nada kh :

من الفضاوه جالسه اشوف ملفكم و اقول يالله مشي الايام بسرعه ويجي ملف التباشير حقنا ولو حنا مبطين تونا باول الطريق حبيت افيدك حبيبتي انا والده قبل سبع شهور و شوي وكان عندي اخطاء كثيره بالتجهيز ببتدي فيك انتي يالوالده اريح لبس للبيت البجايم القطن العاديه بس لو ناويه ترضعين طبيعي احرصي تكون لها ازرار من الصدر في بجايم تجي زي القميص عرفتيها وبعضها لا نص زراير المهم تتحكين بالصدر اما ملابس الرضاعه ما ستفدت منها ابد شي الفتحه صغيره ما تسيطرين على الصدر وشي مكانها خطاء المشد انا مارتحت له ابد بلاستك وكان ولادتي بعز الحر و والد قيصري فالمنطقه تعرق ارتحت للشماغ و الفه على بطني تتحكمين بقوة الشد على الي يريحك و قماش بارد واكيد لازم تاخذين القمصان لو جاك ضيوف الملابس الداخليه احسن شي الي استخدام واحد لانك سبحان الله مهما حرصتي لابد من التسريب اخذي الي زي الحفاض بس يكون للسرير يحطونه بالمستشفيات واذا نويتي تاخذين دش قبلها بساعه او اكثر هوي المنطقه و خلي هذا الحفاض تحتك المنطقه تحتاج تهويه الخلطات انا ما استخدمت الى حلبه و رشاء وحبه البركه وماش وفلفل اسود الصباح بالملعقه اخذ ملعقه وحده حلبه مع سبع حبات من حبه البركه مع الحليب او النعناع وش تحبين تقتحين ريقك فيه و الاكل اخلط معه حلبه و فلفل اسود و اسوي شوربه ماش او رز وماش زي المجدره والحمدلله طلعت من الاربعين زي اول و احسن اشربي نعناع حار باليوم مرتين يريح بطنك من الغازات ما ادري الطبيعي يعانون منه ولا بس القيصري نجي للمولود اخذت ملابس بالهبل ولله كثير منها ما نلبس و الي حللته من جد البجايم الي تجي ثلاث من ماذركير البربتوز سعرها 160 ريال ومع الخصم اخذتهم 70 ريال واحيانا توصل 50 ريال هذي تغسلين فيها ولا تتغير ابد بعكس سنتر بوينت من اول غسله تنهري الفنايل الداخليه من سنتر بوينت يجون ثلاث او ست مع بعض ممتازه وقماشتهم كويسه تحتاجين لبستين مرتبات الي تجي طقم مع المهاد او اللفه او الكوافل للضيوف مهادات خذي قطنيه ما تكون مرا كبيره علشان ما تبهذلك بالف وقطنتهم بارده وتتمغط معك شوي يعني القماشه تكون مرنه ما تضايق الطفل القبعات ما اعتقد انكم تحتاجون لانا داخلين على الحر للاسفنجه حقت الدش جدا جدا مهمه واول الايام لا تحممينه بالبلاستيك حق الاطفال لا بالمغسله مباشره عبيها مويه دافيه وحطي الاسفنجه فيها وخليك ماسكه الطفل طبعا وكاس تصبين المويه عليه ادوات التنضيف من جونسون انا اخذت لولدي لحاف او بطانيه من ماركه ايرماني وجدا استغليتها و ستهلكتها لدرجه اني انصح كل وحده حامل فيها كشخه وشكلها جميل ومرتب اول الايام كنت الف الولد فيه بعد المهاد لو ملبسته بجامه ما تبين ويكون شكله مرتب يوم كبر شوي صرت اخذها معي في العربيه لو نام او شي اغطيه فيها ولو رحت الضيوف اخذها معي احطها تحته او اغطيه فيها جدا استغليتها بعكس المدس او السليب باغ اسعارهم مرتفعه كلهم حدود 1000 ريال او فوقها وما ستغليته ابد في البدايه طفلي صغير وكان يغوص داخل وببعدها كبر ما يحتاج في اشيا ثانيه تحتاجينها بعد ذكرتها هالحين القطن حق الصدر علشان تسرب الحليب وتحتاجين مسحه طبيه و بودره لسره الطفل اول الايام لا تستخدمين مناديل مرطبه للتغير مويا دافيه احسن لبشرته اممم هذا الي اذكره الحين يارب اكون افدتك

من الفضاوه جالسه اشوف ملفكم و اقول يالله مشي الايام بسرعه ويجي ملف التباشير حقنا ولو حنا مبطين...