وهنا بدأت معاناة الطلق اخذت أعشاب معاي كاني مشعوذه هههههه اشرب مويه وعسل أو زعفران ومويه مقري عليها.. تمرية رطب المهم كل مره اخذ شي واتقرفص مع كل طلقه وأهم شي أعطاني طاقه لان اكلهم مايناسب لما اتقرفص اتنفس شمي ورده طفي شمعه مؤلم صبرت عليه يساعد في فتح عنق الرحم لدرجة تنزل نقاط دم شوي ادعي واقرا ورد الولاده واذا تعبت استمعت من جوالي مشكلتي كانت الراس مرتفع مانزل للحوض لا الطلق نزله ولا طلوع درج ونزوله مع ان الرحم فتح ٥ سانتي وانا مو بكريه الدكتوره قالت مانقدر نفك المويه أو نعطيك طلق صناعي ممكن تتعبين انتي والجنين
وصلت الساعه ١١ وقتها تعبت فيني نوم والم طلق وحيلي انهد مااقدر انسدح من ألم الطلق قبل الصلاة بربع ساعه ارسلت مسج لزوجي ادعيلي في سجودك احتاج دعوات وجلست ادعي لنفسي يوم جمعه وساعه اجابه بإذن الله اللهم اجعل ولادتي بردا وسلاما علي كما جعلت النار بردا وسلاما على ابراهيم ودعاء ياحي ياقيوم برحمتك استغيث أصلح لي شأني كله ولاتكلني إلى نفسي طرفة عين.. تجيني وساوس شيطانيه اقطعها اذكر نفسي انهم بشر والله سبحانه إنما أمره كن فيكون دقايق وبدأ الطلق ينتظم كل خمس دقايق ناديتهم قالوا اصبري عندنا حالة ولاده.. جتني جرئه فتحت باب غرفتي اسمع اللي تولد كانت في اللحظه الاخيره واشجع نفسي اقول شوفيها ماشاءالله قويه ومن هالكلام لين طلع صياح البيبي دمعت عيني دعيت لها ولي
جا دوري دخلوا عالساعه وحده ثلاث دكتورات وحده ضغطت بطني من فوق الثانيه حاولت تحارش الجنين من تحت وفكت كيس المويه ونزل الجنين شوي فتح الرحم ٧ سانتي الحمدلله هانت الساعه وحده وربع بدا الطلق الحقيقي احتجت خمس دفعات تقريبا السبب نسيت طريقة الدفع في البداية تضبط معي ومع التعب اشد على وجهي يمكن لاني مرهقه
الساعه ٢ ونص طلع حبيب قلبي تعودت ابكي بعد كل ولاده لاني اكون مفجوعه من لحظة خروج الجنين ماأخذ ابرة ظهر فأحس بكل شي إلا هالمره ابتسبت ودمعت عيني فرح وشكر لله لأنهم حطوه مباشره على صدري وسكت وكنت امسح خدوده واحمد الله واشكره... خربت علي الدكتوره فرحتي كانت تنظف الرحم وهو على صدري على أساس تشغلني فيه وانسى الألم لكن هيهات هيهات ههه هو يبكي وانا اصرخ التنظيف كان عنيف والحمدلله حمدا كثيرا انتهت الرحله بفضل الله تعالى دعيت لكم من قلبي وللمتاخرات في قسم الحمل وكل محرومه تمنيت هاللحظه لكل من تتمنى الذريه اسأل الله ان لايحرمها احد
ملاحظات..الثلاثاء قالوا وزنه ٣ً.٤ وطلع وقت الولاده ماشاءالله ٣.٧.... كانوا يقولون كل شي طبيعي لكن المويه كانت كثيييره سبحان الله مابينت هالامور في السونار سواء الخاص او الحكومي حمدت ربي لانه وقتها استعجلوا ولادتي لحظة خروجي من المستشفى كنت امشي بهدوء واناظر الممرات اتذكر لما ادخل بكرشتي واكون خايفه وقلق وكلام دكاتره وتهديدهم نزيف تترقدين من الثامن ووو حمدت الله وشكرته
احب الولاده في يوم الجمعه المستشفى يكون اكثر هدوء
وهنا بدأت معاناة الطلق اخذت أعشاب معاي كاني مشعوذه هههههه اشرب مويه وعسل أو زعفران ومويه مقري...
الله يجعله من عباده الصالحين 💜💜💜