اتجاه الخيررر :

الجمعه راح زوجي وعيالي لااهله وقلت يلا بااهتم بنفسي واسووي حمام مغربي دخلت غرفتي وقفلت الباب عشان الشغاله موجوده وحطيت بنتي على السرير وخليت باب الحمام مفتوح عشان اذا صاحت اسمعها واول ماحطيت الخلطه قامت تصيح 😯😯😯 واغسل جسمي سريع والبس روب واطلع لها وانومها واعطيها المصاصه وارجع الحمام عشان افرك جسمي بالليفه وقامت تصيح واتليف سريع سريع واطلع لها واسكتها وارجع احط الخلطه الصابونيه وانتضر دقايق الا ترجع تصيح واتسبح وارطب جسمي واطلع اف كان اطوول حمام اخذه وارضعها وتنام نووومه عميقه خير والازعاج والقلق اللي سويتيه لي وش مناسبته 😣😣😣

الجمعه راح زوجي وعيالي لااهله وقلت يلا بااهتم بنفسي واسووي حمام مغربي دخلت غرفتي وقفلت الباب عشان...

ورد أحمــر11 :

بكتب لكم اكشن ولادتي كانت مره مقفله معاي قالو لي عنق الرحم سميك و الطلق عندي مره مره خفيف لايذكر يوم الخميس قبل الظهر طلبت زوجي عصير اناناس وقلت له نبههم لايخففونه يخلونه ثقيل<~ع اساس تأثيره بيصير اقوى 😂😂 جاب لي لتر ونص وشربت منه اتغصب حول 4اكواب 😭 وجاني بعده حرقان وسد شهيتي ماقدرت آكل شيء بعده صليت الظهر وطاحت عيني على الفكس اخذته بيدي ودهنت ظهري وأسفل بطني وأسفل رجولي😁<~اللي مو متعوده عليه وقت الحمل لاتاخذه بس انا متعوده والحمدلله مايضرني وطلبت زوجي بعد العصر نطلع المول عشان امشي طلعنا الساعه 5 ونص ومشيت لين ماأذن المغرب ... وانا كنت احس بطلق خفيف بس تجاهلته وركبت السياره ومع المطبات والطريق زاد الألم ماصدقت نفسي وحتى ماقلت لزوجي نزلت البيت وغسلت ملابس العيال ومازال مستمر وامشي بالبيت احسه يزيد مع المشي وأُكلت رطب وشربت كوب يانسون لما شفته مستمر كذا قلت لزوجي وقال يلا مشينا وصلت المستشفى بعد العشاء مو متذكره بالضبط الساعه كم كشفت الدكتوره قالت3سم سألتني بيتك بعيد قلت لها اي قالت ماتطلعين بما انك والدة من قبل ممكن بأي لحظه تولدين بس قالو امشي طبعاً مشيت وكان مستمر الطلق مر الوقت وانا امشي انهكت نفسي ومو راضين يطلعوني الا على مسؤوليتي وانا خوافه خفت فعلاً تجي الولادة وماالحق ع المستشفى تقريبا الساعه2 بعد منتصف الليل قالو مفتوح 4 وانا اقول كل هالألم وبس4😭😭💔 قالت عنق الرحم عندك مازال سميك مو لين وقالت ع الساعه5بنحط لك ابرة لتليين عنق الرحم <~تذكرت قلب عصفورة قالت عطوها هالابرة صبرت وكل الوقت ادعي ربي وجت الساعه 5 حطو لي الابرة وسوت لي تحريض💔💔تقول بفصل غشاء الطفل عن الرحم بخركه بأصابعي ولازم تتحملين وتساعديني عشان تولدين😖 الحمدلله وكلت امري لله وصبرت ماراح احكي لكم عن الألم عشان ماأخوفكم وقالت الساعه6 بجي اشوف عنق الرحم صار لين او لا اذا صار لين بفك لك موية الجنين رجعت الساعه 6 وقالت ماشاءالله صار أطرى من الأول الحين بفك المويه وفكتها بإبرة بلاستيك والطلق زاد اووه يارب الأجر لكل الامهات وطول الوقت ادعي جت الدكتوره الساعه 7 وربع تقريباً الساعه كانت قبال وجهي كل شوي اناظرها كشفت وقالت 5 سم <~هنا جاني احباط صرت ابكي من الألم وادعي ربي يفرج عني ومع شدة الطلق صرت احس بحرقان بالمنطقه الله لايوري مسلم مثل النار وطلع التهاب بالمثانه قالت لي الدكتورة ان المنطقه ملتهبه عندي مرت يابنات ربع ساعه وعلى الساعه 7 ونص تقريباً شدت الطلوق وصلت الولادة واحس بدفع والسسترات مو مصدقيني لأنه قبل ربع ساعه كان 5 سم قهرني برودهم احلف لهم بربي اني بولد خلاص جت الدكتوره على صوتي وانا اترجاهم يولدوني وشافتي بدون كشف شكلها شافت الراس قرب وقالت يلا ولادة😭💔💔💔اه يارب من القهر صرت اقول حسبي الله ونعم الوكيل وارددها تذكرت وحده هنا منكم تقول كانت وحده تولد جنبها تقول يارب انصرني😭💔الوحده بهاللحظات تحس مافي احد ارحم عليها من ربها بدو يجيبون اغراض الولاده وضبطو الكرسي وانا خلاص بموووت من الألم بس ابغى بنتي تطلع اقولهم يلااااااا بسررررعه وادفع مرتين بكل قوتي واقول دكتورة ساعديني قالت شقيت واللهي 😂باقي انتي يلا لاتوقفين دفي ودفيت بنفس واحد طلع راسها وخارت كل قواي وهي تقول يلا بعد عشان الكتوف استجمعت ودفيت وطلعت البنوته الحمدلله وتقول يلا كحي عشان تطلع المشيمه عيت تطلع الكحه😂ماعاد فيني حيل خلاص سوت مساج للبطن وطلعت المشيمه وخيطت الجرح والحمدلله انتهت رحلة الحمل والله يبارك لي ببنتي ويجعلها من الصالحات وعقبال البقية ربي ييسر لهم ونفرح بسلامتهم

بكتب لكم اكشن ولادتي كانت مره مقفله معاي قالو لي عنق الرحم سميك و الطلق عندي مره مره خفيف...

للمعالي سمو :

السلام الحمدلله ع سلامة اللي ولدو نصيحه اللي تستشير وين تنفس تروح بيت اهلها والله النفاس ممل وكئيب استغفر الله بس والحمدلله على كل حال انا اليوم ماادري وش خلاني ادخل قوقل وليتني مادخلت كتبت الاعراض اللي عند بنتي وبدت نوبة بكاء عندي ادعو لها بنات وربي نفسيتي تعبانه امانه عليكم اللي تولدون تدعون ان ربي يقر عيني بشفائها ولايحرمني منها وييسر امر علاجها كله ولايختبر صبري فيها ياحبيبي ياربي واللي تعرف كيف ينرفع معروض عشان تتعالج ع حساب الدوله تعلمني يعني وش الاجراءات المفروضه هي موعدها الاسبوع الحاي عند طبيب عام ومدينتنا مستشفاها اي كلام بس الله ييسر

السلام الحمدلله ع سلامة اللي ولدو نصيحه اللي تستشير وين تنفس تروح بيت اهلها والله النفاس ممل...

حرم المهندس & :

اكشني وفيه توضيح ليش تقدمت العمليه جيت تنويم ١١ بالليل وبديت صيام من ١٠ وسوولي فحوصات من ضمنها التخطيط وطلع معي طلق على خفيف بس فيه خطوره عليه عشان العمليات ودخلوني تنويم وزاد الالم بالليل وانا دايخه ابغى انام بس الالم قوي وفعلا احس الطفل يدفع نفسه جو عالساعه ٥ سوو تخطيط طلع طلق قوي وطلبت الدكتوره المناوبه تفحصني من تحت انا رفضت في البدايه بس قالت لازم احتمال نقدم وقت العمليه فصحتني وطلعت من عندي بسرعه قمت اناديها خفت رجعتقالت لازم العمليه بسرعه وراحت استدعت الدكتور حقي وجهزوني في ظرف ربع ساعه الا دكتور التخدير ودكتور العمليه موجودين وكان تخدير كامل الحمد لله تعبت بعد العمليه تعب فضيع بس ابكي من قوة الالم جاست في الافاقه تقريبا ساعه ونص وبعدها عالتنويم لكن جلست اتالم ايلين اعطوني ابره مسكنه و منومه وبعدها نمت ومعاد حسيت على نفسي ولدي دخلوه الملاحظه عنده هبوط بالسكر ان شاء الله يومين ثلاثه ويطلع دعواتكم له والله يسلمكم جميع ويبارك فيكم وعقبال اللي ماولدوا بولادات سهله ميسره

اكشني وفيه توضيح ليش تقدمت العمليه جيت تنويم ١١ بالليل وبديت صيام من ١٠ وسوولي فحوصات من...

البلوووره 111 :

صباح الخير الحمدلله أمس بعد المغرب طلعت من المستشفى معليش طولت عليكم اكشني الله يسعدكم من ليلة الخميس وانا متضايقه مررره من الثقل والنفسيه الحمدلله على كل حال المهم رحت ليلة الخميس وعبيت البانيو مويه داااافيه مررره وجلست فيه حوالي ساعه بعدها قمت ولبست ملابسي وقلت لزوجي بروح لممشى ابي امشي ورحنا ومشيت بخطوات متباعده وطولت وانا امشي الين ماحسيت بتعب وتحجر بسيط بعدها رحنا للبيت ونمت مع زوجي المهم صحيت الظهر على الالم والتحجر بس مكان منتظم رحت تسبحت بعد بمويه حاااره وجلست أولم أغراض ولدي وارتب بعض الأشياء على صلاة العصر بدا ينتظم جلست اتصبر واشرب قرفه بدا يزيد الين اذان العشاء صار الالم مو محتمل رحت لمستوصف جنب بيتي قالت مفتوح الرحم 2 سم تضايقت كل هالالم على 2سم واجلس اكثر من الصلاة على الرسول اللهم صَلِّ وسلم على نبينامحمد واطلع الدرج وانزل ويوم جت الساعه 11 بالليل أخذت ولدي ونزلته عند اختي هو وأغراضه ومشينا للمستشفى اول مادخلت على الطوارى صرت اسحب رجولي شد الالم معاي قلت لهم انا عندي قيصري اول والحين معاي طلق على طول خافو دخلوني على الفحص قالو 3سم وجلست بالتخطيط ويوم وصل 5 سم نقلوني للولاده وجابو لي الدكتور قالو عشان عندك قيصري دخل علي الدكتور قال بفحصك وفحص قال خليته 6 سم وبفك المويه عشان ماتطولين بالطلق ويأثر على جرحك فتح المويه وزاد الالم قلت الله يسعدك ابي مسكّن بيتادين هذا ياااابنات ماشاءالله مفعوله تقريبا مثل مفعول إبرة الظهر بس وقت الدفع تحسين بالطلق وتدفعين المهم قال أبشري وبنحاول قد مانقدر بالطبيعي واذا ماقدرنا بنحولك قيصري قلت خلاص وجلست ادعي بالخيره لي ولجنيني وادعي بالتيسيرلي ولكل حامل المهم اعطوني الابره والحمدلله بدا يخف الالم بس وقت ماتجي الطلقه احس فيها بس مو قويه مرره على الساعه 4 دخلو علي خمس دكتورات مع القابله اللي عندي وقالو يالله ادفعي جلست ادفع بالبدايه ماعرفت وجلسو يصارخون علي دفي كتمتي البيبي وادفع اخر شي قلت ابي قيصري خفت على ولدي قالو لاااا مو بكيفك ادفعي وأنواع الصراخ علي جلست ادفع بقوه قلت خلاص ابي قيصري أخذت الدكتوره يدي ولمستني حاجه لينه قالت شفتي طلع الراس دفي بقوه جابت القابله المشرط وجلست توسع هنا حسّيت بألم مضاااعف ومن حر الالم صرخت صرخه طلع راْسه وبعدها طلع كله بكيت فرحه وماني مصدقه اني اشوف ولدي ماشاءالله اللهم لك الحمد عسى ربي يرزق كل مسلمه بهاللحظه 😭😭😭 باركو لي بعد الهواش 😂😂 وقالو سامحينا بس والله كل اللي سويناه لمصلحتك قلت ادري والله وجزاكم الله خير إنكم ماطعتوني بالقيصري انا مابي قيصري بس من خوفي على جنيني ومن الالم اللي احس فيه جت بعدها دكتوره الخياطه وخيطتني وطلعوني للتنويم وانتهت رحلت وهنّ على وهن اللهم لك الحمدكما ينبغي لجلال وجهك وعظيم سلطانك تفاصيل🙂 المستشفى ماشاءالله ماعليه كلام من ناحية النظافه وأسلوب الطاقم الطبي 👍🏻

صباح الخير الحمدلله أمس بعد المغرب طلعت من المستشفى معليش طولت عليكم اكشني الله يسعدكم من ليلة...