Dhana22
•
لا والله خبري فيها من قالت ولدها مريض واختفت الله يطمنا عليها
Dhana22
•
صباح الخير الحمدلله أمس بعد المغرب طلعت من المستشفى معليش طولت عليكم اكشني الله يسعدكم من ليلة الخميس وانا متضايقه مررره من الثقل والنفسيه الحمدلله على كل حال المهم رحت ليلة الخميس وعبيت البانيو مويه داااافيه مررره وجلست فيه حوالي ساعه بعدها قمت ولبست ملابسي وقلت لزوجي بروح لممشى ابي امشي ورحنا ومشيت بخطوات متباعده وطولت وانا امشي الين ماحسيت بتعب وتحجر بسيط بعدها رحنا للبيت ونمت مع زوجي المهم صحيت الظهر على الالم والتحجر بس مكان منتظم رحت تسبحت بعد بمويه حاااره وجلست أولم أغراض ولدي وارتب بعض الأشياء على صلاة العصر بدا ينتظم جلست اتصبر واشرب قرفه بدا يزيد الين اذان العشاء صار الالم مو محتمل رحت لمستوصف جنب بيتي قالت مفتوح الرحم 2 سم تضايقت كل هالالم على 2سم واجلس اكثر من الصلاة على الرسول اللهم صَلِّ وسلم على نبينامحمد واطلع الدرج وانزل ويوم جت الساعه 11 بالليل أخذت ولدي ونزلته عند اختي هو وأغراضه ومشينا للمستشفى اول مادخلت على الطوارى صرت اسحب رجولي شد الالم معاي قلت لهم انا عندي قيصري اول والحين معاي طلق على طول خافو دخلوني على الفحص قالو 3سم وجلست بالتخطيط ويوم وصل 5 سم نقلوني للولاده وجابو لي الدكتور قالو عشان عندك قيصري دخل علي الدكتور قال بفحصك وفحص قال خليته 6 سم وبفك المويه عشان ماتطولين بالطلق ويأثر على جرحك فتح المويه وزاد الالم قلت الله يسعدك ابي مسكّن بيتادين هذا ياااابنات ماشاءالله مفعوله تقريبا مثل مفعول إبرة الظهر بس وقت الدفع تحسين بالطلق وتدفعين المهم قال أبشري وبنحاول قد مانقدر بالطبيعي واذا ماقدرنا بنحولك قيصري قلت خلاص وجلست ادعي بالخيره لي ولجنيني وادعي بالتيسيرلي ولكل حامل المهم اعطوني الابره والحمدلله بدا يخف الالم بس وقت ماتجي الطلقه احس فيها بس مو قويه مرره على الساعه 4 دخلو علي خمس دكتورات مع القابله اللي عندي وقالو يالله ادفعي جلست ادفع بالبدايه ماعرفت وجلسو يصارخون علي دفي كتمتي البيبي وادفع اخر شي قلت ابي قيصري خفت على ولدي قالو لاااا مو بكيفك ادفعي وأنواع الصراخ علي جلست ادفع بقوه قلت خلاص ابي قيصري أخذت الدكتوره يدي ولمستني حاجه لينه قالت شفتي طلع الراس دفي بقوه جابت القابله المشرط وجلست توسع هنا حسّيت بألم مضاااعف ومن حر الالم صرخت صرخه طلع راْسه وبعدها طلع كله بكيت فرحه وماني مصدقه اني اشوف ولدي ماشاءالله اللهم لك الحمد عسى ربي يرزق كل مسلمه بهاللحظه 😭😭😭 باركو لي بعد الهواش 😂😂 وقالو سامحينا بس والله كل اللي سويناه لمصلحتك قلت ادري والله وجزاكم الله خير إنكم ماطعتوني بالقيصري انا مابي قيصري بس من خوفي على جنيني ومن الالم اللي احس فيه جت بعدها دكتوره الخياطه وخيطتني وطلعوني للتنويم وانتهت رحلت وهنّ على وهن اللهم لك الحمدكما ينبغي لجلال وجهك وعظيم سلطانك تفاصيل🙂 المستشفى ماشاءالله ماعليه كلام من ناحية النظافه وأسلوب الطاقم الطبي 👍🏻صباح الخير الحمدلله أمس بعد المغرب طلعت من المستشفى معليش طولت عليكم اكشني الله يسعدكم من ليلة...
مأجوره يا قلبي اهم شي انتي وولدك بصحه وسلامه
الصفحة الأخيرة