نفسيتي صفر 😭 بنتي تعبتني كل صباح أصحيها للمدرسة بصعوبه وتبكي وبس أشيلها ادخلها الحمام وافرش اسنانها واغسل وجهها وافطرها وهي تبكي واجهزها وهي تبكي .... ياربي بتجلطني ذالبنت اليوم ماتحملتها وعطيتها كف ندمت اني ضربتها 😢 ماصدق متى يجي الظهر واتطمن عليها .... تهاوشنا انا وابوها عشانها ... المشكله البكى عندي هنا بالبيت في المدرسة ماشاء الله ساكته وتلعب ومع الابلى في الفصل ممتازة وتجي الظهر مبسوطة بس تتعبني انا مدري ليه
نفسيتي صفر 😭 بنتي تعبتني كل صباح أصحيها للمدرسة بصعوبه وتبكي وبس أشيلها ادخلها الحمام وافرش...
عاد انا اليوم كنت بصير اول الأوكتوبريات بس سبحان الله ما الله كتب بآخر لحظه ...
انا احس اكشني بدا قبل ولادتي صرت احس اني كوره ويدحرجونها على كيفهم وما في احد بالمستشفى اليوم وشافني الا صار يعرفوني ...تخيلوا اليوم مسكتني امكن ثلاث او اربع حريم قالوا لي احنا شفناك الاسبوع اللي فات هو انتي ما ولدتي للحين وصرت احس اني انسانه ضيعفه ومكسورة جناح😂😂😂 كل من مريت من قدامه يطالع فيني بنظرة رحمه ويقولون لي الله يهون عليك ياقلبي عليك ومن هالكلام صرت اقول لحماتي اللي معي ما عندنا عباية الإخفاء اخفي نفسي وادخل المستشفى واطلع ما احد يدري عني من اللي بصالات الانتظاااار ...😅😅😅😅
تخيلي اليوم استشاريتي رحمت حالي وقالت خلاص انا ما عاد اقدر اتحمل شكلك ووضعك ىحمتك بدخلك الليله تنويم ع الساعه 12 وتصيرين صايمه وبكرا ان شاء الله متى ما لقينا غرفة عمليات فاضيه ولدتك لأن عندنا زحمممة عمليات الخميس والاحد الجدولين مليان بس بنحاول نخفف من الاحد واحطك حاله اسعافيه وفرحت مع اني كنت متخوفه من العمليه بس من قالت بكرا اولدك ما تصدقيييين فرحت وقلت خلاص ولا يهمك ومن الفرحه اكلم امي وفرحانه اني برتاح من الثقل وبشوف توأمي والحمدلله على كل شيء بس جدا الحمل بالتوائم متعب ورمت رجولي والثقل صار الضعف والنوم ما انام من اول ماحملت يعني تعب بمعنى الكلمه الله بس يكتب لنا الاجر ويعوضنا بتعبنا خير وصحه لنا ولعيالنا ولمواليدنا الجدد ..
الاكشن اللي صار رحت وسجلت عند مكتب الدخول ع اساس يرتبون الدخول للتنويم واخلص واجلس انتظر زوجي يجيني من البيت ياخذني تخيلوا ادق عليه يقول خلاص جايك وما دريت الا يدق علي يقول دكتورتك دقت علي قالت خل ترجع تمرني بالعياده ما في تنويم الليله وبعيد تنسيق الاوراق اللي معها هنا انا انصدمت والله بغيت ابكي وتكدرت وحماتي تهون علي تقول لعل باللمر خيره واصبري امكن ربي كاتب لك الاحسن ولطلع والله يالله امشي كل من يشوفني يرحم حالي ومشيتي امشي على حبه حبه ولامه رجولي مدري احس من كثر ما مشيت اليوم كأن شيء بيطلع وخايفه المهم رحت لها والصدمه قالت والله حاولت ادخلك بس السراير فل والعمليات بكرا 9 عمليات مالك مكان والا والله حاول ونسقت حتى مع قيم التنويم بالجناح بس ماش مالله كتبه بس خلاص خلينا ع موعدنا السبت تنويم والاحد ان شاء الله العمليه ..
والحمدلله على كل حال ان شاء الله بعد ما يردوني الاحد يقولون ما في سراير 😢😢😢...