ويا صباح الخيرات والمسرّات >> والحمدلله صرنا من عرش النفساء 😆
اللهم لك الحمد ولك الشكر ولك الرضا ولك الثناء الحسن💓
الحمدلله انهيت مرحلة التسعة اشهر وبلّغني ربي بشوفة بنتي وحضنها واحنا بصحة وسلامة، ياارب يبلّغ كل وحده فيكم ويهوّن عليها وييسّرأمرها ويشرح صدرها🤲🏻🤍
ولدت في آخر يوم في الاسبوع ٣٩، لي أسبوع عندي انتفاخات في القدم وبعدها صار في القدم والساق بعدها اسفل بطني بدا يورّكومنتفخ بعدها بدا يطلع بي كدمه في القدم، شيكت عليّ الدكتورة ع الضغط وع الزلال وكااانت كل اموري طبيعية فقالت انتي عندك الرحمثقل وضاغط على تحت وصاير حركة الدم تنزل على تحت وماترجع بنفس الحركة الطبيعية وأنا أأيد انك خلاص تولدي دام رحمك مهيء وفاتح٢ سم، قالت حكتب لك دخول وطلق صناعي😬
الحمدلله السبت الصبح جيت وصلحنا اجراءات دخول وشيكت ع وضعي الدكتورة ف الطوارئ قالت لي آه اولدي، توكلنا ع الله والعصر اولتحميلة طلق صناعي والطلق خفييف وانا امشي واتقرفص وادعي واتوكل بعد اربع ساعات من التحميلة بدا مفعولها وصار الطلق يوصل ٩٥في الجهاز انبسطت قلت بس فتح ٧ او ٨ سم وكنت احس بألم شديييييد ويوم جت فحصتني قالت لسه ٣سم🥺💔 جاني احباط ويأساعوذ بالله وجلست ادعي قلت اذا هذا الألم كله وبس وصل فتح الرحم وش بسوي بعدين😕 قلت لهم خلاص ابغى ابرة ظهر قالو طيب علىماجاء طبيب التخدير وشرح الابرة ووقعت اوراقها واستودعت الله نفسي وحطها لي وبعدها ركبت الممرضة القسطرة البولية مره كانت يدهاثقيلة ويألم تركيبها حتى اني صرخت🤣 بعد نص ساعة من الابرة تقريبًا بدا مفعولها وبدت تنمّل رجلي وطول الليل ادعي وكانت تفتح الرحمبشكل بطيييء (وهالشيء يختلف من وحده لوحده) فتح الرحم بعد ٧ او ٦ ساعات تقريبًا الحمدلله وحسيت قرب الفرج🥺الحلو في الابرةماكنت احس بالالم اثناء الفتح وكنت اخذ غفوات عشان اصحصح وقت الولادة😁يوم وصل ١٠سم بديت احس بالآم وجت الدكتورةوممرضتين وبدينا محاولات الدفع يااااربي رحمتك ويعظم اجر كل ام لحظة صعبة تعبت وماعرفت اطبق بشكل صحيح رغم مقاطع التعليماللي شفتها والمحاولات اللي كنت اسويها بس وقت الجد يصير شيء ثاني، الدكتورة الله يرضى طول الوقت تشجعني وتحاول معي وبالهاطويل بعد نص ساعة من الدفع وتحريك بطني بشكل قووي والمحاولات طلعت بنتي نور عيني وحطوها فوقي واحس نفسي بحللللللم وبدواخياطة وبنتي فوقي وبعدين خذوها ونظفوها وودوها الحضانة، وانا قعدت بغرفة الولادة ع ما شالوا ابرة الظهر بس قعد تأثير البنج فينيماقدر اتحرك او احس برجلي بعد ساعتين ثلاث فك البنج وخليتهم يطفون التكيف وتغطيت بالبطانية وبديت ادفا وارتاح واستوعب😍 وكمانطلبتهم بعد الولادة كمادات ثلج ع المنطقة تحت عشان ماتورم، والحمدلله طلعت التنويم واموري طيبة ولكن ابرة الظهر مأثرة عندي ع المثانةفصار عندي تبول لا ارادي😬💔 قالولي عادي وطبيعي وان شاءالله بعد ٢٤ ساعة بيتحسن الوضع وراح تحسين قبل التبول وممكن عشانابرة الظهر طولت فيني او جرعتها كبيرة ولكنها نعممممة من ربي الحمدلله هالابرة، وجابوا لي بنوتتتي اكثر من مرا وحاولت ارضعها بسكسلانة😂 بس بنرجع نحاول اكيد والله يهديها🤪
والحمدلله احس اني رجعت اتنفس طبيعي بعد الولادة ورجلي والانتفاخات تحسنت وبطني خخف🤣
وبس والله … الله يعظم اجر كل أم ويحرم يدين دكاترة التوليد ويسخر لكم يالبقية الدكاترة الطيبات الحنونات
ادعوا وتصدقوا واقروا ورد الولادة واستودعوا الله انفسكم وأجنتكم، تذكروا انها ساعات معدودة وراح تعدّي، بس يفك البنج ابدوا امشواوحاولوا ولا تيأسون من شيء، كيجل كيجل كيجل مهممممه، ولما تخلصوا احمدوا الله على هذي النعمة🥺❤️
الله يطرح لنا الخير والبركة في مارزقنا ويجعلهم قرّة أعين وينبتهم نباتًا حسنًا ولا يحرمنا فيهم ما نتمنى🌸
ويا صباح الخيرات والمسرّات >> والحمدلله صرنا من عرش النفساء 😆
اللهم لك الحمد ولك الشكر ولك...
الله يبارك في اللي عندها سعه صدر وتربي صح وبالاخير كلن بعقله يعيش بس يكون قد الامانه والنعمه هذي من رب العباد 👍🏻