توكلت بالله :

بنات انا زي هذا اليوم الاسبوع الماضي ولدت ولكن بعد يومين من خروجي للمستشفى بنتي تعبانه ورجعناها المستشفى والحين هيه بالعناية المركزة عندها بكتريا بالدم وتحت الملاحظه والفحوصات تكفون كل من تقراء كلامي تدعي ربي يشفيها ويطمن قلبي عليها يمكن ربي يستجيب منكم وتكون ساعه اجابة بالجمعه المباركة وربي انا بهم مايعلم به الا الله مااقول غير الحمدلله على كل حال اللهم لا اعتراض

بنات انا زي هذا اليوم الاسبوع الماضي ولدت ولكن بعد يومين من خروجي للمستشفى بنتي تعبانه...

حرم المهندس & :

آمين جزاك الله خير

آمين جزاك الله خير

صدفة حياه :

اكشني صحيت صباح الاربعاء كنت احس جسمي فيه الم غريب .. كلللل جسمي فيه مثل الرضوض اول مره احس كذا .. خصوصا بطني كأنه الم كدمات .. مدري ليه حسيت ولادتي قررربت هذي اليومين ( ماتوقعت ابدا ابدا اولد نفس اليوم ) لان ماعندي اي علامه غير الطلق الكاذب والغير منتظم رغم انه قوي . راح زوجي للدوام وماعلمته بالالم لاني كل يوم اعلمه ويختفي كل شي فجأه ..فقلت اسكت دام انه خفيف .. ورجعت نمت الى ١٠ وصحيت على دم كثير ينزل مني .. انفجعت وقمت بدلت ملابسي ورجعت سريري اقرأ قران حتى اشوف الوضع .. والدم لازال بس اخف اشوي ومعه الم مثل الدورة بس قووووي بالغصب استحملته .. كلمت زوجي لاني خفت يكون علامة انفصال بالمشيمه .. انفجع وجاني ع طول ودعت بناتي ( كانت اسواء لحظه😭بس حاولت ما ابكي قدامهم لانهم كانو فرحانين خصوصا الصغيرررره .. قالت ياماما تكفين جيبي النونو معك) اخ قطعت قلبي تقطيع.. قلت ان شاءالله بس ادعولي معاكم 😢 بعدها جري ع الطوارئ ..للأسف كان زحمه وفي حالات ولاده كثيره بالغصب جا دوري و دخلت ع الدكتورة .. كشفت وقالت ٢ونص والدم علامة ولاده و المشيمه والجنين وضعهم كويس .. ولازم انتظر تعيد الكشف تشوف اذا استمر ينفتح ف بتدخلني تنويم ... كنت بوضع مو مصدقه ولا مستوعبه لان كل شي صار بسرعه .. بعد اقل من ساعه تقريبا كشفت وكان ٣ .. قالت خلاص بتكتب لي تنويم بس اضل في الطوارئ حتى يفتح الى ٥ او ٦ وادخل الولاده ع طول عشان اكون تحت الملاحظه .. وقالت لي امشي لاتجلسي ابدا حاولي قد ماتقدري تتمشي .. وفعلا طول الوقت امشي بالممر رايحه جايه ..والالم كان خفيف بس منتظم ومستمر الحمدلله .. مشيت ساعه ورجعت كشفت علي تقول ٣ونص الحمدلله ..ورجعت امشي قطعت نفسي بالمشي من العصر للمغرب والالم يزييييييد بس محتمل .. والكشف ٤ونص .. قبل المغرب بشوي جاتني ضييييقه ودي ابكي وبس ..طلعت امشي برا الطوارئ في ممرات المستشفى الحمدلله كانت فاضيه وانفجرت بكااااااا ودي شي يخفف عني لاني كنت لوحدي مامعي احد حتى امي ماعلمتها .. واهل زوجي عندي بالبيت بس مو متوقعين اولد بنفس اليوم فالوضع عادي عندهم ..حتى زوجي كان متطمن لان ماعمره شافني اتألم وقت الولاده وطلع من المستشفى وبقيت وحدي اتعصر الالم وادعي ربي وابكي ونا امشي بالممرات .. دعيت اني اولد العشا لان الالم تعبني ووصلت حدددي . بعد المغرب جا زوجي يتطمن ع اساس ان الولاده باقي بعيده ..مايدري اني بهذا الوضع .. يوم شافني ابكي والالم ذابحني انصدم قال خلينا نطلع نمشي برا وتشمين هوا ( لان اذا جاتني الطلقه خلاص انكتم وارفع الغطوه ) مشينا حتى وصلت عند باب المستشفى وجاني الطلق حسيت معه ان الجنين نزل الحوض والدم كان ينزل كثير مع كل طلقه مثل النزيف .. قلت لزوجي خلاص رجعني احس الولد بيطلع .. بالغصب سحبت نفسي وانا ابكي واشاهق حتى وصلت للدكتورة قلت خلاص ماعد استحمل .. يوم شافت شكلي قالت خلاص انتي ولاده اطلعي فوق للغرفه .. واخذوني وطلعوني بالعربه وانا ما اقدر اجلس عليها احس شي بيطلع ..ودعت زوجي وطلعت غرفة الولاده .. لبسوني الممرضات لاني ماعد اقدر اتحرك من الالم.. احس بالموت خلاص كأني بأخر لحظه من حياتي ..يارب يكتب لنا الاجر .. ثواني وجاني الطلق واناديهم واصارخ من الالم وتجي القابله وتفتح كيس المويه بالابره اللي قلتولي عنها لاول مره اعرفها .. وتقيس تقول ٩ .. ما صدقت سبحان الله احس المشي نفعني بفضل الله وفتح الرحم بسرعه .. وقلت للقابله تكفين خليك عندي وساعديني( سبحان اللي سخرهم لي ) قالت يالله دفي وهي تحاول توسع بيدها وتمسك الراس .. وانا ادف وادف بس ينقطع نفسي لاني ما اكلت شي طول اليوم وهذا غلط ماعندي طاقه للدفع ابدا .. والقابله تصارخ تقول لاتوقفي دفي تكفين الولد اختنق وتبرز ف بطنك .. كنت ادعي ربي يفرج عني حتى وانا بلحظات الدفع .. واخر طلقه كانت مميييييييييته وتذكرت بنتي وكلامها ( ماما تكفين جيبي النونو معك) 😭جاتني طاقه عجيبه ودفيت بأقوى ماعندي وطولت بالدف توقعت تطلع روحي مع طلعت راس الجنين من التعب .. واخيرا طللللللع النتفه وانا اصارخ الحمدلله الحمدلله .. طبعا الولد شقني واحتجت خياطه كان الالم مثل الناااااااار ..بس تهون عند الم الولاده . واتصلت ع زوجي وبشرته طبعا ما صدقني يقول توك طالعه من عندي ههههههههه لكن الحمدلله كانت فرحه كبيرررره للجميع .. واحلا فرحه هي فرحة امي يوم اتصل عليها زوجي تقول ماصدقت لانك ماعلمتيني ..وحتى ظهورك بالواتس قريب ههههه ..لاني اعرفها تتابع اخر ظهور لي اذا كان قريب تطمنت ..فحاولت ما اقلقها وصرت ادخل الواتس كلما خف الالم .. واحتسبت الاجر ان ربي يخفف عني مثل ماخففت عنها هذا الهم .. فأنصحكم يابنات بالمشي من بداية الطلق الى اخر لحظه .. حتى المشي الخفيف ينفعك بإذن الله مع الدعاء .. كنت خايفه يربطوني بالتخطيط وبرضو خوفي اني اصادف دكتور كنت ادعي ان ربي يسترني ولايحوجني لدكتور ويسخر لي الارض ومن عليها ويجعلها اسهل واسرع ولاده .. والحمدلله ربي سخر لي الممرضات و العاملات وحتى القابله كنت خايفه تخليني لان عندها حالات كثيره في نفس اللحظه لكن الحمدلله ربي يسرلي امور المستشفى احسن مما توقعت واستجيبت دعواتي . برضو يابنات ابتعدو عن القرفه والقشر والاشياء الحاره لاتغامرون ابدا..الحمدلله اني ماشربتها اتوقع بيكون الطلق مضاعف .. لانها تحمي الطلق والرحم باقي ما ينفتح الا على البطييييئ مع قوة الالم .. لكن خلي طاقتك للحظات الاخيره وقت اشتداد الطلق كلها ساعة شده وتخلصين ان شاءالله .

اكشني صحيت صباح الاربعاء كنت احس جسمي فيه الم غريب .. كلللل جسمي فيه مثل الرضوض اول مره احس...

غيوم ☁️ :

انا ماجربت القيصيري وانا شاءالله مااجربه لكن اشربي قشر ويانسون واذا مشيتي وقدرتي اشفطي بطنك لداخل سمعت انه ينفع كثير بس انتبهي تربطين لان يسبب التصاقات للرحم وترى توك لسى مالك اسبوع استمري على اللي قلت لك وتطلعين من الاربعين ببطن صغير ويادوب باين

انا ماجربت القيصيري وانا شاءالله مااجربه لكن اشربي قشر ويانسون واذا مشيتي وقدرتي اشفطي بطنك لداخل...

Aml al7ob :

عن تجربه الشفاط اليدوي مرهق ودايما يقولون استثمري في شفاط زين هالمره اخذت ميديلا الكهربائي بعد تجربه اختي له لاني جربت اليدوي والثاني اللي بالكرباء بس بسيط مافيه سرعات او مساج للصدر نصيحه دفي صدرج بالكمادات وحاولي ترطبي الحلمات دايما لانه جفافها يسبب تشققها والالم وتاكدي من مسكه البيبي للصدر

عن تجربه الشفاط اليدوي مرهق ودايما يقولون استثمري في شفاط زين هالمره اخذت ميديلا...