ورد أحمــر11 :

بكتب لكم اكشن ولادتي كانت مره مقفله معاي قالو لي عنق الرحم سميك و الطلق عندي مره مره خفيف لايذكر يوم الخميس قبل الظهر طلبت زوجي عصير اناناس وقلت له نبههم لايخففونه يخلونه ثقيل<~ع اساس تأثيره بيصير اقوى 😂😂 جاب لي لتر ونص وشربت منه اتغصب حول 4اكواب 😭 وجاني بعده حرقان وسد شهيتي ماقدرت آكل شيء بعده صليت الظهر وطاحت عيني على الفكس اخذته بيدي ودهنت ظهري وأسفل بطني وأسفل رجولي😁<~اللي مو متعوده عليه وقت الحمل لاتاخذه بس انا متعوده والحمدلله مايضرني وطلبت زوجي بعد العصر نطلع المول عشان امشي طلعنا الساعه 5 ونص ومشيت لين ماأذن المغرب ... وانا كنت احس بطلق خفيف بس تجاهلته وركبت السياره ومع المطبات والطريق زاد الألم ماصدقت نفسي وحتى ماقلت لزوجي نزلت البيت وغسلت ملابس العيال ومازال مستمر وامشي بالبيت احسه يزيد مع المشي وأُكلت رطب وشربت كوب يانسون لما شفته مستمر كذا قلت لزوجي وقال يلا مشينا وصلت المستشفى بعد العشاء مو متذكره بالضبط الساعه كم كشفت الدكتوره قالت3سم سألتني بيتك بعيد قلت لها اي قالت ماتطلعين بما انك والدة من قبل ممكن بأي لحظه تولدين بس قالو امشي طبعاً مشيت وكان مستمر الطلق مر الوقت وانا امشي انهكت نفسي ومو راضين يطلعوني الا على مسؤوليتي وانا خوافه خفت فعلاً تجي الولادة وماالحق ع المستشفى تقريبا الساعه2 بعد منتصف الليل قالو مفتوح 4 وانا اقول كل هالألم وبس4😭😭💔 قالت عنق الرحم عندك مازال سميك مو لين وقالت ع الساعه5بنحط لك ابرة لتليين عنق الرحم <~تذكرت قلب عصفورة قالت عطوها هالابرة صبرت وكل الوقت ادعي ربي وجت الساعه 5 حطو لي الابرة وسوت لي تحريض💔💔تقول بفصل غشاء الطفل عن الرحم بخركه بأصابعي ولازم تتحملين وتساعديني عشان تولدين😖 الحمدلله وكلت امري لله وصبرت ماراح احكي لكم عن الألم عشان ماأخوفكم وقالت الساعه6 بجي اشوف عنق الرحم صار لين او لا اذا صار لين بفك لك موية الجنين رجعت الساعه 6 وقالت ماشاءالله صار أطرى من الأول الحين بفك المويه وفكتها بإبرة بلاستيك والطلق زاد اووه يارب الأجر لكل الامهات وطول الوقت ادعي جت الدكتوره الساعه 7 وربع تقريباً الساعه كانت قبال وجهي كل شوي اناظرها كشفت وقالت 5 سم <~هنا جاني احباط صرت ابكي من الألم وادعي ربي يفرج عني ومع شدة الطلق صرت احس بحرقان بالمنطقه الله لايوري مسلم مثل النار وطلع التهاب بالمثانه قالت لي الدكتورة ان المنطقه ملتهبه عندي مرت يابنات ربع ساعه وعلى الساعه 7 ونص تقريباً شدت الطلوق وصلت الولادة واحس بدفع والسسترات مو مصدقيني لأنه قبل ربع ساعه كان 5 سم قهرني برودهم احلف لهم بربي اني بولد خلاص جت الدكتوره على صوتي وانا اترجاهم يولدوني وشافتي بدون كشف شكلها شافت الراس قرب وقالت يلا ولادة😭💔💔💔اه يارب من القهر صرت اقول حسبي الله ونعم الوكيل وارددها تذكرت وحده هنا منكم تقول كانت وحده تولد جنبها تقول يارب انصرني😭💔الوحده بهاللحظات تحس مافي احد ارحم عليها من ربها بدو يجيبون اغراض الولاده وضبطو الكرسي وانا خلاص بموووت من الألم بس ابغى بنتي تطلع اقولهم يلااااااا بسررررعه وادفع مرتين بكل قوتي واقول دكتورة ساعديني قالت شقيت واللهي 😂باقي انتي يلا لاتوقفين دفي ودفيت بنفس واحد طلع راسها وخارت كل قواي وهي تقول يلا بعد عشان الكتوف استجمعت ودفيت وطلعت البنوته الحمدلله وتقول يلا كحي عشان تطلع المشيمه عيت تطلع الكحه😂ماعاد فيني حيل خلاص سوت مساج للبطن وطلعت المشيمه وخيطت الجرح والحمدلله انتهت رحلة الحمل والله يبارك لي ببنتي ويجعلها من الصالحات وعقبال البقية ربي ييسر لهم ونفرح بسلامتهم

بكتب لكم اكشن ولادتي كانت مره مقفله معاي قالو لي عنق الرحم سميك و الطلق عندي مره مره خفيف...

roro roozy :

أنا جبت لولدي مصاصة بهذلني بس يبغى صدري في فمه حتى وهو شبعان صار صدري يوجعني من كثر المص جبت له مصاصة أريح نفسي بها شوي والنوع ما اقدر أفيدك ايش الأفضل لأن زوجي جاب لي وحدة ما عجبتني كثير بس مشيت حالي بها والبودرة أنا أحطها لعيالي زي ما قلتي أحسها تبرد عليهم

أنا جبت لولدي مصاصة بهذلني بس يبغى صدري في فمه حتى وهو شبعان صار صدري يوجعني من كثر المص جبت...

أسعد فتاه بالعالم :

المصاصه ضرورية بالنسبه لي احيانا يكون شبعان ويبغى يمص بس فالمصاصه منقذه اما البودرة ماقد اشتريتها ولا استخدمتها

المصاصه ضرورية بالنسبه لي احيانا يكون شبعان ويبغى يمص بس فالمصاصه منقذه اما البودرة ماقد...

Dhana22 :

ايفنت او تومي تيبي البودره انا أحط

ايفنت او تومي تيبي البودره انا أحط