نفوسات اذا البيبي يظل ساعات و لا ينام مهما سويتي له و مو باين انه موجوع و لا جوعان بس صاحي ما ينام حتى لو شغلت وايت نويز و لو هزيت و كوفلته ما يفيد يعني يظل 4 او 5 ساعات صاحي .. ايش الحل ؟ و هالشي طبيعي لو لا 

يوميا كذا تقرييا .. رغم احممه و ارضعه و اسوي له كل شي و لا ينام 
هالحاله بتسبب لي انهيار عصبي 

ابغاه ينام و اجرب كل شي و لا يفيد    

الحمدلله رب العالمين
حمداً كثيراً طيباً مباركاً فيه
رزقت اليوم بمولودي وحبيبي فله الحمد وله الشكر وله الثناء
الحسن
يارب يارب تهون على اخواتي

الغودي 
الف مبروووووك والحمد لله على سلامتك 

ميدوري 
اذا كان مايصيح اشوف عادي مو لازم ينام اهم شي يرضع زين 

بنات لي بترضعو طبيعي كيف تعطو عيالكم نقط المغص عادي اعطيها في فمها مباشرة عشان ترضع من صدري بس 

اتوقع ولدت <<< زهايمر


الله يسلمكم ويخليكم يارب


يالله تعذبتي جربتي الطبيعي والقيصري .. لو توني ماولدت كان قلتلك مابقالك شي بس بما اني مجربه الله لايلومك والحمدلله عالسلامه






الحمدلله على سلامتكم حبيباتي ..، يتربون بعزكم


ياهلا فيكي

ياقلبي الف مبروووووك والحمدلله عالسلامه

اكشني المؤكشن ..،
نصيحه اللي بكريه لاتقرا << قبل مااولد اذا شفت هالكلمه اقرا حتى الللي بين السطور 😂

يوم الجمعه بالليل كان فيه مغص قوووي يجي بعده دف على تحت مع الم بالظهر يشد بقوه ويفك قلت ابد ولاده وقمت اخذت عسل ومشيت شوي وخف الالم وماعاد حسيت فيه شكيت انه فتح زياده من اسبوع معلق على 2 سانتي
يوم السبت النونو. كان يتحرك كثير ببطني بعدين هجد هجده خوفتني مااحس بحركه الا بطيئه بس رحت مشيت حول ساعه ونص واخذت حمام دافي لما رجعت ودهنت بزيت الزيتون ..، للحين ولا فيه اي بوادر ..،
يوم الاحد صحيت الظهر ومافي ببالي غير قهوه عربي اشتهيتها انا بالعاده مااحبها مع صحن تمر ولا افطرت ولا تغديت شربت الترمس كله هههه ودخلت هنا ارد عالبنات ونشوف البشارات الحركه كانت طبيعيه بس قلت بشيك عالنبض وبالمره عشان احدد موعد تنويم ابولد الاثنين تعديت اسبوع من العاشر ورحت للطواري امي معي اشوف النبض وعلى طول دخلوني وكشفو طلع فاتح 3 ونص قالتلي لازم تنويم انتي بالاسبوع 41 والرحم فاتح مايصلح تطلعين قلت تم وانا في بالي ماراح اولد اليوم طلعتني لغرفة التوليد واشوا الحق اصلي العشا بعدين جات الدكتوره سوت تحريض وسعت شوي وفتحت المويه والممرضه معي بالغرفه عند جهاز التخطيط تراقب فجاه قامت وحطت مسكن بالمغذي وانا اشوفها مستغربه اقولها مافي الم وهي تقول فيييه استنا شويه وبدا الجد كل ربع ساعه مغص وبعدين يقرب كل عشر دقايق ياويلي وانا اتلوى وتعطيني الاكسجين مع المخدر سالتني تبغين ابرة ظهر واقولها لا ... والله مادريت ان فيه الم اقوى والا قلت ايه ههه وحول الساعه 11 جات عطتني مخدر بالعضل وقاست طلع 5 كل هالعذاب للحين 5 وبديت اصحصح خف الالم واستانست بس كذا والله حلو هههه على بالي ماراح احس بشي اقوى من الي حسيت فيه وقعدت الى 1 بدا يرجع الألم 😰 خفيف ويبدا يزيد ويبدا الون والزن يارب والله يوجع وانا عاد من النوع الهادي اغلب المي بس دمووووع وأون بس كل مازاد كل مازاد الصياح واااه امي تكفين مااابي اولد ومااحس بنفسي اخمش نفسي وافرك جلدي بقووه واقول للمرضه جيبي مسكن اي شي تكفين المشكله انكتمت ماعاد قدرت اتنفس واحاول بالاكسجين احس مافاد واذا شلته جا الالم يارب ودموع وحاله وصراخ امي ماسكتني واحاول اتفلت منها وتجي الدكتوره تقيس بين الطلقتين طلع فاتح تسعه عطت تعليمات للمرضه وراحت عاد جا الجد وتقعد الممرضه عند رجولي وتفصل السرير وطلع كراسي الرجلين وتعلق رجليني وتقولي اتمسك بالحدايد على جنب وتجلس قدامي يلا شوف اذا حسيتي فيه براز دوووفي المشكله مااحس فيه براز احس ان المثانه تنضغط لدرجه اموت منها واصارخ مقدر اسوي شي وصرت اتمسك بفخوذي اشدها بقوه تركت الحدايد وكل ماشالو يدي رجعوها للحديده اتفلت وارجعها لفخوذي اتمسك فيها اقولها انتي شوفي وقولي متى دوف ويجي الالم واشوتها برجلي واصرخ عليها طلعي يدك ياحيوانه عورتيني وهي تقول انا اساعد ياحليلها مبتسمه انا منرفزتني ابتسامتها مدري ليه ههههه وكل ماحسيت بعزقه ادف وهي تحاول تساعد ياربي الم واحيانا ماادف بس اصارخ والنونو يدف وهي ساكته بس تراقب مابي اقول فيه دف عشان ماتعورني بيدها وتجي الدكتوره وتحاول معي واتقولي اضغطي على نفسك مابقى شي خذي نفس وسكري فمك ودفي حسيتها احسن من الفلبينيه منرفزتني بابتسامتها ولاتتكلم انا ابيها تقولي دفي استمري ماادري وش الوضع احس ماادف ابد ويبدا الصراخ والدف يارب احاول اسيطر على نفسي ودموع ماني قادره واقول لامي تكفين وقفو بموت احس مافي نفس بموت الم مااقدر اتحمله واللي زادني اني على جوع اليوم كله مااكلت وكل ماحسيت الراس قرب تشجعت اكثر واتذكر كلام البنات اذا الراس طلع الباقي كله سهل واضغط واحس اني اتقطع وطلع الراس الحمدلله بعدين دفه بعدها وطلع كله صرخت صرخه احس كل المستشفى سمع وان روحي طلعت معها الحمدلله على طول طلعو النونو وحطوها على بطني وهي تبكي شعور ماادري كيف اوصفه بس شي حلو اتفرج عليها ماادري ابكي اضحك مااعرف وشالوها يقيسونها قريب مني وكذا بعدين جابوها حضنتها وودها الحضانه ويوم جات الدكتوره تخيط وهي تنصدم ويتفرجون اللممرضات يوووه ايش هذا تقرلي الدكتوره بنتك صغيره بس لاعبه فيكي لعب مفتحتك من كل الجهات وتقعد تخيط كانت توجع الخياطه فيه جزء مافيه بنج وكل شوي اقولها تزيد البنج والحمدلله خلصت على خير البنوته جات 3 تقريبا وخلصت خياطه وكل شي 4 ونص اظن كان الخياطه جوا وبرا
وياربي لك الحمد سميناها نورة
بس للحين مصدومه من الموقف وكل مااغفا بنام اتذكر وافز من النوم مانمت من يومين الا الليله