السلام عليكم كيفكم بنات ومبروك للي ولدوا والباقي الله يرزقكم الولاده السهله الميسره يارب 🌸
كان ودي ادخل من كم يوم اتطمن عليكم بس من التعب ماقدرت وقلت احكيلكم عن اكشن ولادتي مع انها كانت تجربه سيئه 😔 والله ولا ودي اخوفكم واعطيكم طاقه سلبيه
بس مثل مايقولون الولاده تساهيل من رب العالمين وكل وحده تختلف عن الثانيه
🔴 المهم يوم الخميس رحت المستشفى اتطمن واشيك على موية الجنين لأن الاربعاء قالوا لي المويا ناقصه وكانت ٨
رحت للطواري كان بالليل بعد الساعه ١٠ وقالوا سونار نتطمن واستدعوا دكتوره من التنويم وجات شافت قالت لي انتي تشتكين من ايش كل شي كويس قلت لها ان الماي ناقص عفست وجهها ورجعت تطالع بالسونار وتفغص بطني وتدور بالجهاز فجأه انخطف لونها وقالت انا ماشوف ماي ابد ي دوب اللي قسته ٤ ويمكن اقل واخذت اوراقها وركض دخلوني تنويم ولاده وجاتني دكتورتي الصبح الساعه ٨ وقالت لازم اكشف من تحت نشوف الوضع واقرر متى نعطيك الطلق 😭
المهم كشفت وقالت فاتح ٢ انتي اصلا في حاله ولاده وصدق كان قبلها بيومين تجيني طلوق وتروح المهم قالت اللحين اعطيك تحميله وانشاءالله يفتح ع العصر تكوني والده
والله ي بنات اعطوني وابتدى الالم من صباح الجمعه طلق عذاب وينتهي مفعول التحميله ويجون يقيسون قالوا ٢ مافتح 😔
وبنزيدك تحميله اقوى الرحم مو راضي يفتح ويزيدون وهاذي ورا هاذي على ثالث تحميله فتح ٢ زياده ووصل ٤ سم ع فجر يوم السبت ووقف عليه وصاروا يعطوني ابر طلق بالمغذي ولا خلوني آكل يقولون يمكن ندخلك عمليه والله ي بنات تعذبت وتعسرت ولادتي اعوذ بالله عيالي الاثنين ماصار لي كذا الرحم وقف ما عاد استجاب للطلق بغيت اموت من الالم
و على فجر يوم الاحد انخفض ضغطي مرا وصار ٩٠/٦٠ وركبولي ٣ مغذيات وتخطيط للقلب والضغط واكسجين صرت كلي اسلاك وابر ورفضوا يعطوني اي شي يخدر الالم لا بنج كمام ولا ابره ظهر ولا شي واستمريت ع الالم والطلق الين ما جات الساعه ٩ الصبح ودخل عندي زوجي قمت اوصيه وربي توقعت اموت خلاص قام زوجي طلبهم عمليه وقالو خلاص بنعطيها اخر ابره طلق ونشوف اذا مافتح الساعه ١٢ ندخلها العمليات
والله ي بنات الساعه ١١ احس جاني الم غرييييب وصرت ارجف واستفرغ ولا ادري وش فيني ويحطون علي ٣ بطانيات لحد ماحسيت بشي قاسي وانادي الدكتوره الا جات بتقيس الا تشوف راس البيبي وقامت تصرخ ولاده خلاص ويجون السسترات يضغطون بطني وتطلع بنتي الحمدلله الف حمد وشكر لربي من بعد عسر وضيق وتعب ربي طلعها وطلعت صغيره وزنها ٢ كيلو وكانو قايلين لي بالسونار ٢ كيلو و ٦٠٠ ولا وسعت الدكتوره تقول شقت كم جرح من نفسها يوم جات تطلع وخيطها لك وبس عشانها مرا صغيره
والحمدلله على كل حال واللحين صار لي يومين من طلعت الم الطلق ماوقف يجيني ويروح من كثر الابر اللي اعطوني 😔 وهذا انا على المسكنات
والحمدلله ي بنات وربي تعسرت ولادتي الله لايحرمني الأجر كنت اسمع الحريم يدخلون يصرخون شوي واسمع البيبي اذا طلع واجلس ابكي وادعي ربي الفرج جلست ٣ ايام اطلق والرحم معلق مو راضي يفتح ولا ادري وش السبب
الله يكتب لكم الولاده السهله الميسره يارب ولا يذوقكم اللي شفته دعواتكم لي بنات ♥️
السلام عليكم كيفكم بنات ومبروك للي ولدوا والباقي الله يرزقكم الولاده السهله الميسره يارب 🌸
كان...
بس من استعملت غسول سيباميد وجتني الحكه
الحمدلله غسلت ماي وملح ودهنت بفازلين احس اخف من امس