اللهم لك الحمد

ياعمري انت



الله يخلصك الخلاص الحسن و يقر عينك بشوفة جنينك سليم معافى بين يديك ياحي ياقيوم

مساء الخيرات
جيب لكم باكشن ولادتي 😢
صحيت الظهر يوم الاحد من فراشي مبلوله المويه انفكت رجع زوجي من الدوام قلت له ارتاح لك ساعه على بال مااجهز ..
وفعلا جهزت وسويت لي يانسون بالعسل واخذت لي تمر وحركنا بعد مااذن العصر وعالمستشفى النساء والولاده بمكه وصلت الطوارئ وعلطول دخلوني كشفت وقالت مفتوح نص سم مع انه قبل كم يوم كشفت كان ١سم
انصدمت وتحطمت .. قالت الدكتوره يلا تنويم راح ننتظر عليك ٢٤ ساعه اذا ماولدتي طبيعي راح تولدي قيصري ووقعت على هالكلام
...
تنومت وتعشيت عندهم وبعدها صمت للصباح جت الدكتوره قالت لي انو عندنا زحمممممه ومانقدر نولدك الحين لكن الظهر او بالليل او بكره الصباح بس اهم شي لا تاكلي شي خليك صايمه قلت طيب
...
جا الظهر والعصر والمغرب وعدا الوقت الى الساعه ٨ قلت مااقدر اصوم اذا مابتولدوني خلوني اتعشى وسوو العمليه الصباح ماعاد اقدر اتحمل جوعانه وهما لا لا ماتاكلي الدكتوره قاالت لا
استسلمت وانسدحت جا الساعه ١٠ حسيت بمغص يروح ويجي وقمت احسب كل ١٠ دقايق وشوي شوي عالساعه ١١ كل ٥ دقايق خلاص عرفت انو ولاده وماقدرت اتحمممل قمت من عالسرير انادي مافي احد بالسيب شوي وحده تمشي بنتها تقولي الحمدلله عااسلامه قلت لااااا انا بولد الحقوني وينهم .. الله يجزاها خير راحت تجري وتنادي السستر
جاتني السستر اش فيك وقلت انا تعبانه خلاص بولد قامت تصيح روحي عالسرير لاتوقفي .. نادت الدكتور وجا فورا كشف قال فاتح مم ٣ الى ٤ هاه يااختي تبغي طبيعي او قيصري قلت ابغى طبيعي
نزلت على طول استقبلتني شابه سعوديه قالت انا القابله اللي بولدك وحطتني على السرير وحطت قباس النبض والطلق .. كان الوقت الساعه ١١ ونص .. لما جت الساعه١ ونص قالت خلاص يلا فتح كامل وجهزتني للولاده وقامت تقولي يلا دفي دفي انا خلاص تعبت ماعاد فيني طاقه كملت ٣٠ ساعه صيام ومافيني جهد من وجع الطلق .. وهيا تروح وتجي عندي وتقولي دفي يلا دفي واحاول احاول الا سادس مره ويطلع ولدي
قمت اقول الحمدلله الحمدلله ياربي لك الحمد
جا دور الخياطه قمت اصيح لا ما ابغى لاتخيطوني تعبت .. قالت لازم انا قصيت .. جت تبدا وتمسح عالمكان وتطالع فيه شي تركت اغراضها ونادت الاستشاريه .. قالت اعطيني الابره وحطت بنج وبدات تخيط بس لاحظت وجهها تغير وتطالع في القابله وتكلمها بالانقلش .. عرفت انو في شي .. راحو نادو على دكتوره ثانيه وقامت تدخل اصبعها بفتحة الشرج وانا اصيح يوجع مرره .. قالت يلا على العمليات ..
ليش تودوني عالعمليات قالو انتي شكلك سويتي حركه غلط اثناء الدفع
استسلمت لهم وودوني عالعمليات وطلبت بنج نصفي وجا استشاري سعودي واخصائيه مصريه سوو لي عمليه للشرج اللي تقطع من داخل وللمستقيم خياطه وترميم ..
قالي الدكتور لازم تبداي بالحميه عن الاكل اللي يسبب امساك واقعد فتره عالسوائل واذا ماتحسنت بعد ٦ شهور فيضطر نعيد العمليه ..
طلعت مصدومه ومتضايقه مرره وندمممممت ياليتني طالبه قيصري
اليوم الثاني قمت اصيح فيهم انتو وش سويتم فيني انا ليش صار لي كذا .. قالت الاخصائيه انو اثناء الدفع يمكن الاخصائيه مامسكت وانتي سويتي حركه غلط .. قلت وش الحركه الغلط انا سويت مثل ماقالت واصلا رجليني معلقه كيف اتحرك رفعت راسها وسوت حركة مدري
زوجي رفع شكوى مستشفى سيء سيء .. وندمت اني جيتهم بس الحمدلله على كل حال 💔

وعليكم السلام
الله يفرج لكم وييسرلكم ولادة سهلة وميسرة وييسر عملياتنا أنا وتوتو ونقوم جميعا بالسلامة يارب ياكريم

هدوء المساء الف مبروك المولود 💙 ويتربى في عزكم يارب