Mamas&papas :

اول شي ابدا فيه هو حمد ربي. سبحانه وتعالى. سبحان خالق النفس من النفس. ياارب احمدك واشكرك واثني عليك. حسيت اني بااموت كنت دايم اسمع مقوله. الم الولاده اقوى الم بس ماتوقعت اني بااتالم الى هذه الدرجه. ومع الالم تبقى رحمه ربي خالقي رازقي. بالفرج وفرحه الولاده والانجاز. احكيلكم ووالله من الصدمه الى الان مواصله عجزت انام او تغمض عيني. طبعا كلكم عارفين ان متوقع الولاده الاسبوع الماضي وحسيت اكثر من مره الم وطلق ويروح. شي غريب. يوم الخميس قمت كالعاده قبل الظهر تنظيف وشغلي المعتاد. خلصت الغسيل كله وكل شي. وشفت قطعه من السداده نزلت والله يكرمكم طول اليوم قطع منها مع مغص زي قبل. تجاهلت الولاده. وقلت لزوجي ضحك. وقال اوك. طبعا يضحك لان كثير اقول له احس باالم وبعدها يروح الالم. فماصار يصدقني. صار يقول انت زي قصه الراعي اللي كل مره يقول هجم الذيب ع الغنم🤣. طبعا انا عندي بنتين ولا ودي اخوف امي. لانها ماراح تصدق لو قلت باانزل بناتي عندها. لازم اعطيها خبر. وخصوصا انها كلمتني اكثر من مره تقول سيري علينا. تعالي تقهوي. وقلت مشغوله. المهم الالم يجي ويروح وعادي احس اني اتحمله. بس اصر زوجي الله يهديه الا نروح المستشفى. وانا اعرف ان هو يخاف يبرد الطلق. وينتظر كم يوم زياده. اضطريت البس بناتي واعطيهم لبس واغراض لهم. وكلمت امي. قلت بااجيب بناتي وترا احتمال مارح اولد. الالم خفيف جدا. دخلت مع بناتي عند امي وانا رايقه مره. كنت اتوقع يرجعوني لان مو الم قوي.كانت الساعه 1 ليلا توجهت لمستشفى دله الرياض. وكشفت عليه قالت 3 ونص. انت ولاده. فرحت مررره. طلعت بدلت لبسي واعطوني حقنه شرجيه. ومغذي. وقلت الحمد لله نص الهم راح. بعدين دخلت علي دكتوره وماتعرف اني اعرف انجليزي. وقامت تتكلم عني مع الممرضه لانها جابت معاها بلاستيك طويل وتبغى تكشف وتفتح المويه فطلبت منها اعدل جلستي. والمخده. قامت تقول كل المرضى كذا. من الخوف يكذبون ويتحججون بااي شي. . انا خليتها تكمل كلامها وانا اناظر فيها قلت لها ممكن تطلعين واحد غيرك يولدني. قالت ليش انا اتكلم عن نفسي. قلت انا فاهمه اش قلتي. انت قلتي كذا كذا. واخلاقيات المهنه انك ماتسبي المريض. انا منظري في وضع الرحمه. والله لو شفتوني لاحول لي ولاقوه. المهم استحت واعتذرت وخرجت من عندي. جتني طبيبه غيرها. قاست لي قالت تمام 6 ونص. قلت يالله. قالت اش فيك احمدي ربي. قلت له الحمد والشكر بس انا تعبت. طبعا جتني حاله عطش اول مررره كل شوي اشرب مريه وزاد الالم. شفت الممرضه تحط شي في المغذي. سالتها وليتني ماسالتها. قلت اش هذا قالت طلق صناعي. 😧 قلت ليش قالت عشان ولاده سريعه. قبل يخلص الشفت حقنا. طبعا الساعه 4 ونص قلت لا ماابغى صناعي خلتني ساعه وجت الدكتوره قالت وين راح الطلق. خلينا نخلص ونرتاح. اااه ياقلبي طبعا شافو الملف ولادتي السابقه قالو مكتوب فيه انك اخذتيه. قلت مااحد اعطاني خبر. وتفاجات وسبحان الله انا عندي بنتين الاولى اخذت ابره ظهر ماحسيت بالالم وطلعه الراس لدرجه انهم اضطرو للجفت لانهم يقولون ادفعي وانا بكريه. ماادري وش السالفه.بنتي الثانيه كانت ولاده سهله ميسره. رحت 3 بالليل وولدت 6 الصباح. كان كل الالم محتمل الا طلقتين اخيره وراء بعض وطلعت بنتي ماتعبت الا وقت طلوع الراس. فالولاده هذي عجيبه غريبه.قلت اجل بااخذ الصناعي وان شاالله زي اللي فاتت ومادريت عنه. بس والله الم الم قوي وتقول ادفعي وتدخل يدها تحاول توسع للبيبي. ااااه ياربي. قالت تبين توسيع قلت عادي اي شي اهم شي الالم يروح ماسوت لي الله يهديها ومع الطلقات ووضعيه الكرسي كل رجل بجهه يثبتوها تنزل مااقدر جتني رعشه قويه. ومن قوه الطلق جسمي مو ع السرير. يرتفع ويرجعون ينزلوني. طلقات وراء بعض دخل زوجي وجلس ومادريت الا انا اقول اطلللللع اطلععععع براااااا الم ودي حتى الدكتوره والممرضه يطلعون. انا طبعي وقت الالم مااحب احد معي. المهم. زاد الالم وماطلع البيبي. وبعد كم طلقه الحمد لله طلع ولانها ماوسعت فهو شق براسه. خيطت وخلصت وانا احمد ربي. ودعيت لكم والله. الله يفرج لكم ويهون عليكم. اللي ودي اقوله. اول شي انتظرو وقت الولاده وهو بيجي بااذن الله. والشي الثاني لاتستعجلون ع روحه المستشفى. لان مهما تطور الطب بطلق صناعي واي شي. الا ان الطلق اللي من ربي ارحم. ولكن الحمد لله دائما وابدا. والشي الثالث. مهما تعبتي لحضه تشوفين ضناك. يروح التعب. ويتلاشي كل شي. كل ماجابو لي ابره او وقت الخياط. يقولون معليش تحملي شوي. قلت انا تحملت الولاده اقوى الم خلقه ربي وكل شي بعده يهون. الحمد لله انكم امهات تحملون وتلدون وتؤجرون. الحمد لله انك ام وقلبك حنون ع ضناك. الحمد لله دائما وابدا. الله ييسر اموركم خواتي ويسهل للي بااقي بنات جولاي انتظرو الفرج بروح يملاها التوكل ع الله. وماخاب من توكل عليه. الله يهون على كل حامل ياارب. دعواتي وقلبي معاكم.

اول شي ابدا فيه هو حمد ربي. سبحانه وتعالى. سبحان خالق النفس من النفس. ياارب احمدك واشكرك واثني...

أسعد فتاه بالعالم :

بنات انا رضعت اول يومين طبيعي والحمدلله ثالث يوم بدت الحلمات تلتهب وتألمني مرة وقفت رضاعه نص يوم ورجعت امس ارضع ماقدرت اكمل ١٠ دقايق ألم يذبح وينزل دم 💔 ماودي اوقف رضاعه والحليب كثير ماشاءالله قلبي يوجعني على ولدي اعطيه صناعي وانا فيني حليب😭😭 فكرت اجيب شفاط الحليب بس مدري اذا بأقدر اشفط والحلمات كذا تعبانه او لا ؟ افيدوني الله يسعدكم اللي جربو شفاط ميدلا لطيف على الحلمات او لا؟

بنات انا رضعت اول يومين طبيعي والحمدلله ثالث يوم بدت الحلمات تلتهب وتألمني مرة وقفت رضاعه نص يوم...

للمعالي سمو :

اسعد انا نفس وضعك يوم ولدت يالله يالالم لما اشفط احس بموت من المالتحجر والتشققات بس استخدمت بيبانثين البرتقالي اقسم بالله شي كو طبيعي ماشاء الله تبارك الله راح الالم وصرت اقدرافرغ لان بنتي ماتعرف ترضع مني بس لازم تغسلينه قبل الرضاعه وقدامك العافيه يارب

اسعد انا نفس وضعك يوم ولدت يالله يالالم لما اشفط احس بموت من المالتحجر والتشققات بس استخدمت...

m's noof :

بنات ودي ارضع طبيعي بس ماقدرت عند اهلي والكل عندي حتى نووم عندي مافي خصوصيه استحي ارضع عند احد مادري وش اسوي

بنات ودي ارضع طبيعي بس ماقدرت عند اهلي والكل عندي حتى نووم عندي مافي خصوصيه استحي ارضع عند احد...