مشكوره على الرد ♥️♥️ مدري اليوم كله 😭😭لاني كنت مخططه اكلي يكون صحي لو. ١٠ ايام وماصار .. جوووع اغلب الوقت الله يسهلمشكوره على الرد ♥️♥️ مدري اليوم كله 😭😭لاني كنت مخططه اكلي يكون صحي لو. ١٠ ايام وماصار .. جوووع...
برآءة 💜 :
احئم بالنسبة للعطسة تبعي 🌚♥️ بيوم ولادتي المشهود طقت كبدي على قولهم والثقل زاد عليا ووصلت لأخري مرا ونفسيتي دمااار ، تغديت واخدت ملعقة خروع زي ماقالتلي الدكتورة ودعيتتت ربي انو يخلصني ويفرجها عليا .. بعدها مشيت حول الساعة ونص وجيت تحممت بمويا دافية ، واخدت ملعقة ثانية خروع صاملة عالولادة 😂 الموهم جاء العشاء وقلت لزوجي ابغا انام تعبانة قالي لااا خلينا نتمشى ونتعشى شويا ونغير جو .. ماتدري يمكن هذا أخر مشوار بكرشتك هذي وانا اعطيه النظرة اللي كذا 😒 ماليا خلق مرا الموهم الا أصر .. رحنا وطلبنا عشاء وتعشينا وقال فيه حديقة جنبنا حطي حيلك فيها وامشي عاندت شويا وبعدين استسلمت نزلنا وامشي وامشيي وكان فيها زي الدرج مرتفع واطلع وانزل واطلع وانزل شكلي يضحك بس شسوي محرومة منه وابغا الفكة 🌚💔 واثناء ما أنا امشششي بثواني .. حسيت بشيء دافييي اتكب زي البالونة اللي تفكت وانا مو مستوعبة قلت لزوجي هيا السيارة وقلتله عليها وطيران وداني المستشفى وانا احسني متوترة ومختبصة واترجاه يوديني البيت 🌝 طبعا هوا ماصدق خبر انو بيتفك مني واولد وصادف انو الحديقة مسافة 3 دقايق من المستشفى تقريباً اللي بولد فيه ودخلوني الطوارئ وعملت سونار وتخطيط قالتلي احتمال عملية قتلها ليش قالت الراس مرتفع والحوض صغير ومادري ايش قلت ان شاءالله خير .. وبعد ساعة من التخطيط طلعوني الكشك وانا ما احس بأي الممم نهائياً .. وانا قاعدة بالكشك اطقطق بالجوال طفشانة الا تدخل وحدة وتصصصصصرخ 😩😩😩😩 يمه قلبي فز ولاشعورياً سديت اذاني والسسترات يتجمعوا عليها و شكلها الله يعطيها العافية وصلت حدها بمجرد ما صرخت صرختين الا وهيا والدة واسمع صوت ولدها ماشاءالله وفرحتلها وتمنيت ولادة زيها ميسرة 🥺♥️ الموهم جات الدكتورة وقالت راح نطلعك التنويم ونشوف وضعك اذا يلزم عملية ولا لا وودوني بعد الفجر التنويم وعادوا السونار والتخطيط وقالوا عملية ولكن نعطيك فرصة للطبيعي بما انك بكرية واذا ما ولدتي الظهر نعملك العملية وانا مستسلمة جاني برود وتبلد فضييييعع وكأن ربي نزل سكينته عليا سبحان الله ، وانا قاعدة احاول انام اللي يبدأ مغص قوي عالساعة 9 الصباح وأطنششه وكل ماله يزيد لحد ما وصلت مرحلة انو ما أقدر اتحمله ناديت عالسسترات وجات الدكتورة وقالت ماشاءالله 5 سانتي طلعوها الكشك وارجعلهم من جديد 🤕 و دفوني و انا اتلوى من الألم واللي بجنبي منومة الله يجزاها خير تدعيلي وتقولي خدي نفس وتنفسي كويس وتهون عليا وطلعوني ودقايق قاست قالت 7 وبعدها بنص ساعة 8 سانتي وانا امسك بالسرير شمي وردة وطفي شمعة تذكرت كلامكم لما تنصحوني ما أصرخ واتنفس كويس وفعلاً الحمد لله ما جات الساعة 11 و50 الا تصرخ تقولي بيبي يلا سوي براز وانا اتعصصصر لحد ما طلعت بنتي بحضني الله يحفظها ويخليها ليا الحمد لله الحمد لله على فضله ورحمته 💗 والسسترات مو مصدقين إني بكرية وما صرخت وطفشتهم وعملت دراما ويقولولي كنتِ قوية الحمد لله تيسسرت وأخيييراً 😩 ف من هنا اشكركم بنات نفر نفر وعتوني وفيدتوني كثيير وتعلمت من تجاربكم مررررا شكراً الله يسعدكم دنيا وأخرة🥺💗💗 وإلى هنا إنتهت العطسة .. 💃🏻 وآسفة طولت عليكم 🌝👋🏻احئم بالنسبة للعطسة تبعي 🌚♥️ بيوم ولادتي المشهود طقت كبدي على قولهم والثقل زاد عليا ووصلت لأخري...
Memo8764 :
ماشاء الله الحمدلله على الخلاص كان فاتح رحمك قبل تشربين الخروع ؟ انا توني راجعه من المستشفى معي طلق والبيبي نازل بالحوض بس للأسف الرحم مسكر تماماً وطلعت😣 باقي يومين واخلص التاسع الله يهون وييسر علينا جميعاًماشاء الله الحمدلله على الخلاص كان فاتح رحمك قبل تشربين الخروع ؟ انا توني راجعه من المستشفى...
كيفكم بنات انا تعبت خلصت التاسع اليوم 😩😩 ادعو لي يا بناتكيفكم بنات انا تعبت خلصت التاسع اليوم 😩😩 ادعو لي يا بنات
اللهم لك الحمد ولدت و جبت احلى بنوته الله يبارك لنا فيها و يرزقنا برّها .. طبعا انا اسمي كان بالقائمه و حذفتوه لاني ماشارك😔
حبيت اقولكم اكشن ولادتي علشان تستفيدون
طبعا كان يوم ولادتي ٨/٣ و ولدت في تاريخ ٨/١٣ الدكتور قرر علي تنويم و طلق صناعي في ٨/١٠ وكنت كل يوم أأجل احتري يجيني طلق طبيعي
كل شي سويته و مافي فايده سبحان الله رحمي كان مقفل قررت استسلم و اروح للمستشفى
مسكوني مباشره تنويم و قرر الدكتور ٣ جرعات تحاميل طلق صناعي كل ٦ ساعات تحميله على حسب الاستجابه
عطاني التحميلة الاولى من الصناعي الساعة ٢ الظهر و ابتدا مفعولها بألم بسيط شي لايذكر
الى الساعه ٦ المغرب جاني طلق و كان حامي مررره و صار يتقارب كل خمس دقايق بعدين كل ٣ و اخر شي كل دقيقه مايمديني ارتاح الا اشتغلت الطلقه و تقص الظهر الله يرحمني و يعظم الاجر😩😩
الى الساعه ٧ المغرب انفتحت و نزلت المويه و انادي على الممرضه قالت بنعطيك الجرعة الثانيه اقولها خلاص مو قادره بموت من الالم قالت بكشف و لمست الراس قالت يلااا ولادة على طول
بسرعه نادت الممرضه الثانية و غطت وجهي و سحبت السرير لغرفة الولادة و انا اصرخ و تقولي لاتدفعين صبري شوي
دخلت لغرفة الولاده و بسرعه قاموا يلبسون لبس العمليات و اصرخ ذيك الصرخه و تطلع بنتي و بسرعه جات و سحبت جسمها و قالت خلصتي
طبعا شقتني بنتي و خطيتني من برا و جوا
و الحمدلله انتهت رحلة الحمل و الولادة
نصيحه يابنات
خفت من الطلق الصناعي كثير و أأجلت و سبحان الله على شدته الا انه سريع ويخلصك بسرعه
و مانسى ساعدتني كثيرر تمارين التنفس اثناء الطلق كانت تخفف الالم و تفتح الرحم بسرعه غير كذا مهم جدا تكونين جالسه انتبهي تكونين منسدحه و الرطب كان جنبي بعد كل طلقة كنت اكل حبه اتغصبه
اتمنى اني افدتكم و الله يسهل على الجميع