرك

اذا بتاخذينه اخذي ابره ظهر انا جربته وكانت تجربتي صعبه جدا وجعلني ماجربه مره ثانيه .. لكن كل...

نسايم خير :

🚫قصة اكشني 🚫الله لايحرمنا الاجر انا ياطويلات العمر تذكرون سويت تحريض الخميس وكان الرحم مفتوح ٢ سم وبدت تمشي معي افرازات مخلوطه بدم الى العصر توقف كل شي جت الساعه ١١ بالليل وطلعت للممشى مشيت مشي لين خلاص ماقدرت امشي من التعب رجعت للبيت وتحممت بماء دافي ونمت صحيت صـباح الجمعه حسيت ان وضعي فيه شي زاد الثقل تحت مع الالام دوره خفيفه .. جت الساعه ٣ العصر حسيت بطلق بس خفيف ومتباعد .. وكان زوجي معزوم برا المنطقه وعيت عليه يروح قلت ماادري عن وضعي ولاراح.. المغرب حسيت الطلق تقوا بس محتمل ورحت اكلت تمرر رطب مع ماء فيه زعفران .. العشا والله حسيت الطلق انتظم والطلقه تطول شوي بس لازالت محتمله وحسبت الوقت بين كل طلقه صار كل ١٥ دقيقه.. الساعه٩ و٩:٣٠ صار كل ٧ دقايق جهزت اغراضي وشربت حليب مع زعفران وزنجبيل وملعقه زيت سمسم ونتفة قرفه ومشيت للمستشفى دخلت الطواري وكانت زحممه .. وكشفوا علي قالو من ٣-٤ سم بس لازم ندخلك الكشك لانك قيصري قبل دخلت الكشك جت الدكتوره على عشر وشوي كشفت قالت ٣ سم قلت نعم 😖 قالت معك طلق بس لسى عليك راحت من عندي وانا كنت منقعه ماء بزعفران بقاروره بشنطتي وكانت مركزه مره شربتها كلها ،، ١٠:٣٠ بدا الطلق يشتد ويشتد واشوفه بالجهاز .. ويابنات انصحكم بتقنية التنفس شمي ورده وطفي شمعه شي سحررري كل ماجت الطلقه سويتها ثم خفت وراحت ارتاح شوي تجي الطلقه بعدها بخمس دقايق واسوي نفس الحركة الى ان حت الساعه١٢ قالت خمسه سم .. بعدها تتابع الطلق واشتد ماارتاح الا ذيك بعدها الساعه ١ فتح سبعه قالت يالله غرفه ولاده ماقدرت انزل من السرير احس محشوره من تحت بالموت مشيت للغرفه الثانيه .. على ١:٣٠ صار تسعه ثم عشره وحسيت بالدف وضاعت علوم الورده والشمعه ... واصيح واقول لاتشقين قالت لا ساعديني بيبي شوي كبير ولازم توسيع شقتني ودفيت يمكن اربع دفات وحسيت بنار مشتعله من تحت وطلع الراس وشرف حبيب امه وتذكرت ايس تي يوم تقول طلعة الراس😭😭😭💔💔ماكد حسيته قسم لان قبل اروح خاص ويكون علي كمام يساعد لكن ذا ولاشي حتى اصيح ابي ابرة البيثادين وعيت تعطيني تقول قيصري وخايفه تعسر الولاده والا شي 😭 الحمدلله تسهلت وولدت لكن بدا اكشن المشيمه اللي مارضت تطلع لانها لازقه بحرح العمليه واضطروا يدخلوني غرفة العمليات بتخدير كامل ونزفت ووصل الدم الى٥،٥ شي مرررعب مريت فيه ومرحله خطره ان شاء الله ماتجربوها .. صحيت على اصوات الدكاتره والممرضات وجهاز تخطيط القلب والصدمات وجهاز الجلطات واسمع يقول لازم ينقل لها دم فورا .. وكل شي صار سريع سريع وعدت مرحلة الخطر لاني نزززفت مرره اثناء التنظيف واليوم ركبوا الكيس الثالث ولازال ناقص وصل٧،١٢ وبكرا بيعطوني اكياس حديد يوم ورا يوم الى ان يرتفع لذلك يابنات انتبهوا من فقر الدم انا كان قبل الولاده٩،٥ يعتبر نازل بس الاهمال الله يكفينا شره وهذا اكشني المررعب الله يكتب لكم الولاده الهينه اللينه انا كانت ولادتي سريعه لكن انتهت باكشن مرعب اللهم لك الحمد حتى ترضى ولك الحمد اذا رضيت ولكن الحمد بعد الرضى اللي سلمني وعديت هالمرحله وكل شي يهون بشوفة ضناك بصحه وعافيه .. وهذاه جنبي الله يقر عيني بصلاحه شوفته تنسيك كل تعب الحمدلله طولت عليكم بس سردت الاكشن بالتفصيل للفائده ربي يسهل على الجميع♥️

🚫قصة اكشني 🚫الله لايحرمنا الاجر انا ياطويلات العمر تذكرون سويت تحريض الخميس وكان الرحم مفتوح ٢...

ورَد 15 :

اللي جربو الطلق الصناعي .. ممكن يحكو تجربتهم ؟؟ الدكتوره ملزززمه عليه الا تدخلني اخذ صناعي وانا رفضت وطلعت ع مسؤؤليتي

اللي جربو الطلق الصناعي .. ممكن يحكو تجربتهم ؟؟ الدكتوره ملزززمه عليه الا تدخلني اخذ صناعي...

goldenlulu :

الحمدلله يا بنات بديت نوعاً ما استقر والله تجربة هالحمل كانت من أصعب الأوقات اللي مرت علي بحياتي لكن الله رحمته بي وببنوتتي كانت أكبر من كل شي اللهم لك الحمد والشكر ولدت من أسبوعين بعملية قيصرية كانت جداً صعبة كنت تعبانة وخايفة ورفضوا البنج الكامل بالبداية كانوا يقولون عشان تشوفين البيبي وهذي أحلى لحظة ومن هالكلام لكن من ألم رجولي كنت ابكي واطلب تخدير كامل لاني ما عاد اتحمل الألم برجولي احس خلاص روحي بتطلع الم الحمل والولادة لا يذكر مقارنة بالالم اللي احسه برجولي فالاخير قالوا لي ما نقدر بنج كامل خايفين من القلب والاوعية الدموية فيه خطر عليك سكت فالبداية بعدين بدا البكا اقول للدكتور حق التخدير اتركني خدرني او اتركني انام لانه مو راضي يضرب وجهي عشان افتح عيوني فالبداية احاول اتطمن على البيبي لمحتها من بعيد وراحو فيها قالوا نقص اكسجين لازم يركبون لها الجهاز وبعدين خلاص انهرت عيوني تقفل اذكر اني اقول له اتركني اموت خلاص الم رجولي تخدر مع البنج ومحتاجه انام لي كم شهر ما نمت منها انا ابي اموت اتركني اموت 😬 يقول ما تموتين وأنا دكتورك وكل شوي يكلمني وحدة منهم يحاولون يخلوني اظل بوعيي ما اعرف وش السبب ابي انام بس ما اعرف رش الخطورة بالنوم الحمدلله طلعت اول وبنوتتي الان طلعت بدت الان تخف رجولي واهدا طبعاً ما راح لكن ما يقارن بقبل والاهم اني اخذ مسكن ومضاد ولازم اروح دكتور اوعية بعد فترة عشان اشيك واتطمن على وضعي كان ودي اكتب لكم من اول دقيقة بس والله تعبانة ونفسيتي صعبة عشان البنت واني كمان اطلع بدونها لكن يارب لك الحمد والشكر ما طولت يوم واحد زرتها وبعدين طلعت اللهم لك الحمد احس فيني نوم سنة 😅 مبروووووك لكل اللي ولدوا وعقبال اللي ينتظرون ساعتهم جعل ربي ييسرها لكم ويهونها وتكون من اجمل اللحظات الله لا يضيع لنا اجر ولا تعب ويقر عيوننا فيهم وببرهم دنيا وآخره يارب

الحمدلله يا بنات بديت نوعاً ما استقر والله تجربة هالحمل كانت من أصعب الأوقات اللي مرت علي بحياتي...

بُكرهـ أجمَل :

بنات باستشيركم بشغله الي فاهمه فيها تجاوبني بالله انا اشتكيت لكم قبل من انقطاع الدم من سادس يوم اليوم هو الـ ١٣ من ولادتي وبدا يرجع الدم ينزل!! مدري اشرب قشر وقرفه وزنجبيل ولا ابدا اكل رشاد ؟ مدري هذا تكملة لدم النفاس ولا الدوره الي بعده 😩 يحتاج اروح لدكتوره ولا اهجد ببيتي واشرب القشر كفايه ؟ اول مره يصير لي كذا اكره الحوسه او اني امر بشي ما اعرفله ☹️

بنات باستشيركم بشغله الي فاهمه فيها تجاوبني بالله انا اشتكيت لكم قبل من انقطاع الدم من سادس يوم...