Doosha33 :

بنات اللي ولدت عمليه قبل تحسون شد مكان العمليه القديمه انا بالتاسع واحس بشد وثقل عليها طبيعي الوضع والا كيف العمليه صار لها ٤ سنوات

بنات اللي ولدت عمليه قبل تحسون شد مكان العمليه القديمه انا بالتاسع واحس بشد وثقل عليها طبيعي...

راايمه :

يمه انا ان شاءالله بفتح تباشير شهر اغسطس 😂♥️ اول وحده وزوجي يقول حلمت مرتين انك تولدين يوم ٢٥/٧ مقدمني اسبوع والله يسهل المهم خلوني افضفض شويه والي مرت في حالتي تفيدني اخر سونار سويته طولت الدكتوره وهي تشوف البيبي وفي نقطه سودة في منطقه المثانه عند الجنين يوم شفتها طولت سالتها عسى خير قالت بتاكد هذا الفتحه السودة ايش وانا الي اتوترر واخاف بعدين قالت هذه مبايض البنت ! قلت لها بس انا ولد مو بنت قالت اجل مثانته فيها بول ولا تفرغت ،، حسيت كلامها بس عشان تطمني ، قلت لها انا توترت وكذا قالت مافي شي يوتر وعادي وقد صارت لوحده وولدت طبيعي والطفل مافيها الا العافيه واذا ودك تتاكدين تعالي بكرا الصبح اسوي لك سونار وتاكدي والفتحه السوده هذه ماراح تكون موجوده بس انا مارحت قلت خلاص اخليها ع الموعد الجاي وبس ومن ذاك اليوم انا قلقانه ، احد صار له كذا ؟ ومعليش طول كلام 😭🥺

يمه انا ان شاءالله بفتح تباشير شهر اغسطس 😂♥️ اول وحده وزوجي يقول حلمت مرتين انك تولدين يوم ٢٥/٧...

أم جنان و حور :

انا من النوع الي دورتها منتظمه، فالولادة في اليوم المحدد أو إلى بعده.... اشتهيت أولد قبل واتخلص من الثقل. واصله حدي من التعب، ما قادرة اشل مخلوق في بطني! لكن كل ولادة وهذا الثالث ولادتها بعد يوم أو يومين.. يالله!! الله يكتب الي فيه الخير للجميع.

انا من النوع الي دورتها منتظمه، فالولادة في اليوم المحدد أو إلى بعده.... اشتهيت أولد قبل واتخلص...

في ليالي :

اللهم لك الحمد لما اشوف القائمه احس اني بحلم ياسرع الايام.. عقبال الكل يارب ياكريم مسكين وليدي حاطين له ابو خصله ههههههه عناد جا ماشاءالله على قول اللبناني حلق له أمس اسم الله شعراتو كتار .. يقولون حرام تخربين شعره..السنه حلاقة للولد وين الحرام!

اللهم لك الحمد لما اشوف القائمه احس اني بحلم ياسرع الايام.. عقبال الكل يارب ياكريم مسكين...

أم جنان و حور :

بسم الله الرحمن الرحيم هذا الموضوع خلاصة بحثي و تجربتي بولادتي الأولى و حصل لي إني حضرت كلاس خاص لتقنية التنفس و استفدت أكثر لولادتي القادمة بإذن الله أنا بعطيكم معلومات أساسية و للاستزادة ابحثوا بقوقل و اليوتيوب .. تجربتي الأولى اعتمدت ع اليوتيوب و التعليمات بالمواقع الأجنبية بس حسيت نفسي ما ضبطت تنفسي و حتى وقت الدفع ما عرفت أدفع مع إن الحمدلله ما طولت أبداً لكن العيب ما كان مني للأسف ! الطاقم اللي كانوا حولي ما مدوا لي يد العون أبداً مع إني ما صرخت و لا بكيت كانوا يقولون ادفعي .. و ادفع .. يقولون لاااااا غللللط .. و اسألهم طيب كيف ؟ قالوا يلااا اسرعي خلصي نفسك !!!!!!! طيب علموني كيف ؟؟؟؟؟؟ كانوا كل ما دخلوا علي غرفة الطلق يلقوني أتنفس وقت الطلقة ( توقف النيرس تتأملني و تروح ) شككوني بنفسي لا قالوا لي صح و لا غلط إلين جات وحدة بلا اهتمام و قالت سوي كذا و كذا فهمت إنهم مستغربين و بنفس الوقت ما تعاونوا معي أبداً لذا جهزوا نفسكم لا تتوقعون إنه راح تنهال عليكم توجيهات و تعليمات .. و إذا ربي سخر لكم أحد يوجهكم فهو خير و بركة .. العبرة بالموضوع السيطرة على نفسك .. ترى كلنا نتألم نفس الألم و في اللي تفلت نفسها و ما تحاول تتحكم و في اللي تتماسك و تذكر الله و تتذكر إنه فترة و تعدي و تصبر .. و بهالطريقة راح تساعد نفسها طول ما هي متوترة و خايفة و تصرخ راح تزيد أمورها سوء .. راح أشرح أيش هي الطلقة للبكريات لأن شرح التنفس يعتمد عليها : الطلق يكون ألم و مغص يجي و يروح ، في البداية يجي عشوائي .. و بعدها ينتظم مثال : الالم يجيك كل ١٠ دقايق بعدين كل ٨ دقايق و بعدين كل ٥ دقايق و هكذا ، لذلك الطلقة هي (فترة الألم) يميزها عن المغص العادي إنها تشد و تزيد ما تخف ، عكس الطلق الكاذب مرة يزيد و مرة يخف و حتى ممكن يخف إذا تحركتي , علماً إن الطلق الكاذب يبدأ معك من مرحلة مبكرة من الثامن أو قبله تسمى ( براكستون هيكس ) مجرد تقلصات تهيئ للولادة خلينا نبدأ بالمهم .. دخول مرحلة الطلق و الولادة معلومة غير دقيقة : عبارة منتشرة و هي تنفس الولادة يكون ( شمي وردة , طفي شمعة ) هي معلومة ليست خاطئة و لا صحيحة لأن التنفس يختلف من مرحلة من مرحلة حتى يتماشى مع سرعة الطلق و ليس بالضروري يكون نفس عميق .. قد يكون سطحي و مريح و كل ما سرع الطلق كل ما قصرت فترة أنفاسك و راح أشرح هذا الشي لاحقاً .. لما يجيك الطلق الحقيقي .. غالباً إنت لسا بالبيت و ما انتظم .. ف إذا افترضنا مدة الطلقة ٥٠ ثانية توقفي عن أي شي تسوينه ( كلام ، مشي ، أكل ) و خذي نفس مريح ( مو سطحي و لا عميق ) و عدي لل٥ او ٦ و ازفري .. و كرري حتى تروح الطلقة .. الألم ما راح يخليك تركزين لكن فكري إنك راح تساعدين نفسك بهالطريقة و محد بيساعدك بعد الله إلا قوة صبرك .. إذا قربت الولادة .. تقصر فترة الطلق لذا انتي تتماشين مع الطلقة تصيرين تقللين طول النفس .. طيب كيف ؟؟ مثال : ( الأرقام المذكورة مجرد أمثلة ) إذا الطلق في بداياته تجيك طلقة مدتها ٥٠ ثانية ف النفس يكون بالعد الين ٦ مثلاً 1- بيدأ الألم 2- ناخذ نفس معتدل و مريح و نعد إلى 6 بسرعة و نزفر ( نطلع النفس ) 3- نكرر هذا النفس على نفس النمط حتى تنتهي الطلقة إذا قصرت الطلقة و صارت ٣٠ ثانية ف بدل ما كنتي تعدين ل6 و تزفرين الآن عدي من ٤-٣ و هكذا لين تقتربين من مرحلة الولادة أكيد وقتها مو حول عد بس هذا توضيح عشان تتحكمين بالنفس يكون على نمط واحد و متساوي .. ف مو على طول تنطبق العبارة المشهورة " شمي وردة و طفي شمعة " لازم يتغير نمط نفسك مع تسارع الطلق .. دربي نفسك الآن عشان تفهمينها و تقدرين تضبطينها . . يفضل الحركة المستمرة طول فترة الطلق .. أكيد بتكون متعبة .. و لكنها تساعدك في نزول البيبي للحوض بسرعة .. و الجاذبية لها دور كبير لأنك بتكونين واقفة و الجنين بالاتجاه الصحيح لجاذبية الأرض عكس لما تكونين منسدحة .. بمستشفياتنا يمنعونك من المشي و الحركة عشان يخلون عليك جهاز قياس الطلق و نبض الجنين لكن هالمرة ما علي منهم راح أدور و أتحرك و ممكن تقلبين ع السرير زي وضعية ( القطة ) و في وضعيات ثانية زي الجلوس على الكرة و الجلوس بالماء الدافي بس ما راح تفيدنا و احنا بالمستشفى ممككن نسويها بالبيت و اللي ما نزل عندها راس البيبي للحوض تستغل وقت الطلق بالبيت و تسوي بعض الحركات وقت الطلقة هذي بإذن الله كافية تخليه ينزل بإذن الله .. - غالباً غير متوفرة كورة كبيرة لكن حاولي تجلسين على كرسي او طرف سرير باعدي بين رجليك كثير و دوري خصرك بهدوء كأنك تلعبي لعبة الهيلاهوب - جلسة القرفصاء مع المباعدة بين الرجلين - احني جذعك العلوي على طرف السرير زي الركوع ( مريح وقت الألم ) - وضعية ( القطة ) إذا فتح الرحم من ٨ الى ٩ تقوى الطلقات و يصير تنفسك سريع كل اللي مطلوب منك تتحكمين بس في النفس .. لا تفكرين بالألم و الصراخ ترى مو صعبة انا كنت بكرية و قدرت اتحكم صح اتأوه و أتألم بس سيطرت ع الألم بالتنفس .. و أعرف بكريات قدروا يتحكمون بأنفسهم مع إن معلوماتهم ضعيفة لكنها تماسكت و حبت تساعد نفسها .. إذا قالوا ادفعي .. يكون الدفع شبيه بعملية التبرز لكن ركزي جهدك على المنطقة الأمامية و حاولي ما يكون ظهرك نازل كثير للخلف .. كل ما كان ظهرك عمودي و جالسة جلسة صحيحة افضل لخروج البيبي تنفسك وقت خروج البيبي يكون بالدفع تاخذين نفس و لما تزفرين ازفري بقوة و ادفعي و جربي مع نفسك لما تدفعين و تبان اسنانك كلللللها و انتي ضاغطة عليها كأنك عاضة على شي .. بهالمرحلة و إنت تدفعين تخيلي إن راس البيبي ييتحرك و يطلع مع دفعك و هذا بيساعدك في تصحيح طريقة الدفع .. هذي المعلومة حرصت عليها اللي دربتني و هي الخياال و تلقائيا لما تتخيلين بتحسين نفسك قادرة على الدفع الصحيح .. متى لازم نروح المستشفى : - اذا انتظم الطلق - إذا فكت موية البيبي و تكون موية سايلة مو مجرد إفرازات - اذا كان في نزيف أحمر صافي ( لا تتأخرين دقيقة ) هذا انفصال مشيمة (نزيف و ليس قطرات ) - للعلم البكرية تاخذ وقت طويل بالطلق لان جسمها يتهيأ للولادة أول مرة ، و اللي ولدت قبل كذا تستعد للمفاجآت لأن في احتمال كل شي يصير سريع سريع لأن جسمك مهيئ للولادة فخذوا احتياطكم. اعرفي أكثر على عالم حواء:

بسم الله الرحمن الرحيم هذا الموضوع خلاصة بحثي و تجربتي بولادتي الأولى و حصل لي إني حضرت كلاس خاص...