waiting baby :

اكشني يوم الاربعا الصباح صحيت وحسيت بشي دافي ينزل طلعت السداده بدات تنزل وبعدها جا طلق كل سبع دقايق بس خفيف مو حامي بعدين بدا يتباعد ونمت الظهر جا العصر رحت بيت اهلي وسوت لي امي حليب بزعفران وعسل وبخرتني بعود بس الطلق متباعد تروشت بماي ساخن واستشورت ونظفت نفسي زين من الشعر وفي الليل طلعت مع زوجي اتمشى وبدا الطلق يحمى وداني المستشفى الساعه ١١ وقالت لي البيبي بعيد وبس مفتوح واحد ونص .. اذا صار بين الطلقه والطلقه خمس دقايق تعالي رجعت بيت اهلي وبدا مشوار الطلق الحامي والتعذيب احاول اغفي والالم يفززني جات الساعه ٦ الصباح وصار بين الطلقات ٦ دقايق بس الطلق ينفضني نفض .. دقيت على زوجي قلت له الحين تعال وصلت مرحلة اللي ما اعرف امشي واخوي حبيبي مسكني ونزلني حق زوجي في السياره فجاه مع الطلقه سمعت صوت تك ونزل الماي قلت حق زوجي واختبص يحسبني بولد في السياره 😂 يقول لي انتظري بس اشوي ويسرررع وصلت المستشفى وحطو لي تخطيطهم وكشفت قالت ٤ سانتي .. جلست اصيح شلون هالالم واربعه بس وطلبت ابرة الظهر وقالت لي انتظري تطلع نتيجة التحاليل بعدها بنص ساعه جات وقالت طلعت النتايج بس لازم اكشف اذا اكثر من ٦ مفتوح ما اقدر اعطيك الابره وكشفت وكان مفتوح ٧ وجلست ارجع من الم الطلق 😓 وكل اشوي اجلس وتجي الدكتوره تخاصمني لازم تنسدحين على جنب عشان التخطيط وانا مب قادره مع الطلق يوم جات الساعه ٩ و٥٠ دقيقه الصباح جات الدكتوره وشافتني اتعصر مررره بموت سوت لي كشف وجلست تحوس باصابيعها الا فجاه البيبي نزل الحوض ونزل معاه ماي استغربت حسبت الماي نزل كله قبل لان كان كانه شلال يوم ينزل وجاو الممرضات وخلاص بدا حبيبي يدف نفسه وانا ادف والدكتوره تقول لي صبري اذا قلت لك دفي دفي بس انا لاشعوريا ادف وابي اتفكك منه ومن الالم وطلع حبيبي بيده وراسه وخلته هو يشق ماشقتني وصار الشق كبير لان طلع بايده 🤕 جات بتجيبه علي قلت لها شيليه ما ابيه وجلست اصيح واشاهق 😂 حقدت عليه ذيك اللحظه والدكتوره عسسسسل صبرت علي في الخياطه وحطتني اربع ابر بنج ويدها خفيفه الحمد الله وخذو ولدي العنايه عشان شرب ماي كثير من بطني

اكشني يوم الاربعا الصباح صحيت وحسيت بشي دافي ينزل طلعت السداده بدات تنزل وبعدها جا طلق كل سبع...

مارشميلو96 :

ددو الله يسهلك وتقومي بالسلامة انت والنونو

ددو الله يسهلك وتقومي بالسلامة انت والنونو

جرناس ٢٣٢ :

الله يسهل عليج وتقومين بالسلامة ياااااارب طمنينا عليج اذا قدرتي عقب

الله يسهل عليج وتقومين بالسلامة ياااااارب طمنينا عليج اذا قدرتي عقب