ميمي القميلة :

بسم الله جيتكم بقصتي قبل كل شي انا ولادتي كانت بسمير عباس الجديد جده وهذا الحمل اخذت دوره عن الولاده الغريزيه ومحاورها كثيره كانت عن احتواء الالم تدليك العجان والرياضه وتحفيز الطلق وخطه الولاده والرضاعه الطبيعه ووووووووو ماحبيت احكيكم عنها لان خفت مو الكل مقتنع بهذا الكلام لانه عكس السائد عند الكل بحط قصه ولادتي واللي فيه شي مو فاهمته انا مستعده افهمها بسم الله اختياري للمستشفى كان بسبب انها تدعم توجهي وافكاري قصه ولادتي 🌹 الولاده الثالثه ولله الحمد انهيت الشهر التاسع من الحمل بدون اي يوادر ولاده تذكر واستخرت الله وسويت تحريض في الاسبوع ٤١ وكانت الساعه ٤ ونص وكان الرحم فاتح ٢.٥ سم ومن بعده بدا معي طلق خفيف كل ١٠ دقايق كان الامل محتمل والتنفس البطني كان يخفف عليا كثير رجعت البيت وكان الطلق مره كل ١٠ دقايق تروشت بمويه حاره مازاد الالم لكنه استمر فعرفت انه خلاص طلق حقيقي بس كان مو حار يقتل كان محتمل الساعه ٢:٣٠نومت اولادي وكلمت الوالد يوديني جده عبال حركت كانت الساعه ٣ والمشوار بقوقل ماب طالع لي ساعه ونصف ومشينا ع بركه الله وكانت تجيني الطلقه كل ٨ دقايق واتجاهلها بالتنفس العميق والسواليف مع الوالد الله يحفظه وصلت المستشفى اذان الفجر بالضبط وكنت خايفه يقولون لي مو ولاده ايش اقول لابويا دخلوني تخطيط وجات دكتوره مصريه بس كانت اخلاقها شوي ضيقه كشفت وقالت ٣ سم بس والرحم سميك والراس مرتفع ولسه بدري عليك ليه جايه!! قلت معي طلق من امس الساعه ٥ العصر قالت اكيد شاربه خروع او قرفه😂 طنشتها قالت مضطره انومك لان البيبي نبضه فوق ١٦٠ وهذا مؤشر مب زين وانتي خايفه ومتوتره ليه🙃قلت والله مدري بس م احس اني خايفه او متوتره المهم نقلوني غرفه الولاده صليت الفجر ودعيت الله بالتسهيل والتسخير ورجعوا سدحوني عشان التخطيط وتركوني وراحوا حرفيا ما معي ولا احد بالغرفه ،، ومتاكده انه خيره من الله مافيه احد يتحكم فيني ولا احد يزعجني فاتحه ملف ورد الولاده من يوتيوب واستمع له ونايمه ع جنبي بعد ساعه كلمت الممرضه تفك التخطيط ابغى اتحرك حرفيا فكته وراحت برا وتركتني لوحدي🤣مدري ليه نظامهم كذا قمت جلست ع الكوره وصرت احرك حوضي بشكل دائري ولمن تجي الطلقه اتنطط ع الكوره وفاتحه ملف جلسه الاسترخاء استمع له بعد ساعه قالت لي الممرضه نحتاج التخطيط مره ثانيه قلت لها انا جيتكم ابغى التخطيط اللاسلكي مابغى السرير حسيتها قالت هذي وش دراها🌚وقامت جابت الثاني وثبتته ليا جات الدكتوره و الممرضه بحسن نيه تقول لها خليتها تمشي شويتين بالغرفه الا قالت الدكتوره نوووو مو مسموح النبض مو زين لازم ترتاح رجعي التخطيط قلت لها ابي الحمام وبعدين ركبوه رحت الحمام تكرمون افرغ مثانتي الا هدا النبض ورجع كل شي تمام قالت لي شكله كان مرتفع لانك مثانتك مليانه خلينا نخطط ربع ساعه وبعدين نفكه وانتهى شفتها وراحت ع الساعه ٩ جات بعدها دكتوره سعوديه وقالت بكون معك الشفت هذا وجات القابله اسمها راضيه اتوقع حطوا لي التخطيط وخرجوا كلهم من الغرفه قلت لهم ابغى اتحمم بمويه حاره شجعوني وجابو لي مناشف وكلشي وراحوا دخلت الحمام حاولت اتحمم الا السخان مفصول ومافيه مويه حاره ووقتها الطلق هلكني مره كان يجي كل ٤ دقايق وتوصل شده الطلقه الى ١١٠ في الجهاز خرجت من الحمام حاولت اجلس ع الكوره ماقدرت احس الالم قاتلني واشعر اني ابي الحمام الله يجلكم دخلت وكنت ابي اتبرز وبنفسي اقول احسن عشان ادف راس البيبي تحت شوي وقتها بغيت اتجنن صار الطلق كل دقيقتين وموجع لابعد درجه خرجت من الحمام بالقوه امشي ورميت نفسي ع السرير وصرت اتأوه باقوى صوت ودقيت الجرس وجات الممرضه صرت اقولها جيبي الدكتوره جات الدكتوره قالت لي منيره اشبك انتي في ولادتك السابقه تولدي بسرعه!! قلت كل ولادتي طلق صناعي مدري قلت لها ابي كمامه واعطوني اياها قالت طيب يله بكشف طبعا هذا ثاني كشف سويته من دخلت الا شهقت وقالت فليي وقاموا اختبصوا يدقون ع الحضانه ويجهزون الكشافات وكلشي قالت لي الممرضه الكوره كويس مدام انتي فاجئتينا كل شي صار سريع قلت لها دكتوره مابي اولد ع ظهري اقلها لين يتوج الراس قالت سوي اللي يريحك لو تقدرين اصلا حاولت اتحرك ماقدرت الراس مره قريب والحركه مره تالم رفعوا رجلي فوق الدعامات قلت لها دكتوره ماتقصين قالت انا ما اقص ابدا قلت والحبل السري اخريه قالت ابشري والحمد لله بالتنفس الصح جبت ولدي في ٣ طلقات وشق بسيط قالت لي الغرز القديمه مكانها هو اللي حصل الشق وخيطوها لي بعد ما اعطوني بيثادين ولو اني ماكنت ع ظهري ما انشقيت يمكن لكن ماقدرت اتعدل ابدا وتمت الخياطه بحمد لله وولدي ما اعطوه صناعي وخلوني بالملاحظه ساعتين ثم نقلوني التنويم ............................ المستشفى اذا ماعندك ثقافه محد بيعلمك والله ماقالت الممرضه لي ولا شي ع الكوره ولا الحبل ولا شي ماعارضوا اي شي طلبته ولله الحمد والان انا بغرفتي واشوف ولدي بالحضانه بالشاشه ولمن يبكي يجيبونه لي يرضعونه شق البيبي والله اهون بكثير من مقصاتهم ومشارطهم الالم مايقارن بالولادات السابقه ولله الحمد

بسم الله جيتكم بقصتي قبل كل شي انا ولادتي كانت بسمير عباس الجديد جده وهذا الحمل اخذت دوره عن...

ميمي القميلة :

هذي الصوره من غرفه الولاده والحبل كذا استخدامه👇🏻👇🏻 وكان يخفف عليا الالم كثير كثير

هذي الصوره من غرفه الولاده والحبل كذا استخدامه👇🏻👇🏻 وكان يخفف عليا الالم كثير كثير

ميمي القميلة :

الله يسلمك والحمد لله اولا واخيرا في ملف الاسترخاء فيه دعوه "ياحي ياقيوم برحمتك استغيث اصلح لي شأني كله ولا تكلني الى نفسي او لأحد من خلقك طرفه عين" سبحان الله هذي من الدعوات اللي كنت ادعيها من قلبي انا نويت انزل لجده كله طامعه اني اكون مع دولا سكينه لكن لعل الله استجاب لدعوتي ماتيسرت لدولا سكينه تكون معاي ،، وبالمقابل كنت لوحدي طول وقت الولاده وماساعدني الا الحي القيوم ياحوامل احسنو الظن بالله وتفاءلوا

الله يسلمك والحمد لله اولا واخيرا في ملف الاسترخاء فيه دعوه "ياحي ياقيوم برحمتك استغيث اصلح...

ميمي القميلة :

ميمي القميلة :

الدولا هذي تحجزيها تجي معاك الولاده تمسجك تهديك تذكرك بالتنفس تدافع عن حقوقك وهيك وانا كنت متفقه مع دولا سكينه اللي اعطتني الدوره تجي معاي لكن وقت ولادتي ماتيسرت لها الجيه والله ساعدني من عنده

الدولا هذي تحجزيها تجي معاك الولاده تمسجك تهديك تذكرك بالتنفس تدافع عن حقوقك وهيك وانا كنت...