بالمبارك تجمع التباشير


ربي يسهل على اليونيويات
وتولدون بالسلامه ولاتعوشرون


ويسهل على اليوليويات يارب

الحمدلله اليوم خلصت موعد الغده واتصل الدكتور اعطاني النتيجه وقال استمري نفس الجرعه


لانه غدتي تشتغل بس مش ميه بالميه وفالحمل يقل شغلها بس الحمدلله


وقال ما اشوفك لبعد الولاده بشهرين بس تولدين هذي نص مقدار الدوا


وباجر بشوف دكتورتي اللي بتولدني باذن الله تطمني على النونو


دكتوري يقولي ليش وزنج ينزل انتي تجوعين نفسج قلت لا اكل بس اذكر بحملي ببجري نفس الوضع كان وزني مايزيد ينزل
بشوف اذا هالشي مأثر على وزن وحجم البيبي مع اني احسها تكبر في بطني بس بعدها تلعب جمباز داخل تلف وتدور وتعترض وتتخشش يمين ويسار دليل انه حجمها مش كبير بس اتوقع تكبر اسرع عالثامن
واخاف تطلع صغيره مثل اول بيبي بس باجر بتأكد باذن الله

مسااااء السعاده
ماشاءالله وبدينا الجججد مباااااااارك التباشير والله يجعلها تباشير خير علينا ياااارب ^^


تسلمين اسعد فتاة على التجمع
وفعلا نبغى اي وحده تولد تعطينا تاريخ ولادتها الفعلي
ام تميم - همسة غلاا - عزف > عطونا تواريخ ولادتكم الفعليه نعدل على القائمه

مونت


هي اللي قالوا لها قياس الراس اكبر عن الجسم مادري العكس


من اسبوع اختي تخبرنا بسالفه حملها ببنتها
تقول فجاءه على الشهر الخامس راحت لدكتوره ثانيه دكتورتها ماكانت موجوده تقول يوم سوت السونار قالت لها بنتج مش طبيعيه وراسه اكبر ما ادري اصغر عن جسمها وانه لازم تجهظينها
تقول مت خوف شو تقول هذي
وتقول رحت لدكتوره ثانيه


المهم راحوا اخر شي لهنديه شاطره وقالت لهم البيبي مافيها شي
واللي سوتلكم السونار ماتعرف انه السونار له ابعاد واذا صورت من زاويه جهه تبين كبيره وجهه صغيره


وهذي بنتها عمرها ست سنوات بتكمل سبع ومافيها الا العافيه
بس يزيغون الحامل اعوذ بالله منهم

مونت
يااااااارب يطمن قلبك ويسهلك ياكريم وتشوفين البيبي بصحه وعافيه وتجين تبشرينا يارررب
ننتظر بشارتك بإذن الله ^