رحت صايمه ١٢ ساعه وامشي لحد مكان التحاليل يوم جيت قالو السستم معلق وبنجلس ساعه ونص وانا خلاص دايخه
طلعت افطرت ورجعت لموعدي الثاني مع الاستشاريه يالحكومي قالت
من قال لك وزن الطفل كبير شوفي الوزن مع العمر٣٧ اسبوع
المويه طبيعيه ١٠٠ ٪ قلت لها عن المستشفى حق بريدة قالت مستحيل تكون صاحية الي قالت لك كذا
قلت طيب فيني سكر عشان قالت عيدي التحاليل اكيد فيك
راحت شافت تحاليلي قبل شهر والقديمه قالت مافيك شي ياينتي لازماء ناقص ولا طفل كبير ولا بوادر سكري وبسوي لك تقرير بحالتك تاخذينه اذا جيتي تولدين بالخاص
الي فيك ان قريب ولادتك بطنك نازل يمكن اول الاسبوع٣٩ من خبرتي والي قاعده اشوفه اما الباقي عادي
قلت طيب والولادة قالت ماعليك منها مانحدد قيصري ولا غيره انتي حتى ماختبرتي من قبل ولا جاك شي عشان نعرف وضعك ووضع الحوض مافيه دكتور صاحي يقول لك قيصري او طبيعي لان هذي تحددها ظروف المخاض نفسه والي بيصير داخل الولادة
وبس ماعاد عندي مواعيد لاحكومي ولا خاص بجلس لين يجي الطلق 🥺
وبديت من الليله اشرب يانسون وعسل قالو زين لعنق الرحم
رحت صايمه ١٢ ساعه وامشي لحد مكان التحاليل يوم جيت قالو السستم معلق وبنجلس ساعه ونص وانا خلاص...
جلست اقرفص وجت الطلقه وانا جالسه اقرفص والله ماعرفت اقوم
علقت مافي طاقه ارفع نفسي وعضلة الفخذ صلبت جلست اصيح وانا معلقه بالقرفصه كاني ضفدع😩💔
ماصدقت على الله راحت الطلقه وانسدحت وتوبت😂😂
اللي مو متعوده ماانصحها تجربها وقوف وجلوس مستمر
تقرفص بالجلوس بس يكفي سمعت دكتوره تقول
يكفي تجلسين جلسة القرفصاء
كانك جالسه على حمام عربي الله يكرمكم
وتبدين من الثامن والتاسع لحد وقت الولادة مافيها ضرر
مو تبدين فيها اذا جاك الطلق زيي💔🤓
الحين بالثامن احيانا اجلسها وانا اتابع التلفزيون
الشكل مره لا بس ماعلي اهم شي اوسع الحوض🦦