الحلوة ريوم :

مسااكم الله بالخير اخباركم من ولد بعدنا ؟؟ عقبال جميع التجمع يارب والله انا لي يومين من طلعت والاهتمام لكم علية مو مرة حايسة النونو معة صفار وبنتي تعبانة صخونة ونزلة احاول هالايام انظم وقتي وادخل

مسااكم الله بالخير اخباركم من ولد بعدنا ؟؟ عقبال جميع التجمع يارب والله انا لي يومين من طلعت...

ريميتي :

أبشركم ولدت قيصري لي يومين أدعو لولدي بالحضانه لأني لي بس عشر أيام بالتاسع وانا كان عندي سوء تغذيه وضعف نبض الجنين وولدوني

أبشركم ولدت قيصري لي يومين أدعو لولدي بالحضانه لأني لي بس عشر أيام بالتاسع وانا كان عندي سوء...

مهاوو :

السلام عليكم شلونكم ياكروشااات الله يسهل لكم يااااارب ويسرها لكم ويسخر لكم خلقه مبرووك لخواتي اللي ولدووو عقبي والله يبارك لهم في ماعطاهم جايه اسولف لكم على اكشني 🤓 والسموحه على التاخير فديت اللي شاغلني وماخذ وقتي وقلبي الله يبارك فيه بيني وبينكم كنت اقول عن اللي ربووو وش اللي يشغلهم معقوله ماعندهم وقت يعلمونا وش صار معهم لين جربت الصراحه مالهم لايم تعب وارهاق وقتك كله مشغوله اتحسين كل شي فوق كلش الله يعين المهم مالكم في الطويله يوم الاحد كنت اكتب لكم وانا اصلا ماخذه تحميله الطلق بس ماقلت لكم لانه حتى خواتي وامي وزوجي مايدرون مسويه يابلفيت انا القويه اللي ماراح اعلم لين اخلص المهم صباح الاحد انا رحت لهم لانهم يبون يحطون فيني طلق قلت بجيهم اقول لهم رايي ويارب اقنعهم يايقنعوني قلت تعالو انا باقي لي تسع ايام واخلص التاسع ليش تبون تولدوني اللحين تعوذو من بليس وخلوني لين يجيني طلق ربي لاني قمطت العافيه يوم جات الصدقيه قالو يابنتي تعالي انتطبب فيك البيبي وزنه زين بس محيط بطنه يعطينا انه مهوب زين قلت كيف قالو الطبيعي في الاسبوع ال٣٧ وكم يوم لما سوينا لك التلفزيون المفروض يكون عشره وفوق لكن قياس بطنه سبعه ونص يعني صغير معناها نطلعه افضل له وخوفوني الصراحه قالو خلينا نتوكل على الله يابنتي قلت طيب بطلع واجيكم الظهر قالو تبطين ياحبيبي والا توقعين على نفسك خفت وسلمتهم امري هالكلام حوالي الساعه تسع الصبح ويحطون لي التحميله قالو انتي اللحين واحد سانتي وعقب ثمان ساعات بنكشف ونشوف اذا فتح زين وحبه الله وماراح تحتاجين تحميله ثانيه نبدي بالطلق اللي بالوريد واذا بقى واحد بنعيد التحميله ونشوف وتوكلنا على الله وقمت امشي واقرفص واسبح بماي حاار يلسع بس اتحمله ولاحد يدري فيني من هلي ولا زوجي كل من كلمني قمت اضحك له واقول تنويم روتيني وبكره بيعيدون لي التصوير وبنقارن اذا فيه تغذيه للبيبي ولا بيولدوني اسوي تمويه يعنني اللللللموووهيم واوصي زوجي يجيب لي حليب بدارسين ورطب ابي احفز الطلق وجات الساعه سبع بالليل كشفوو علي لقته ثنين قالت خلاص بنزلك لغرفه الولاده ونبدي بالطلق الصناعي كيف وانا مامعي وجع سبحان الله قلت صبر بسبح اول قالو يالله بسرعه شوي الايجي ولدي وابوه 🤓 وش اسوي بهم ذولي ياااربي وادخل واسبح بالماي الحار لاخر مرره ابي اساعد نفسي يومني طلعت من الحمام الا ذا السرير قلت جاك الموت ياتارك الصلاه شتبون قالو لقينا لك سرير تحت هياااا والا زوجي يقول وين قلت ابد قريب 😬 بيحطوني تحت الملاحظه تحت وانتو روحو البيت واي شي بكلمك قال لا بروح اجيب عشاء وبرجع انتعشاء قلت اتدل بيت هلك والا لا؟ روح عقب بكلمك ممنوع اصلا تجي تحت لانه قسم نساء ويروح مسكين والحمدالله صدقني ولا اتصل يالعاده يزعجني اتصالات وانزل معهم وانا ادعي واحوقل واطلب الله تيسير الولاده اول مانزلت قاست قالت ثنين ونص قلت بس ؟ قالت يالله بفقع الكيس وتغمز لي الممرضه قالت لا اول ابره ظهر قلت للدكتوره نفس اللي قالت لي الممرضه قالت يابنتي انا فا*** فا*** خلينا مره وحده نخلص قلت نوووو لو تحفرين مابي وجع دام بتحطين لي الصناعي خليني مخدره اول ابره الظهر قالت اجل اقعدي لما يخلص دكتور البنج ويجي قالت ماني مستعجله انتظره هالكلام تقريبا الساعه تسع قالو لي امشي بالغرقه وقعدت امشي ومعاي ماي قاريه فيه ورد الولاده واشرب منه كل شوي عشان قريت انه لازم تشويين عشان يكون عنق للرحم لين معك والحمدالله كان لين والبييي متوجه تحت وتازل بالحوض بس مو كثير يبي له جاتني الدكتوره الساعه عشر قالت هاه ضيعتي وقت لونك مخليتنا نفقع الماي كان مخلصين قلت نووو قالت اجل هاك الكوره وناقزي عليها نزلي راس البيبي واكسبي وقت لين يجي الدكتور قلت هاتيها واقعد عليها واسوي التمرين وكل ماجاني للطلق ناقزت عليها تقول بزر يطامر ياهي موريحه سبحان الله تضيع الوجع وكل شوي داخله الحمام ععزكم الله افرغ المثانه تمتلي بسرعه وعقب شفت ذا السداده اللي اول مره اسمع بها كان افراز غليض شفاف معاه خيوط دم عزكم الله يوم جات الساعه ١١ قالت تعالي نفقع الماي ضيعني وقت قلت يالله خلوني اخلص وتفقع الماي بعود نفس عود العصير وحسيت يشي داافي ينزل مني وقالت لي مبرررروك ٤ سانتي عقبها بدقايق يجيني ذاك الطلق اللي ماددري وش اوصفه شي حار شي مدري كيف ومتواصل قمت احك شعري وجسمي كل ماجاني من حرارته وادعي ربي ويامسهل ويامخرج النفس من النفس وادعي لكم بعد شوفو كيف احبكم 🤓 وادعي للي وده بالحمل ربي يعطيه والحمدالله رب العالمين ربي عاني على الطلوق لين جاء الدكتور الساعه ١١ ونص وقام يركب لي الابره وقت الطلق يوقف شغل ويقول لي خذي نفس نفس نفس كان يساعدني مسكين واذا وقف الطلق يرجع يشتغل لين ١٢ بالضبط خلص وقال لي كل نص ساعه بتنزل لك جرعه مخدر بس ماراح يكون نفس مفعول لو خذيتيها من البدايه لان الراس نازل خلاص وانتي اللحين سته سانتي وخلال ساعه ان شاء الله بتولدين بس شدي حيلك وراح عني طبعا اللي كشف علي دكتوره مو هو وقعدت عندي بس الممرضه وكانت تحضرني للولاده وتجهز الادوات وسرير البيبي وكل شي وانا ماغير اتوجه واقول لها ياخي احس برجولي واحس بالطلق ليش تقولون ماتحسون في للوجع وش فايده ذا للابره دامني احس بالوجع صح انه مو نفس للاحساس قبل ابره للظهر بس كنت يعد احس الوجع بس محتمل الصراحه ولما جات ١٢ ونص ماشفت الا السستر طلعت مني وجاو يركضون الدكاتره رجال ونساء التيم كامل دخل علي قلت شفيكم قالو اصبري ماغير عويناتي اتلاقط انطر اشووف شفيهم شوي الا الدكتوره قالت وقفي مادري شنو اظن تقصد البنج حق للظهر وتمسك المغذي وتحاول تعصره بيدي تزيد للتدفق فيه وشوي ركبو لي الاكسجين يقولون تنفسي قلت شفيهم مهبل هذاني اتنفس الحمدالله شوي وهم يقلبوني يمين ويسار قلت شفيكم قالو ضغطك نزل وهذا شي طبيعي عشان الابره الظهر ونزل نبض للبيبي ونحاول ننعشه هنا ندمت اني ماقلت لامي وتصب لكم دموعي ماغير دمووووع بدون صوت وهم يقولون لا لا لاتبكين لاتخريين فرحتك بعد شوي بتشوفينه وانا دموعي معيه توقف قلت شقو بطني طلعوه تكفوون لا يموت حرام يموت ابي عمليه قال الدكتور ماراح يموت ان شاء لله كوني قويه قلت ياااااارب انت خلقته وانت قادر تحييه هم سبب ومافي يدهم شي انت القادر سبحااانك انت ربي وربه وعقب قامو فتحو رجولي وحطو جهاز داااخل على راس للبيبي عشان يقيس اكسجينه ولزقو الواير في فخذي كيف مدري بس الحمدالله قمنا نسمع النبض يرجع سبحان الله عقب مانقطع عقب كلهم قامو يضحكون ويطمنوني انه البيبي حي وقوي ماشاء الله ورجع للحياه وكل شي زين واحمد ربي واشكره على نعمته وطلعو كلهم من عندي وبقى ثلاث ممرضات ثنتين لي وحده للبيبي اذا طلع وتبدي معي الممرضه وتقيس قاالت خلاص انتي عشره يالله سوي بوش ادفعي وادفعع معها وقلت لها لا تشقيني بليززز قالت ماراح اسوي شي وهي كذابه اظن شقتني وبووووش بووووش لين طلع البيبي الحمدالله بس مابكى هنا خفت وقلت ليش مابكى ودموعي خفت يكون ميت واقوم اطل اشوف حطوه فوق بطني والحمدالله شفته يتحرك وعقب بكى هنا بكيت معه والبيه وبكي وفديت صوتك حبيبي ويحطونه على صدري ااااه اجمل شعور الله لا يحرمكم اياه ياااربي وعقب خذوه ونظفوه وخذو قياساته ورجعوه لي ارضعه قلت مافيني شفيكم قالو حاولي حاولت بس مارضع مسكين لان عنده الحنك ضعيف وصغير وهو اصلا مايعرف يمص توه طالع للدنيا حاولت فيه النيرس بالصناعي شرب شوي عقب كلمت هلي وزوجي وبشرتهم وزعلووو وهاوشوني عشان ماقلت لهم خافو اموت ومحد حولي 🤓 وعقبها بساعتين طلعت للتنويم وحاولت في الولد يرضع وماهو راضي جوعان بس ماعرف يمص حاولو معه ونفس للنتيجه عقب خذوه الحضانه اربع ايام لين تعلم فديته عقب طلعوه والحمدالله اللحين معي صح مايرضع من صدري بس اشفط له ويرضعه من الرضاعه واعطيه بعد صناعي لانه مايكفيه والحمدالله اهم شي انه طيب وبخير وبس هذا ماحصل لي 🤓 السموحه اذا طولت عليكم ^ حشى روايه مو ولاده 🤪

السلام عليكم شلونكم ياكروشااات الله يسهل لكم يااااارب ويسرها لكم ويسخر لكم خلقه مبرووك لخواتي...

Kaady :

اخذت تحاميل من وحده قبل احمل بس كان معي افرازات والتهابات للامانه احس اني استفدت منها ومفكره اخذ منها مره ثانيه

اخذت تحاميل من وحده قبل احمل بس كان معي افرازات والتهابات للامانه احس اني استفدت منها ومفكره...