أم ترف الحلوه :

ايييه توي جربتها 😭😭

ايييه توي جربتها 😭😭

أم ترف الحلوه :

اكشن ولادتي 😥... انا قلت لكم رحت الخميس عملت سونار... واعطيتكم التفاصيل... رجعت البيت قافله معي ابي بس اولد عمليه وخلاص... نمت وصحيت الساعه 3 الفجر وصليت الوتر ودعيت ربي انه يسهل امري سواء عمليه او طبيعي.. ورجعت نمت... والجمعه خرجت لبيت اهلي ابي اطلع من موود الولادة خلاص.. قالت امي تعالي نمشي قلت خلاص خلووه تعبت من المشي متى ماكتب ربي وصل.. الساعه 12 بالليل رجعت بيتي ونمت مع عيالي... والسبت المغرب سويت لي براد زعتر مع بابونج وحليتهم بعسل.. وشربتهم واكلت لي سبع حبات تمر عجوة.. ورحت تروشت بموويه دافيه اقرب للحارة.. وكنت اتقرفص تحت المويه واركع والمويه تصب بظهري... المهم طلعت ولبست ومافي اي بوادر شيء قلت خلاص انا موعد دخولي الاثنين ابطلبهم عمليه... وكان عندي بالعيادات موعد يوم الاحد... قلت خليني اروح ممكن ربي يسخر لي دكتورة ترحمني وتدخلني عمليه.. نمت الساعه 2 الليل... وصحاني الساعه 4 ونص الفجر الم بالظهر محتمل يروح ويرز كل نص ربع ساعه الى 20 دقيقه... سرت اراقب واحس اني قربت الولادة.. ورايحه جايه ع الحمام خفت رحت اخذت بنادول قلت اذا طلق كاذب بيروح.. ماراح صار يقرب اكثر... ماتحممت بمويه وبطني مغصني ما ابي اولد ابي عمليه ادور اي شيء يبرد طلقي بعد ماكنت ابيه يزيد ... 😭 راحوا عيالي المدارس... وقمت توضيت وصليت استخاره بالعمليه قبل اطلع الموعد... وصلت المستشفى والطلق لسى محتمل كل ربع ساعه الى 10 دقايق... دخلت للدكتورة كشفت ع النبض وقالت امورك طيبه وتجيبي طبيعي.. رفضت تكتب لي عمليه.. قالت بكره دخوولك دكتورتك تحدد لك.. مو انا... المهم جيت ابدخل الطوارى قلت مادام معي طلق اكشف اشوف.. واسوي تخطيط تذكرت كرت العائله بالبيت مو معي وانا جايه مع السواق... قلت ارجع البيت اذا زاد علي رجعت المستشفى... وصلت بيتي الساعه 10 رحت احاول انام ماقدرت الطلق كل ماله يتقاارب... ويزيد حده... صار كل 7 دقايق الساعه 12 الظهر... وانا متردده اروح او لا المهم ضغط علي زوجي لامه عنده عمل ومايجي الا اخر الليل قال اذا مافي طلق وولاده ارجعك البيت.. المهم جهزت اغراضي ونزلت عيالي لبيت عمتي... واخذت اغراضي وتوكلت ع الله بعد ماصليت صلاة الظهر.. وفي الطريق زاد خووفي صرت ابي بس امي.. اتصلت عليها وقلت انا رايحه المستشفى.. ولحقتني.. وصلت الطوارى وخليت شنطة المولود مع زوجي بالسياره ونزلت قلت اذا ولادة تجيبها لي مافي ولادة ارجع فيها البيت... دخلت زحمه شوي... قالت انتظري.. وانا امشي والالم صار كل 4 دقايق والم غير محتمل بس وقته اخذ نفس واتمسك باي شيء... الساعه وحده ونص او 2 دخلتني كشفت قالت 2 سم 😥 قلت كل هالالم 2 سم 😭😭 قالت تعالي سوي تخطيط... ودخلوني التخطيط وشربوني عصير... نص ساعه والالم مستمر وكل 3 دقايق... وبس اعض ع شيلتي وقت الطلقه واحاول اخذ نفس... قالت مافي طلق بسيط... يارب رحمتك هذا طلق بسيط احس بتطلع رووحي... دقيت ع زووجي اترجاه اروح خااص خلاص ابمووت ابسووي عمليه دخل زوجي ع الطبيب المناوب قام يكلمهم خلاص دخلوها عمليه انا اتحمل المسوؤليه واوقع... ولادتها متعسره... ومطووفه... قال الدكتور راح اكلم الطبيبه تكشف عليها.. كلمها وحولني لها رحت لقيت وحده من صاحبات اختي سلمت عليها وجلست ابكي من الالم.. وتأخذ اوراقي وتروح تكلم الدكتوره قالت هي عنده دخول بكره دخلوها اليوم معها الالام ممكن تولد اليوم.. المهم وافقت الدكتوره ودخلتني دخوول تنويم وامي معي.. قلت ابي عمليه واصيح.. قالت يابنت قولي يارب يكتب لي الخير عمليه او طبيعي يمكن ربي يسهلها عليك وتولدين طبيعي... المهم وصت الممرضات علي وخرجت انتهى دوامها... ودخلوني غرف الانتظار لين يجي ملفي ويطلعوني قسم الحوامل تنويم... واجلس اطلق من الساعه 3 للساعه 5 العصر ملفي ماوصل امشي واتقرفص واعض بشيلتي وافرك ظهري باقوى ماعندي وقت الطلقه صار الالم غير محتمل كل دقيقتينَ.. اترجاهم مسكن يقولون مانقدر نعطيك لازم الدكتوره تكتبه لك.. المهم الساعه 5 ويجي ملفي... ويحطون بيدي ابرة المغذي وبيانات دخوول ورقم ملفي... ويجلسوني ع الكرسي.. والالم يززيد وصرت ابكي بعيوني بدون صراخ... واعض بشيلتي وقت الطلقه... ولي 24 ساعه مانمت اذا خفت غمضت عيني ثم تقومني الطلقه... دخلوني الغرفه قالت الممرضه قومي السرير جاتني الطلقه.. ََ تمسكت بالكرسي واعض بشيلتي واشر لها صبر... لين خفت الطلقه ََاقوم بسرعه اروح سريري ََ.. وجنبي حرمه عندها زوار وقت زيارة كان... والطلق يزيد ويتقااارب قالت امي قومي توضي وصلي العصر... دخلت الحمام وضيت ع عجل والطلق معي وخرجت فرشت السجاده ابصلي كبرت الركعه الاولى جاتني الطلقه ع طووول جلست وسلمت واضرب الطاولة واعض بشيلتي.. واخذ نفس وقفت الطلقه قمت رفعت السجاده ََعيوني حمر وجلست ع السرير والطلق صار كل دقيقه... جاتني الممرضه قالت يلا جهزي نازله لبسك الداخلي الدكتور بيكشف عليك. قلت ابي دكتوره قالت مافي الا دكتور الان بس يتطمن عليك... قمت لبست نقابي وانسدحت ع السرير والدكتور دخل يسأل واجاووب واترجاه يدخلني عمليه وابكي وهو يقوول طيب ابشري ابشري بس نشوف الوضع كيف ونحدد.. طلع الزوار الرجال اللي جنبي... وقال لي يلا قلت لا ابي عمليه جلس يكلم الممرضه مستحيل 2 سم اتوقع 4 سم وفوق.. باين مستويه.. من شكلي جاء بيكشف وتجيني الطلقه واتمسك واوقفه لين راحت وابكي اترجاه يدخلني عمليه بس.. قال ابشري بس اول شيء اكشف واحدد... كشف وجهي قلب.. قام يهاوش بسرعه السرير... 9 سم ولادة.. وانا وجهي يقلب 😭😭 وابكي ويجروون يجرون السرير وفصخي العبايه... ونامي ع جنب ويغطوني باللحاف ويجروون فيني بالممرات الدكتور والممرضه والعاملات من خوف اولد بالمصعد... وكلهم حولي... دخلوني ع طوول غرفه الكشك.. واشوف يهاوش من هذي الدكتوره اللي تقول 2 سم... عطوني اسمها... الحرمه وضع ولاده تقول 2 سم.. وبسرعه نزلوني من السرير وارفعي لبسك وارفعي رجلك ساعدينا البيبي بيطلع.. وتجيني القابله والدكتور ورا الستاره قال 9 قال شوفوا في دكتوره قالت استنى يادكتور اذا مافي دكتوره انت حتشرف عشان حجم البيبي وخافوا تتعسر الولاده... المهم الحمدلله جات دكتوره سودانيه وع راسي هي والقابله سعوديه.. فتحوا الكيس ونزلوا المويه وقالوا يلا اذا حسيتي دفع ادفعي.. وتجيني الدفعات ورا بعض ودفيت مره وثنتين وثلاثه وهو يقرب... قالت يلا اشوف شعره ساعدينا قلت ساعدوني حسيته انحشر اقول لهم شقوا ريحوني واصيح.. قالت لا خلي البيبي يشق طريقه ممكن مايشق... المهم وتدخل يدينه وتساعدني توسع له وهو يدف وانا ادف الدفه الخامسه بعد ماكتمت والدكتوره رفعت راسي لرجولي والقابله ماسكه الراس وانا ادفه دفه قوووويه اقوى ماعندي حسيييت بالحراره وطلعت الرأس.. وجسمه شووي بصعوبه زحلق وحطووه ع بطني ع صلاة المغرب. واحمد ربي وادعي لهم واترجاهم ينوموني.. راحت قالت ابشري ماتحسين باي شيء وبنجووني علبه كامله حقت الاسنان عشان لا احس با ابرة البنج... ودقوووني ابرة بنج وتبنج المكان المهم معي التهابات وخراج بالمهبل قصته لي الدكتوره قالت عشان ماتلتهب عليك الخياطه وتتعبي.. اريحك منه... وخيطتني طبعا شق من فوق ومن تحت... قالت راح ازبطك خياطة تجميليه ماتبين وتذوب ولايبين لها اثر بس ادعيلنا.. دكتوره سودانيه ََََ وتسولف معي هي والقابله ويضحكوني.. وراحت جابت لي شايي دافيء وبعد ساعه طلعوني التنوويم.. والحمدلله انتهت رحلة وهن ع وهن.. ولاده سريعه ماتعبت فيها بالكشف ولا بجهاز التخطيط ساعدني الجاذبيه... قصتي مشابهه ل ام زياد وولدت في 41 اسبوع... تذكرت حلمي فيني وام زياد نفس الاحداث والظروف، 😪

اكشن ولادتي 😥... انا قلت لكم رحت الخميس عملت سونار... واعطيتكم التفاصيل... رجعت البيت قافله...

Cady14 :

الحمدلله الذي بجلاله و عظمته تتم الصالحات انتهت رحلة وهن على وهن والحمدلله على التمام وهبني الخالق مولدتي اللهم انبتها نباتاً حسناً واجعلها قرة عين لي ولابيها

الحمدلله الذي بجلاله و عظمته تتم الصالحات انتهت رحلة وهن على وهن والحمدلله على التمام وهبني...

الورد الأبيض٩٥ :

السلام عليكم ورحمة الله وبركاته تجمع مبارك علينا يارب وتسلم يدك بكرهـ اجمل💕 أم ترف مررررة كنت شايلة همك الحمد لله على سلامتك وسلامة عمر❤️❤️❤️ أم غدوتي وراجية ونسمات وكادي ألف ألف مبروك والحمد لله على سلامتك 😍💕💕 تباشير جميلة عقبال يارب للحظة تذكر والجميع يارب 💞💞

السلام عليكم ورحمة الله وبركاته تجمع مبارك علينا يارب وتسلم يدك بكرهـ اجمل💕 أم ترف مررررة...