صدفة حياه :

اكشني صحيت صباح الاربعاء كنت احس جسمي فيه الم غريب .. كلللل جسمي فيه مثل الرضوض اول مره احس كذا .. خصوصا بطني كأنه الم كدمات .. مدري ليه حسيت ولادتي قررربت هذي اليومين ( ماتوقعت ابدا ابدا اولد نفس اليوم ) لان ماعندي اي علامه غير الطلق الكاذب والغير منتظم رغم انه قوي . راح زوجي للدوام وماعلمته بالالم لاني كل يوم اعلمه ويختفي كل شي فجأه ..فقلت اسكت دام انه خفيف .. ورجعت نمت الى ١٠ وصحيت على دم كثير ينزل مني .. انفجعت وقمت بدلت ملابسي ورجعت سريري اقرأ قران حتى اشوف الوضع .. والدم لازال بس اخف اشوي ومعه الم مثل الدورة بس قووووي بالغصب استحملته .. كلمت زوجي لاني خفت يكون علامة انفصال بالمشيمه .. انفجع وجاني ع طول ودعت بناتي ( كانت اسواء لحظه😭بس حاولت ما ابكي قدامهم لانهم كانو فرحانين خصوصا الصغيرررره .. قالت ياماما تكفين جيبي النونو معك) اخ قطعت قلبي تقطيع.. قلت ان شاءالله بس ادعولي معاكم 😢 بعدها جري ع الطوارئ ..للأسف كان زحمه وفي حالات ولاده كثيره بالغصب جا دوري و دخلت ع الدكتورة .. كشفت وقالت ٢ونص والدم علامة ولاده و المشيمه والجنين وضعهم كويس .. ولازم انتظر تعيد الكشف تشوف اذا استمر ينفتح ف بتدخلني تنويم ... كنت بوضع مو مصدقه ولا مستوعبه لان كل شي صار بسرعه .. بعد اقل من ساعه تقريبا كشفت وكان ٣ .. قالت خلاص بتكتب لي تنويم بس اضل في الطوارئ حتى يفتح الى ٥ او ٦ وادخل الولاده ع طول عشان اكون تحت الملاحظه .. وقالت لي امشي لاتجلسي ابدا حاولي قد ماتقدري تتمشي .. وفعلا طول الوقت امشي بالممر رايحه جايه ..والالم كان خفيف بس منتظم ومستمر الحمدلله .. مشيت ساعه ورجعت كشفت علي تقول ٣ونص الحمدلله ..ورجعت امشي قطعت نفسي بالمشي من العصر للمغرب والالم يزييييييد بس محتمل .. والكشف ٤ونص .. قبل المغرب بشوي جاتني ضييييقه ودي ابكي وبس ..طلعت امشي برا الطوارئ في ممرات المستشفى الحمدلله كانت فاضيه وانفجرت بكااااااا ودي شي يخفف عني لاني كنت لوحدي مامعي احد حتى امي ماعلمتها .. واهل زوجي عندي بالبيت بس مو متوقعين اولد بنفس اليوم فالوضع عادي عندهم ..حتى زوجي كان متطمن لان ماعمره شافني اتألم وقت الولاده وطلع من المستشفى وبقيت وحدي اتعصر الالم وادعي ربي وابكي ونا امشي بالممرات .. دعيت اني اولد العشا لان الالم تعبني ووصلت حدددي . بعد المغرب جا زوجي يتطمن ع اساس ان الولاده باقي بعيده ..مايدري اني بهذا الوضع .. يوم شافني ابكي والالم ذابحني انصدم قال خلينا نطلع نمشي برا وتشمين هوا ( لان اذا جاتني الطلقه خلاص انكتم وارفع الغطوه ) مشينا حتى وصلت عند باب المستشفى وجاني الطلق حسيت معه ان الجنين نزل الحوض والدم كان ينزل كثير مع كل طلقه مثل النزيف .. قلت لزوجي خلاص رجعني احس الولد بيطلع .. بالغصب سحبت نفسي وانا ابكي واشاهق حتى وصلت للدكتورة قلت خلاص ماعد استحمل .. يوم شافت شكلي قالت خلاص انتي ولاده اطلعي فوق للغرفه .. واخذوني وطلعوني بالعربه وانا ما اقدر اجلس عليها احس شي بيطلع ..ودعت زوجي وطلعت غرفة الولاده .. لبسوني الممرضات لاني ماعد اقدر اتحرك من الالم.. احس بالموت خلاص كأني بأخر لحظه من حياتي ..يارب يكتب لنا الاجر .. ثواني وجاني الطلق واناديهم واصارخ من الالم وتجي القابله وتفتح كيس المويه بالابره اللي قلتولي عنها لاول مره اعرفها .. وتقيس تقول ٩ .. ما صدقت سبحان الله احس المشي نفعني بفضل الله وفتح الرحم بسرعه .. وقلت للقابله تكفين خليك عندي وساعديني( سبحان اللي سخرهم لي ) قالت يالله دفي وهي تحاول توسع بيدها وتمسك الراس .. وانا ادف وادف بس ينقطع نفسي لاني ما اكلت شي طول اليوم وهذا غلط ماعندي طاقه للدفع ابدا .. والقابله تصارخ تقول لاتوقفي دفي تكفين الولد اختنق وتبرز ف بطنك .. كنت ادعي ربي يفرج عني حتى وانا بلحظات الدفع .. واخر طلقه كانت مميييييييييته وتذكرت بنتي وكلامها ( ماما تكفين جيبي النونو معك) 😭جاتني طاقه عجيبه ودفيت بأقوى ماعندي وطولت بالدف توقعت تطلع روحي مع طلعت راس الجنين من التعب .. واخيرا طللللللع النتفه وانا اصارخ الحمدلله الحمدلله .. طبعا الولد شقني واحتجت خياطه كان الالم مثل الناااااااار ..بس تهون عند الم الولاده . واتصلت ع زوجي وبشرته طبعا ما صدقني يقول توك طالعه من عندي ههههههههه لكن الحمدلله كانت فرحه كبيرررره للجميع .. واحلا فرحه هي فرحة امي يوم اتصل عليها زوجي تقول ماصدقت لانك ماعلمتيني ..وحتى ظهورك بالواتس قريب ههههه ..لاني اعرفها تتابع اخر ظهور لي اذا كان قريب تطمنت ..فحاولت ما اقلقها وصرت ادخل الواتس كلما خف الالم .. واحتسبت الاجر ان ربي يخفف عني مثل ماخففت عنها هذا الهم .. فأنصحكم يابنات بالمشي من بداية الطلق الى اخر لحظه .. حتى المشي الخفيف ينفعك بإذن الله مع الدعاء .. كنت خايفه يربطوني بالتخطيط وبرضو خوفي اني اصادف دكتور كنت ادعي ان ربي يسترني ولايحوجني لدكتور ويسخر لي الارض ومن عليها ويجعلها اسهل واسرع ولاده .. والحمدلله ربي سخر لي الممرضات و العاملات وحتى القابله كنت خايفه تخليني لان عندها حالات كثيره في نفس اللحظه لكن الحمدلله ربي يسرلي امور المستشفى احسن مما توقعت واستجيبت دعواتي . برضو يابنات ابتعدو عن القرفه والقشر والاشياء الحاره لاتغامرون ابدا..الحمدلله اني ماشربتها اتوقع بيكون الطلق مضاعف .. لانها تحمي الطلق والرحم باقي ما ينفتح الا على البطييييئ مع قوة الالم .. لكن خلي طاقتك للحظات الاخيره وقت اشتداد الطلق كلها ساعة شده وتخلصين ان شاءالله .

اكشني صحيت صباح الاربعاء كنت احس جسمي فيه الم غريب .. كلللل جسمي فيه مثل الرضوض اول مره احس...

تاجي حجابي :

بنات امس كانت مراجعتي والدكتورة فحصتني داخلي وكان الرحم شوي سميك في بداية الليونة وبس فاتحة ١ سنتي ونص .. قالت بساعدج خذي نفس وماحسيت بألم قالت لي وسعت لج شوي لان الرحم بعده ماصار لين حيل. المهم رجعت البيت ريحت شوي وصليت العشا وبلشت مشي وتعشيت رطب وكوب يانسون مشيت ساعة صعدت ونزلت الدرج كم مرة ورحت نمت وجسمي هالك تعبان صحيت الفجر للصلاة واحس كأني مضروبة جسمي يعورني بشكل . رحت تبخرت من تحت بمرامية وقشر بصل وتدفيت زين وشربت كوب حلبة وانا متدفية واقرا وردي والأذكار واحس بطلق خفيف الم دورة وبعده يطلع مني غازات ورياح من المهبل .وعلى هالحال قلت يابنت قومي تمشي يمكن يزيد . علما اني بالاسبوع٣٧ وهذي ولادتي التاسعة ماشالله وعندي من قبل ٣ ولادات مبكرة يموتون فيها الأجنه بعد الولادة . أكمل... رحت نمت وصحيت مع اذان الظهر دخلت الحمام تكرمون شفت مخاط احمر وثقيييل وتم ينزل وخف العصر . طول هذا الوقت وانا احس جسمي متكسر وبس انام وكبدي تلووووع حتى ماكليت . بس اكل رطب وماي . بنات معاي مثل الطلق الكاذب حتى أمي موعارفة شي عن السدادة تقول ماقط مرت عليها . انا مجربتها قبل هالمرة ببنتي وعقب ٣ ايام ولدت . بس كان بدون ألم . الحين تعب وألم وغثيان .. بنات شنو أسوي شوروا علي.. مابي اروح المستشفى الحين . لكن من تقدر تفيدني هل بعد السدادة يترقق الرحم؟ شنو اقدر اشرب؟

بنات امس كانت مراجعتي والدكتورة فحصتني داخلي وكان الرحم شوي سميك في بداية الليونة وبس فاتحة ١...

هديتي انت :

توما انا مثلك قدام امي واخواتي ارضع ودع المكشوف😂 وحده من اخواتي هي الي تستحي لما تشوفني مو انا خخخخخخ

توما انا مثلك قدام امي واخواتي ارضع ودع المكشوف😂 وحده من اخواتي هي الي تستحي لما تشوفني مو انا...