Remawy :
السلام عليكم حبايبي اليوم ان شاء الله صرت احسن شوي واليوم طلعت من المستشفى بعد يومين تنويم بالحكومي انا اللي صار لي قلت لكم قبل انفكت المويه ورحت لطواري وقابلت وحده وللاسف كانت معصبه ومشخصنه الموضوع على مزاجها انه التهابات وافرازات وكتبت لي مضاد عشر ايام للامانه هي فحصت الافرازات مابينه بالفحص بالشريط انها موية البيبي بس ماكنت اعرف انها ماتنزل الا اذا كنت واقفه ومشيت وطلعت وماني مرتاحه بس ماكان فيني طلق وانا كنت اكثر شيء خايفه منه تنفك الماء لان ماقد جربتها بولادتي الاولى وغير كذا مابقدر اتحكم مهما حطيت فوط وكذا عموما الحمدلله قدر الله وماشاء فعل ورجعت للبيت ونزلت من السياره وللاسف انكبت زياده ويالله طلعت بيتي وغيرت وماني مرتاحه بديت اعرق زياده وماعاد ادري وش اسوي واكلم الصحه قالوا ارجعي المستشفى الان بسرعه وفعلا رجعت وتغيروا الممرضات وماحصلتها الا كنت ناويتها وحصلت بنت حلال حتى بدون فحص قالت مويه خلاص تنويم والحمدلله تنومت وفحصت قالت 1سم وطلعت التنويم ووصل ثلاثه بس ماكان فيه طلق واعطوني طلق صناعي بالوريد سررررريع اخذته من9 الى 1 وولدت وطحت بقابله الله يسعدها طيبه وتقرا اذكار علي هنديه مسلسمه ربي عوضني وولدت بدون شق عجان بس جاني شوي تمزقات وخيطوها اهم شي يابنات عند الطلق بعد مايفتح 6 سم ادفعوا كنكم تسوونها من ورى والحمدلله بسرعه فتح 9 وادفع بكل قوتي مرتين وطلعت حبيبتي الحمدلله وخلوني اقص الحبل السري كتجربه جديده علي وخيروني بين 3 مسكنات بالطلق واخترت ابره بالعضل خاصه ان الطلق الصناعي ورى بعض وسريع مع ان وقت الطلق تمنيت ابرة الظهر بس بعد الولاده حمدت ربي لان اخاف من القسطره ولله الحمدالسلام عليكم حبايبي اليوم ان شاء الله صرت احسن شوي واليوم طلعت من المستشفى بعد يومين تنويم...
ماشاءالله تبارك الله
الحمدلله على سلامتك ومبروك ماجبتي
الله يتمم عليكم الصحة والعافية
وربك ستر ولطف الحمدلله
الحمدلله على سلامتك ومبروك ماجبتي
الله يتمم عليكم الصحة والعافية
وربك ستر ولطف الحمدلله
الصفحة الأخيرة
مقاساته تعتبر شوي صغيرة يعني شوفوا مقاسكم تأكدوا
٢. الفوط الصحية طلبت نوعين نوع من ايهيرب ونوع من نون جدا ممتازييييين
٣. رغم اني كنت أرطب منطقة الصدر في فترة الحمل لكن للأسف عانيت معاناة شديدة من تشقق الحلمات ما كملت يوم من الولادة وتشققت الحلمة وطلع مني دم فركزوا عالترطيب حتى بعد الولادة .. ارتحت جدا على نوع اشتريته من ايهيرب بعد كل رضعة أوزع منه عالحلمة والهالة وبعد ما طلعت من المستشفى استخدمت الشفاط عشان تخف التشققات
٤.شفاط الثدي (مضخة ميديلا) ممتااااااز جدا أنصحكم فيه
لاتنسون أهمية الرضاعة الطبيعية لاتهملونها وابحثوا عن طرق ومدة الحفظ(في المستشفى جتني أخصائية للرضاعة الطبيعية ووضحت لي كل شي)
٥. جهزوا لكم أظرف قرفة وأظرف فيها ينسون وكمون نوعوا حسب رغبتكم اطلبوا ماي مغلي واشربوا منه بعد الولادة الى وقت خروجك من المستشفى كل كم ساعة اشربي كوب مرة حلو وبيريحكم
٦.لاتنسون تاخذون سناكات خفيفة
٧. لمنع تسرب الحليب من الثدي أفضل شي جربته ماركة بيجون مرررة ممتازة
٨.انتبهوا لملابسكم الداخلية تكون قطنية ومريحة وماتكون ضيقة لأنها تسبب تحجر الحليب ولا تقطعون الرضاعة الطبيعية ساعات طويلة حتى لو البيبي نايم حاولي معاه عشان ما يتحجر الحليب ويسبب لك ألم
٩. بالنسبة للرضاعات جربت أفنت وتومي
تومي أحيانا وقت ما يرضع يسيل حليب من فمه مدري ليه فعشان كذا أشوف أفنت مرة ممتازة
١٠. لاتنسون سليبر مريح وما يزلق
وشيلة لك
وبطانية للطفل
مناديل مبللة ما كانت متوفرة فأخذت معاي لوقت التغيير البيبي
١١. لاتهملون فيتامين D للبيبي
وانتوا بعد خذوا الحديد والكالسيوم استمروا عليه
١٢. التغذية الجيدة والأكل الصحي المفيد .. الحلبة خذوها لا تقولون تطلع ريحة انتي في النفاس ما تبذلين مجهود ما تعرقين والشور شبه يومي يعني ما بتطلع ريحة حلبة
طبعا الحلبة من البيت نتأكد ننظفها زين ونطحنها ونعبيها بالكبسولات
او اذا تحبون حليب بالحلبة
وأضيفوا مع بعض الأكلات حلبة
حسب رغبتكم
١٣. تجنبوا الامساك وأنتم بكرامة كلوا فواكه واشربوا ماي وكلوا سلطات
١٤. بالنسبة لي في كل ولادة اذا احتجت دورة المياه أروح بسرعة لأني اذا تأخرت أجيب العيد طبعا هالكلام في البداية بس وبالتدريج يرجع كل شي طبيعي لا تخافون أهم شي ادخلوا دورة المياه أول بأول لا تتأخرون
١٥. بعد دورة المياه لازم تتأكدين من جفاف المنطقة تجنبا للبكتيريا والالتهابات
حبيت أفيدكم واذا تذكرت شي زيادة راح أكتبه