حبيبة ابوها ١٤ :

السلام عليكم اشكر كل من باركلي حبيباتي جيت قلت لازم اكتبلكم اكشني حتى ام رسيل مهتمه بما اني جارتها وسبقتها المهم ياطويالات العمر يوم الثلاثاء باليل حسيت بطلق وقلت زي العاده طلق كاذب ومارتحت بنومي كل شوي يصحيني يوم جاء الصبح رحت للمستشفى لانه منتظم كل شوي يجي اول مره كذا يوم جيت سوو تخطيط وشافو الطلق قاسو الرحم وعذبتني لقته ١ سانتي كرشتني مع الباب ورجعت بيتي وزوجي يطقطق علي المهم يابنات والله منتظم وكل شوي يجي مانمت تخيلو وطول اليوم وباليل طفشت قلت خليني ادهن بزيت زيتون وحبه سودا ودهنت وتروشت بمويا حاار والطلق شغال هذا الكلام الساعه ١٢ باليل يوم الاربعاء وجيت بنام مايمدي غطيت الاتجي ذيك الطلقه القويه نفضتني وطقطقت ضلوعي طار النوم وقعد اتلوى بالغرفه ويقوم زوجي ويقولي على المستشفى ونا قلبي يتقطع على عيالي مابي انكد نومهم ودق على اختي وجت عندهم ووالله قعدت احبهم وودعهم دراما وزوجي دمعت عيونه 😂😂 المهم وطيران للمستشفى وزوجي شغل ورد الولاده بالبلوتوث ورافع الصوت حسيته يبي يطلع جن 😂😂 المهم هرجي واجد دخلت ونا ميته من الالم وتدفني الامن مره تقولي جايه ونتي منتهيه ويوون تخطيط ويقيسون وماحسيت بالم برغم يوم جت تقيس اكبر ورفع صوتي كني توي داخله الاسلام 😅😅 وتقيس قالت ٨ طيران لغرفت الولاده وتجيني ذيك الممرضه مسويه دكتوره مدري قابله تعذبني ونفسيتها شينه حسبي الله عليها الله لايوفقها شوي اقولكم ليه دعيت عليها وتدخل يدها وعذبتني اقولها طلعي يدك عشان ادف رافضه وتنافخ اقولها شقي رافضه وتجي ممرضه الله يرزقها يارب وتعطر بيدها كم مره ونا اساعدها ثالث مره طلعت الصوصه حقتي نتفه كيلوين ونص وقولها خيطي تقول مايحتاج المهم طلعت ونا احس تعبانه واليوم ثاني يوم من الولاده جت الدكتوره تشوفني عشان الخروج قلت لها اكشفي وكشفت قالت يبيلك خياطه السباكه الي ولدتني ماتدري وين الله حاطها وتعطيني ابره من قدام وعذاب وخياطه من جديد وطلعت الحين حرب مع عيالي على البنوته لا والصغير يقولي ماما ابي اضربها يستأذن بعد والحمد لله بنتي ماحتاجت لاحضانه ولاشي

السلام عليكم اشكر كل من باركلي حبيباتي جيت قلت لازم اكتبلكم اكشني حتى ام رسيل مهتمه بما اني...

Maria78 :

الحمدلله بنات اسمحوا لي غبت عنكم فتره لان شوي كان عندي ظروف.. الحمدلله ولدت بتاريخ ١٨ يوليو قيصرية وتعبت مرررره اول اسبوع والحين احسن بس الحوض عندي اذا مشيت يطلع صوت طقطقه ووركي ماقدر اغير وضعية نومي منه.. قالت لي الدكتوره اسوي علاج طبيعي بس بعد ٦ اسابيع من العملية 😥😥😥

الحمدلله بنات اسمحوا لي غبت عنكم فتره لان شوي كان عندي ظروف.. الحمدلله ولدت بتاريخ ١٨ يوليو...

Omsarah99 :

الحمدلله حتى يبلغ الحمد منتهاه رزقت صباح اليوم الفضيل بمولودي 💙 اسال الله ان يجعله قرة عين لي ولوالده دعواتكم لي ولكم اضعافها ❤️

الحمدلله حتى يبلغ الحمد منتهاه رزقت صباح اليوم الفضيل بمولودي 💙 اسال الله ان يجعله قرة عين لي...

خلود بنت العتيبي :

بنات انا طلعت ولدي على مسئوليتي كل يوم يطلعون فيه عله توكلت على ربي ووقعت له خروج رحمته مره الضربه براسه وجسمه كله ابر واقول ليش تحللونه قالو نظامنا كذا كل ١٢ ساعه تحليل نتأكد مايلقط شي من التنويم وهو صياحه يقطع القلب لكن المشكله فيه نسبة صفار ومره خايفه اني غامرت بخروجه تكفون وش اسوي للصفار ومن تجاربكم كم يجلس ويروح

بنات انا طلعت ولدي على مسئوليتي كل يوم يطلعون فيه عله توكلت على ربي ووقعت له خروج رحمته مره...